தேசிய செய்திகள்

டெல்லியில் வெளிநாட்டு சுற்றுலா பயணியை ஏமாற்றி பணம் பறிக்க முயன்ற ஆட்டோ ஓட்டுனர் கைது + "||" + Delhi: Auto driver held for cheating US tourist

டெல்லியில் வெளிநாட்டு சுற்றுலா பயணியை ஏமாற்றி பணம் பறிக்க முயன்ற ஆட்டோ ஓட்டுனர் கைது

டெல்லியில் வெளிநாட்டு சுற்றுலா பயணியை ஏமாற்றி பணம் பறிக்க முயன்ற ஆட்டோ ஓட்டுனர் கைது
டெல்லியில் அமெரிக்க சுற்றுலா பயணியை ஏமாற்றி பணம் பறிக்க முயன்ற ஆட்டோ ஓட்டுனர் கைது செய்யப்பட்டுள்ளார்.
டெல்லி,

அமெரிக்காவை சேர்ந்த ஜார்ஜ் வான்மீட்டர் என்பவர் இந்தியாவிற்கு சுற்றுலாவிற்காக கடந்த 18 ஆம் தேதி டெல்லி விமான நிலையம் வந்துள்ளார்.

தான் தங்குவதற்காக டெல்லியில் உள்ள ஒரு ஹோட்டலில் ஆன்லைன் மூலம் பதிவு செய்திருந்த அவர் அந்த ஹோட்டலுக்கு செல்வதற்காக ஒரு ஆட்டோவை நிறுத்தியுள்ளார்.

ஆட்டோ ஓட்டுனர் ராம் ப்ரீத், வெளிநாட்டு பயணியிடம் தவறான தகவல்களை அளித்து பணம் பறிக்க எண்ணியுள்ளார். எனவே அந்த சுற்றுலா பயணியிடம் பண்டிகை காலம் நெருங்கி வருவதால் டெல்லிக்கு செல்லும் அனைத்து சாலைகளும் மாற்றிவிடப்பட்டுள்ளதாகவும் தான் அவரை மாற்று வழியில் அழைத்து செல்வதாகவும் கூறி இருக்கிறார்.

பின்னர் அவரை டெல்லி கோலெ மார்க்கெட் பகுதியில் உள்ள சுற்றுலா அலுவலகத்திற்கு அழைத்துச் சென்றுள்ளார். அங்கு இருந்த சுற்றுலா அதிகாரியும் அவருக்கு தவறான தகவல் அளித்து ஆக்ரா மற்றும் ஜெய்பூர் செல்வதற்கு ஏற்பாடு செய்து தருவதாக கூறி 1,294 டாலர்கள் வாங்கியிருக்கிறார்.

ஆக்ராவிற்கு சென்ற பின்னர் அந்த சுற்றுலா பயணி தான் முன்பே பதிவு செய்திருந்த ஹோட்டலுக்கு தொடர்பு கொண்டு பேசிய போது டெல்லிக்கு வரும் எந்த சாலையும் மாற்றப்படவில்லை என்று கூறியுள்ளனர். அதன் பிறகு தான் அந்த சுற்றுலா பயணி தான் ஏமாற்றப்பட்டதை உணர்ந்து உடனடியாக மந்திர் மார்க் காவல் நிலையத்தில் புகார் அளித்துள்ளார்.

இந்த புகாரின் அடிப்படையில் ஆட்டோ ஓட்டுனர் ராம் ப்ரீத் கைது செய்யப்பட்டுள்ளார். பீகாரை சேர்ந்த இவர் டெல்லியில் தங்கி ஆட்டோ ஓட்டி வருகிறார். இவருடன் இணைந்து அந்த சுற்றுலா பயணியை, ஒரு டாக்சி ஓட்டுனர் உட்பட மேலும் சில பேர் ஏமாற்றியதாக தெரிய வந்துள்ளது. 

இந்தியாவில் வெளிநாட்டு சுற்றுலா பயணிகள் இது போன்ற நபர்களால் ஏமாற்றப்படும் சம்பவங்கள் அவ்வப்போது நிகழ்ந்து வருகின்றன. இந்த சம்பவத்தில் தொடர்புடையவர்கள் குறித்து காவல்துறையினர் விசாரித்து வருகின்றனர்.

தொடர்புடைய செய்திகள்

1. டெல்லியில் போராடி வரும் பல்கலைக்கழக மாணவர்கள் நாடாளுமன்றம் நோக்கி பேரணி - போலீசார் தடியடி நடத்தியதால் பரபரப்பு
டெல்லியில் தொடர் போராட்டம் நடத்தி வரும் ஜவகர்லால் நேரு பல்கலைக்கழக மாணவர்கள் நேற்று நாடாளுமன்றம் நோக்கி பேரணி நடத்தினர். அவர்கள் மீது போலீசார் தடியடி நடத்தியதால் பரபரப்பு ஏற்பட்டது.
2. போராடும் மாணவர்கள் சட்டம் ஒழுங்கை கையில் எடுக்கக் கூடாது: டெல்லி போலீஸ் வலியுறுத்தல்
ஜே.என்.யூ பல்கலைக்கழக மாணவர்கள் சட்டம் ஒழுங்கை கையில் எடுக்கக் கூடாது என்று டெல்லி போலீஸ் தெரிவித்துள்ளது.
3. டெல்லி மாவட்ட நீதிமன்றங்களில் வக்கீல்கள் நாளை பணிக்கு திரும்புகின்றனர்
வேலை நிறுத்த போராட்டத்தில் ஈடுபட்டு வந்த டெல்லி மாவட்ட நீதிமன்றங்களின் வக்கீல்கள் நாளை பணிக்கு திரும்புகின்றனர்.
4. டெல்லியில் ஜனாதிபதியுடன் இளவரசர் சார்லஸ் சந்திப்பு
டெல்லியில் ஜனாதிபதி ராம்நாத் கோவிந்தை இளவரசர் சார்லஸ் சந்தித்தார்.
5. டெல்லியில் காற்று மாசு : பள்ளிகளை மூட மாசு கட்டுப்பாட்டு வாரியம் பரிந்துரை
டெல்லியில் காற்று மாசு காரணமாக மேலும் இரண்டு நாட்களுக்கு பள்ளிகளை மூட டெல்லி அரசாங்கத்திற்கு மாசு கட்டுப்பாட்டு வாரியம் பரிந்துரை செய்துள்ளது.