நடிகை டிம்பிள் கபாடியாவின் தாயார் மரணம்

மும்பை,

பழம்பெரும் இந்தி நடிகை டிம்பிள் கபாடியாவின் தாயார் பேட்டி கபாடியா நேற்றுமுன்தினம் இரவு மரணம் அடைந்தார். அவருக்கு வயது 80. மூச்சுத்திணறல் காரணமாக, 2 வாரங்களுக்கு முன்பு, மும்பையில் உள்ள இந்துஜா ஆஸ்பத்திரியில் அவர் அனுமதிக்கப்பட்டார். அங்கு சிகிச்சை பலனின்றி உயிரிழந்தார்.

2 மாதங்களுக்கு முன்பு, பேட்டி கபாடியாவின் 80-வது பிறந்தநாளை குடும்ப உறுப்பினர்கள் அனைவரும் சேர்ந்து கொண்டாடினர். அப்போது எடுக்கப்பட்ட படங்களை பேட்டி கபாடியாவின் பேத்தி நடிகை டுவிங்கிள் கன்னா தனது சமூக வலைத்தள பக்கத்தில் பகிர்ந்து இருந்தது குறிப்பிடத்தக்கது.