தேசிய செய்திகள்

ஜம்மு, ஸ்ரீநகர் மற்றும் லே வானொலி நிலையங்கள் பெயர் மாற்றம் + "||" + Names of Jammu, Srinagar and Leh Radio stations changed

ஜம்மு, ஸ்ரீநகர் மற்றும் லே வானொலி நிலையங்கள் பெயர் மாற்றம்

ஜம்மு, ஸ்ரீநகர் மற்றும் லே வானொலி நிலையங்கள் பெயர் மாற்றம்
காஷ்மீர் மாநிலம் இன்று முதல் இரண்டு யூனியன் பிரதேசங்களாக பிரிந்ததையடுத்து அங்குள்ள வானொலி நிலையங்களுக்கு பெயர் மாற்றம் செய்யப்பட்டுள்ளது.
ஸ்ரீநகர்,

இந்திய அரசியலமைப்பு சட்டத்தின் 370-வது பிரிவின் கீழ் காஷ்மீர் மாநிலத்துக்கு வழங்கப்பட்டு இருந்த சிறப்பு அந்தஸ்தை மத்திய அரசு கடந்த ஆகஸ்டு 5 ஆம் தேதி ரத்து செய்தது. மேலும் அந்த மாநிலத்தை ஜம்மு-காஷ்மீர் மற்றும் லடாக் என 2 யூனியன் பிரதேசங்களாகவும் பிரித்தது. 

இந்த சட்டம் நிறைவேறி சுமார் 3 மாதங்கள் ஆன நிலையில், காஷ்மீர் தொடர்பான நடவடிக்கைகள் நேற்று நள்ளிரவு முதல் அமலுக்கு வந்துள்ளன. கிரிஷ் சந்திரா மர்மு மற்றும் ஆர்.கே.மாத்தூர் இருவரும் முறையே ஜம்மு-காஷ்மீர் மற்றும் லடாக் யூனியன் பிரதேசங்களின் துணை நிலை கவர்னர்களாக இன்று பதவியேற்றனர்.

இதனை தொடர்ந்து ஜம்மு, ஸ்ரீநகர் மற்றும் லே  ஆகிய பகுதிகளில் உள்ள வானொலி நிலையங்களின் பெயர்கள் முறையே ‘ஆல் இந்தியா ரேடியோ-ஜம்மு’, ‘ஆல் இந்தியா ரேடியோ- ஸ்ரீநகர்’ மற்றும் ‘ஆல் இந்தியா ரேடியோ- லே’ என பெயர் மாற்றம் செய்யப்பட்டுள்ளன.

இதற்கு முன் இந்த வானொலி நிலையங்கள் ‘ரேடியோ காஷ்மீர்’ என்ற பெயரில் இயங்கி வந்தது குறிப்பிடத்தக்கது.

தொடர்புடைய செய்திகள்

1. ஜம்மு- காஷ்மீர் வளர்ச்சிக்கு ரூ.80 ஆயிரம் கோடி: மத்திய அரசு ஒதுக்கீடு
ஜம்மு-காஷ்மீர் மாநில வளர்ச்சிக்காக ரூ80 ஆயிரம் கோடி நிதியை மத்திய அரசு ஒதுக்கீடு செய்துள்ளது.
2. ஜம்மு-காஷ்மீருக்கு பயணம் செய்ய உள்ள மத்திய அமைச்சரவை குழு
மத்திய அமைச்சரவை குழு, அடுத்த வாரம் ஜம்மு-காஷ்மீருக்கு பயணம் செல்ல உள்ளதாக தகவல்கள் வெளியாகி உள்ளன.
3. காஷ்மீரில் கடும் பனிப்பொழிவு, நெடுஞ்சாலை மூடப்பட்டது
காஷ்மீரில் கடும் பனிப்பொழிவு இன்று காலை நிலவியது. இதனால், மக்களின் இயல்பு நிலை பாதிக்கப்பட்டுள்ளது.

ஆசிரியரின் தேர்வுகள்...