விமானத்தில் அநாகரிகமாக நடந்துகொண்ட விமானி, பணிப்பெண் பணிநீக்கம்

புதுடெல்லி,

டெல்லியில் இருந்து கொல்கத்தாவுக்கு ஸ்பைஸ்ஜெட் விமானம் கடந்த மாதம் சென்றது. அப்போது சீருடையில் இருந்த விமான பணிப்பெண், விமானத்தில் ஒருவருடன் இருக்கையில் அமர்ந்து இருந்தார்.

விமானம் புறப்பட்டவுடன் இருவரும் அருகருகே அமர்ந்து அநாகரிகமான முறையில் நடந்து கொண்டனர். இதனால் விமானத்தில் இருந்த பயணிகளுக்கு தர்மசங்கடமான சூழ்நிலை ஏற்பட்டது. இதுகுறித்து பயணிகள் சிலர் அந்த விமான நிறுவனத்தில் புகார் அளித்தனர்.

இது தொடர்பாக விமான நிறுவனம் சம்பந்தப்பட்ட இருவரிடம் விசாரணை நடத்தியது. விசாரணையில் பணிப்பெண்ணுடன் நெருக்கமாக இருந்தது மாற்று விமானி என்பதும், அவர் அப்போது பணியில் இல்லை என்பதும் தெரியவந்தது. இருவரும் பயணிகள் மத்தியில் அநாகரிகமாக நடந்துகொண்டது உறுதி செய்யப்பட்டதால் அவர்கள் பணிநீக்கம் செய்யப்பட்டனர்.