<
மத்திய பிரதேசத்தில் ரூ.30 ஆயிரம் மதிப்புள்ள வெங்காயம் திருட்டப்பட்டதாக விவசாயி புகார்
மத்தியப் பிரதேசத்தில் 30,000 ரூபாய் மதிப்புள்ள வெங்காயம் திருடப்பட்டதாக விவசாயி ஒருவர் புகார் அளித்துள்ளார்.
போபால்,
மத்திய பிரதேச மாநிலம், மண்ட்சோர் மாவட்டத்தில் உள்ள ரிச்சா என்ற கிராமத்தைச் சேர்ந்தவர் ஜிதேந்திர தங்கர். விவசாயியான இவர் தனக்கு சொந்தமான 1.6 ஏக்கர் பரப்பளவுள்ள நிலத்தில் வெங்காயம் சாகுபடி செய்திருந்தார்.
இந்நிலையில் தனது நிலத்தில் புகுந்து அடையாளம் தெரியாத சில மர்ம நபர்கள் வெங்காயத்தை அறுவடை செய்து திருடிச் சென்றதாக உள்ளூர் காவல் நிலையத்தில் அவர் புகார் அளித்துள்ளார். இந்த வருட விளைச்சலின் மூலம் தனது கடன்களை அடைக்க திட்டமிட்டிருந்ததாக அவர் கூறினார்.
மொத்தம் 6 குவிண்டால் அளவுள்ள வெங்காயம் திருடப்பட்டுள்ளதாகவும் அதன் மதிப்பு 30,000 ரூபாய் என்றும் அவர் தெரிவித்துள்ளார். புகார் விவரங்களை மதிப்பிடுவதற்காக ஒரு குழு அந்த இடத்திற்கு அனுப்பி வைக்கப்படும் என்றும் அவர்களது மதிப்பீட்டிற்குப்பின் நடவடிக்கை எடுக்கப்படும் என காவல்துறையினர் தெரிவித்துள்ளனர்.
சில நாட்களுக்கு முன்பு மத்தியப்பிரதேசத்தின் ஷிவ்புரி பகுதியில், லாரியில் ஏற்றிச் செல்லப்பட்ட 20 லட்சம் ரூபாய் மதிப்பிலான வெங்காயம் திருடப்பட்டது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
