தேசிய செய்திகள்

உண்மை வெற்றி பெற்றுள்ளது: ரபேல் வழக்கில் உச்ச நீதிமன்ற தீர்ப்பு குறித்து பாஜக கருத்து + "||" + Truth has triumphed: BJP on Rafale verdict

உண்மை வெற்றி பெற்றுள்ளது: ரபேல் வழக்கில் உச்ச நீதிமன்ற தீர்ப்பு குறித்து பாஜக கருத்து

உண்மை வெற்றி பெற்றுள்ளது: ரபேல் வழக்கில் உச்ச நீதிமன்ற தீர்ப்பு குறித்து பாஜக கருத்து
ரபேல் வழக்கில் முறைகேடு நடைபெறவில்லை என்ற தீர்ப்புக்கு எதிராக தாக்கல் செய்யப்பட்ட மறுசீராய்வு மனுக்களை உச்ச நீதிமன்றம் தள்ளுபடி செய்தது.
புதுடெல்லி,

பிரான்சு நாட்டிடம் இருந்து 36 விமானங்களை வாங்க போடப்பட்ட ஒப்பந்தத்தில் முறைகேடு நடைபெற்றதாகவும் இது தொடர்பாக சிறப்பு புலனாய்வுக் குழு அமைத்து விசாரணை நடத்த வேண்டும் என்றும் உச்ச நீதிமன்றத்தில் மனுக்கள் தாக்கல் செய்யப்பட்டன. இந்த மனுக்களை தள்ளுபடி செய்த உச்ச நீதிமன்றம், ரபேல் போர் விமான ஒப்பந்தத்தில் எந்த முறைகேடும் நடந்திருப்பதற்கு ஆதாரம் இல்லை என்று தீர்ப்பளித்தது. 

உச்ச நீதிமன்றத்தின் இந்த தீர்ப்பை  மறு ஆய்வு செய்யக்கோரி முன்னாள் மத்திய மந்திரிகள் யஷ்வந்த் சின்கா, அருண் ஷோரி மற்றும் மூத்த வக்கீல் பிரசாந்த் பூஷண், வினீத் தண்டா, ஆம் ஆத்மி கட்சி தலைவர் சஞ்சய் சிங் ஆகியோர் மனுக்களை தாக்கல் செய்தனர்.

இந்த மனுக்களை தலைமை நீதிபதி ரஞ்சன் கோகாய், நீதிபதிகள் எஸ்.கே.கவுல், கே.எம்.ஜோசப் ஆகியோரைக் கொண்ட அமர்வு விசாரித்தது. அனைத்து தரப்பு வாதங்களையும் கேட்டு முடித்த நீதிபதிகள் தீர்ப்பை தேதி குறிப்பிடாமல் கடந்த மே மாதம் 10-ந் தேதி ஒத்திவைத்தனர். 6 மாதங்களுக்கு பின்னர் ரபேல் மறுசீராய்வு மனுக்கள் மீது இன்று  தீர்ப்பு வழங்கப்பட்டது. அப்போது ரபேல் ஒப்பந்தம் முறைகேடு புகார் தொடர்பான மறுசீராய்வு மனுக்கள் தள்ளுபடி செய்யப்பட்டன.

இந்த நிலையில், உச்ச நீதிமன்ற தீர்ப்பை சுட்டிக்காட்டி கருத்து தெரிவித்துள்ள பாஜக, உண்மை வென்றுள்ளது என்று தெரிவித்துள்ளது. மேலும், உண்மைக்கு இடையூறுகள் இருக்கும் எனவும் ஆனால் தோற்கடிக்கப்படாது எனவும் கூறியுள்ள பாஜக, மோடி அரசுக்கு கிடைத்த மிகப்பெரிய வெற்றி  இது எனவும் தெரிவித்துள்ளது.

தொடர்புடைய செய்திகள்

1. பா.ஜனதா அதிருப்தி எம்.எல்.ஏ.க்கள் ரகசிய கூட்டம் ; கர்நாடக அரசியலில் பரபரப்பு
மந்திரி பதவி கிடைக்காததால் அதிருப்தி அடைந்த பா.ஜனதா எம்.எல்.ஏ.க்கள் 10-க்கும் மேற்பட்டோர் பெங்களூருவில் மந்திரி ஜெகதீஷ் ஷெட்டர் வீட்டில் ரகசிய கூட்டத்தை நடத்தினர்.
2. பா.ஜனதாவும், காங்கிரசும் ஒரே நாணயத்தின் இரு பக்கங்கள்; மாயாவதி சொல்கிறார்
பகுஜன் சமாஜ் கட்சி தலைவர் மாயாவதி உத்தரபிரதேச மாநிலம் லக்னோவில் தனது 64–வது பிறந்தநாள் விழாவை கொண்டாடினார். அப்போது அவர் நிருபர்களிடம் கூறியதாவது:–
3. காங்கிரசுடன் கரம் கோர்த்த காவி: அரசியலில் புதிய சகாப்தம்
அரசியலில் நிரந்தர நண்பனும் இல்லை, நிரந்தர எதிரியும் இல்லை எனும் கூற்று, மராட்டிய அரசியல் களத்தில் வலுவாக நிரூபிக்கப்பட்டு உள்ளது.
4. இந்திய பசுவின் பால் ஏன் மஞ்சளாக உள்ளது, அதில் தங்கம் இருக்கு! கண்டுபிடித்த பாஜக தலைவர்
இந்திய பசுவின் பால் ஏன் மஞ்சளாக உள்ளது தெரியுமா? அதில் தங்கம் இருக்கு என்று மேற்கு வங்காள பாஜக தலைவர் கூறி உள்ளார்.
5. பாரதீய ஜனதா - சிவசேனாவின் நாடகத்துக்கு துணை போய் விடக்கூடாது காங்கிரஸ் தலைவர்களுக்கு சஞ்சய் நிருபம் எச்சரிக்கை
பாரதீய ஜனதா- சிவசேனா இடையேயான மோதல் ஆட்சி அதிகாரத்தில் அதிக பங்கு பெற நடத்தப்படும் நாடகம் என்பதால் அதற்கு துணை போய் விடக்கூடாது என காங்கிரஸ் தலைவர்களுக்கு சஞ்சய் நிருபம் எச்சரிக்கை விடுத்து உள்ளார்.