<
புதுச்சேரி காமராஜ் நகர் தொகுதியில் காங்கிரஸ் வேட்பாளர் ஜான்குமார் வெற்றி
புதுச்சேரி காமராஜ் நகர் தொகுதியில் காங்கிரஸ் வேட்பாளர் ஜான்குமார் 7,171 வாக்குகள் வித்தியாசத்தில் வெற்றி பெற்றுள்ளார்.
புதுச்சேரி,
புதுச்சேரி காமராஜ் நகர் தொகுதியில் எம்.எல்.ஏ.வாக இருந்த வைத்திலிங்கம் நாடாளுமன்ற தேர்தலில் போட்டியிட்டு வெற்றி பெற்றதால் தனது எம்.எல்.ஏ. பதவியை ராஜினாமா செய்தார். இதனால் காலியான காமராஜ் நகர் தொகுதிக்கு கடந்த 21ந்தேதி வாக்கு பதிவு நடந்தது.
இதற்கான வாக்கு எண்ணிக்கை இன்று நடைபெற்றது. இதில், தொடக்க சுற்றில் புதுச்சேரி காமராஜ் நகர் தொகுதியில் காங்கிரஸ் வேட்பாளர் ஜான்குமார் முன்னிலை பெற்றார்.
பின்பு தொடர்ந்து நடந்த வாக்கு எண்ணிக்கையில், காங்கிரஸ் கட்சியின் வேட்பாளர் ஜான்குமார் 14,782 வாக்குகளும், என்.ஆர். காங்கிரஸ் கட்சியின் வேட்பாளர் புவனேஸ்வரன் 7,611 வாக்குகளும், நாம் தமிழர் வேட்பாளர் 620 வாக்குகளும் பெற்றுள்ளனர்.
காங்கிரஸ் கட்சி வேட்பாளர் ஜான்குமார், என்.ஆர். காங்கிரஸ் கட்சியின் வேட்பாளர் புவனேஸ்வரனை விட 7,171 வாக்குகள் வித்தியாசத்தில் வெற்றி பெற்றுள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
