தேசிய செய்திகள்

முடிவுக்கு வருகிறது தென்மேற்கு பருவ மழை- இந்திய வானிலை ஆய்வு மையம் தகவல் + "||" + Southwest monsoon starts withdrawing after delay of over one month

முடிவுக்கு வருகிறது தென்மேற்கு பருவ மழை- இந்திய வானிலை ஆய்வு மையம் தகவல்

முடிவுக்கு வருகிறது தென்மேற்கு பருவ மழை- இந்திய வானிலை ஆய்வு மையம் தகவல்
ஒரு மாதத்திற்கும் மேலான தாமதத்திற்குப் பிறகு தென்மேற்கு பருவமழை முடிவுக்கு வரப்போவதாக இந்திய வானிலை ஆய்வு மையம் தெரிவித்துள்ளது.
புதுடெல்லி,

இந்தியாவில் தென்மேற்கு பருவமழை காரணமாக வடமாநிலங்களில் இந்த ஆண்டு அதிக அளவில் மழைப்பொழிவு ஏற்பட்டது. இந்தியாவை பொறுத்தவரை தென்மேற்கு பருவமழையானது செப்டம்பர் மாத தொடக்கத்தில் முடிவுக்கு வருவது வழக்கமாகும். ஆனால் இந்த ஆண்டு அக்டோபர் மாதம் வரை மழைப்பொழிவு நீடித்துள்ளது.

இந்நிலையில் தற்போது தென்மேற்கு பருவமழை முடிவுக்கு வர ஆரம்பித்துள்ளதாகாவும் பஞ்சாப், அரியானா மற்றும் வடக்கு ராஜஸ்தானில் மழை முற்றிலும் குறைந்து விட்டதாக இந்திய வானிலை ஆய்வு மையம் தெரிவித்துள்ளது. 

இது குறித்து இந்திய வானிலை ஆய்வு மையம் வெளியிட்டுள்ள அறிக்கையில், “வடமேற்கு இந்தியாவில் குறைந்த வெப்பமண்டல மட்டத்தில் ஏற்பட்டுள்ள சூறாவளி எதிர் சுழற்சி, வளிமண்டலத்தில் படிப்படியாக ஈரப்பதம் குறைதல் மற்றும் மழைப்பொழிவு குறைதல் ஆகிய காரணங்களால் தென்மேற்கு பருவமழை படிப்படியாக குறைந்து வருகிறது” என்று தெரிவித்துள்ளது.

இது போன்ற மழைக்காலம் நீடிக்கும் நிகழ்வு கடந்த 1961(அக்டோபர் 1) ஆம் ஆண்டிலும், அதன் பின்னர் 2007(செப்டம்பர் 30) ஆம் ஆண்டிலும் பதிவு செய்யப்பட்டுள்ளது. அடுத்த இரண்டு நாட்களில் வடமேற்கு இந்தியாவின் மீதமுள்ள பகுதிகளிலும், அதற்கடுத்த 2-3 நாட்களில் மத்திய இந்தியாவிலும் மழை குறையும் என இந்திய வானிலை ஆய்வு மையம் தெரிவித்துள்ளது.

தொடர்புடைய செய்திகள்

1. சிவகாசி நகரின் மையப்பகுதியில் பாலம் அமைக்கும் பணி தாமதம்; பள்ளி மாணவர்கள் அவதி
சிவகாசி நகராட்சி பகுதியில் பாலம் அமைக்கும் பணி தாமதமாக நடைபெற்று வருவதால் பொதுமக்களும், மாணவர்களும் கடுமையாக பாதிக்கப்பட்டு வருகிறார்கள்.
2. 10 ஆயிரம் மரக்கன்றுகள் நடும் பணியில் ஈடுபட்டுள்ள தன்னார்வ இளைஞர்கள் பராமரிப்பு பணியில் தீவிர கவனம் செலுத்த முடிவு
பல்லவராயன்பத்தை ஊராட்சியில் 10 ஆயிரம் மரக்கன்றுகளை நடும் பணியில் தன்னார்வ இளைஞர்கள் குழுவினர் ஈடுபட்டுள்ளனர். பராமரிப்பு பணியில் கவனம் செலுத்த தனிக்குழுக்களும் அமைக்கப்பட்டுள்ளது.
3. கனமழை - வெள்ளத்திற்கு நாடுமுழுவதும் 500 பேர் பலி; பீகார், குஜராத், கேரளா, அசாம் மோசமான பாதிப்பு
இன்று புதன்கிழமை வரை இந்தியா முழுவதும் பெய்த மழை மற்றும் வெள்ளத்தினால் 500-க்கும் மேற்பட்டோர் பலியாகி உள்ளனர்.
4. மாட்டுத்தாவணியில் கண்மாய் ஆக்கிரமிப்பை அகற்றுவதில் தாமதம்: பொதுப்பணித்துறை முதன்மை செயலாளர் நேரில் ஆஜராக மதுரை ஐகோர்ட்டு உத்தரவு
மாட்டுத்தாவணியில் கண்மாய் இடத்தை ஆக்கிரமித்து ஓட்டல் கட்டப்பட்டுள்ளதாக தொடரப்பட்ட வழக்கில் பொதுப்பணித்துறை முதன்மை செயலாளர் வருகிற 22-ந்தேதி நேரில் ஆஜராக வேண்டும் என்று மதுரை ஐகோர்ட்டு உத்தரவிட்டுள்ளது.
5. தஞ்சை அருகே என்ஜின் பழுதானதால் பயணிகள் ரெயில் நடுவழியில் நிறுத்தம் 4 ரெயில்கள் 2½ மணி நேரம் தாமதம்
தஞ்சை அருகே பயணிகள் ரெயில் என்ஜின் பழுதானதால், 4 ரெயில்கள் ஆங்காங்கே நிறுத்தப்பட்டு, 2½ மணி நேர தாமதத்துக்கு பிறகு இயக்கப்பட்டதால் பயணிகள் கடும் அவதி அடைந்தனர்.