தேசிய செய்திகள்

கற்பழிப்பு வழக்குகளை விசாரிக்க 1,023 விரைவு கோர்ட்டுகள் - மத்திய மந்திரி ஸ்மிரிதி இரானி தகவல் + "||" + 1,023 quick courts to investigate rape cases - Information on Union Minister Smriti Irani

கற்பழிப்பு வழக்குகளை விசாரிக்க 1,023 விரைவு கோர்ட்டுகள் - மத்திய மந்திரி ஸ்மிரிதி இரானி தகவல்

கற்பழிப்பு வழக்குகளை விசாரிக்க 1,023 விரைவு கோர்ட்டுகள் - மத்திய மந்திரி ஸ்மிரிதி இரானி தகவல்
கற்பழிப்பு வழக்குகளை விசாரிக்க 1,023 விரைவு கோர்ட்டுகள் அமைக்கப்பட்டுள்ளதாக, மத்திய மந்திரி ஸ்மிரிதி இரானி தெரிவித்துள்ளார்.
புதுடெல்லி,

கற்பழிப்பு, போக்சோ சட்ட வழக்குகளை விரைவாக விசாரித்து தீர்ப்பு வழங்குவதற்காக 2000-ம் ஆண்டு முதல் 1,023 விரைவு கோர்ட்டுகள் அமைக்கப்பட்டுள்ளதாக மக்களவையில் மத்திய மந்திரி ஸ்மிரிதி இரானி தெரிவித்தார்.


சமீப காலமாக கொடூரமான கற்பழிப்பு-கொலை சம்பவங் கள், நாட்டில் கடும் அதிர்வுகளை ஏற்படுத்தி வருகின்றன.

இத்தகைய வழக்குகளில் பாதிக்கப்படுகிறவர்களுக்கு விரைவான நீதி கிடைக்கிற வகையில் விரைவு கோர்ட்டுகள் அமைக்க வேண்டும் என்பது அனைத்து தரப்பினரின் கோரிக்கையாக அமைந்துள்ளது.

அந்த வகையில், 2000-ம் ஆண்டு முதல் கற்பழிப்பு வழக்குகள், பாலியல் குற்றங்களில் இருந்து குழந்தைகளை காக்கும் சட்ட வழக்குகள் (போக்சோ சட்ட வழக்குகள்) ஆகியவற்றை விரைவாக விசாரித்து தீர்ப்பு வழங்க ஏதுவாக நாடு முழுவதும் 1,023 விரைவு கோர்ட்டுகள் அமைக்கப்பட்டுள்ளன.

மத்திய பெண்கள் மற்றும் குழந்தைகள் மேம்பாட்டுத்துறை அமைச்சகம் வெளியிட்டுள்ள தகவல்படி இந்த கோர்ட்டுகள் ரூ.767 கோடியே 25 லட்சம் செலவில் அமைக்கப்பட்டுள்ளன. இதில் மத்திய அரசின் பங்களிப்பு ரூ.474 கோடி ஆகும்.

இந்த விரைவு கோர்ட்டு திட்டத்தை மத்திய நிதி உதவி அடிப்படையில் நீதித்துறை, சட்டம் மற்றும் நீதித்துறை அமைச்சகங்கள் வகுத்து செயல்படுத்தி உள்ளன.

இந்த தகவல்களை சமீபத்தில் முடிந்த நாடாளுமன்ற குளிர் கால கூட்டத்தொடரின்போது, மக்களவையில் பெண்கள் மற்றும் குழந்தைகள் மேம்பாடு துறை மந்திரி ஸ்மிரிதி இரானி எழுத்துப்பூர்வமாக அளித்த ஒரு பதிலில் வெளியிட்டுள்ளார்.

உத்தரபிரதேச மாநிலத்தில், கற்பழிப்பு, போக்சோ சட்ட வழக்குகளை குறிப்பிட்ட கால வரையறைக்குள் விசாரித்து தீர்ப்பு வழங்குவதற்காக 218 விரைவு கோர்ட்டுகள் அமைக்கப்படும் என அந்த மாநில முதல்-மந்திரி யோகி ஆதித்யநாத் இப்போது அறிவித்துள்ளார்.

இந்தியாவில் விரைவு கோர்ட்டுகள் 2000-ம் ஆண்டு முதல்தான் ஏற்படுத்தப்பட்டு வருகின்றன. செசன்ஸ் கோர்ட்டுகளிலும், கீழ்நிலை நீதிமன்றங்களிலும் நீண்டகாலமாக நிலுவையில் உள்ள வழக்குகளை விசாரித்து முடிப்பதுதான் இந்த கோர்ட்டுகளை உருவாக்கு வதின் நோக்கமாக இருந்தது.

நாடு முழுவதும் உள்ள கோர்ட்டுகளில் மலைபோல 3 கோடி வழக்குகள் தேங்கிக்கிடக்கின்றன.

சமீபத்திய புள்ளி விவரங்கள், ஐகோர்ட்டுகளில் மட்டுமே 43 லட்சத்து 20 ஆயிரம் வழக்குகள் நிலுவையில் உள்ளன என்று கூறுகின்றன. மேலும், மாவட்ட கோர்ட்டுகளில் 2 கோடியே 69 லட்சம் வழக்குகள் தேங்கிக்கிடப்பதாகவும் அந்த புள்ளி விவரங்கள் தெரிவிக்கின்றன.

தொடர்புடைய செய்திகள்

1. காலியாக உள்ள 1,028 அரசு டாக்டர் பணியிடங்கள் எப்படி நிரப்பப்படும்? தமிழக அரசுக்கு, ஐகோர்ட்டு கேள்வி
காலியாக உள்ள 1,028 அரசு டாக்டர் பணியிடங்கள் எப்படி நிரப்பப்படும்? என்பதை பொது சுகாதாரத்துறை இயக்குனர், மருத்துவ பணிகள் தேர்வு வாரிய தலைவர் விளக்கம் அளிக்க வேண்டும் என்று ஐகோர்ட்டு உத்தரவிட்டுள்ளது.
2. கொரோனா வைரஸ் பாதிப்பு எதிரொலி : 10 நாட்களில் 1,000 படுக்கைகள் கொண்ட புதிய மருத்துவமனை அமைக்க அரசு தீவிரம்
கொரோனா வைரஸ் பாதிப்பு எதிரொலியாக, 10 நாட்களில் 1,000 படுக்கைகள் கொண்ட புதிய மருத்துவமனை அமைக்க சீன அரசு தீவிரம் காட்டி வருகிறது.
3. தனுஷ் நடித்த படம்: 1,500 தியேட்டர்களில், ‘பட்டாஸ்’ - பட அதிபர் டி.ஜி.தியாகராஜன் பேட்டி
தனுஷ் நடித்துள்ள படமான ‘பட்டாஸ்’ 1,500 தியேட்டர்களில் திரையிடப்பட உள்ளதாக பட அதிபர் டி.ஜி.தியாகராஜன் தெரிவித்துள்ளார்.
4. பதவி உயர்வை வலியுறுத்தி மருத்துவக்கல்லூரி பேராசிரியர்கள் 1,000 பேர் ராஜினாமா : மத்திய பிரதேசத்தில் அதிர்ச்சி
மத்திய பிரதேசத்தில் பதவி உயர்வு உள்ளிட்ட கோரிக்கைகளை வலியுறுத்தி மருத்துவக்கல்லூரி பேராசிரியர்கள் 1,000 பேர் ராஜினாமா செய்ததால் பெரும் அதிர்ச்சி ஏற்பட்டு உள்ளது.
5. பனிப்பொழிவில் சிக்கித்தவித்த 1,500 சுற்றுலா பயணிகள் மீட்பு
சிக்கிமில் பனிப்பொழிவில் சிக்கித்தவித்த 1,500 சுற்றுலா பயணிகளை ராணுவத்தினர் பத்திரமாக மீட்கப்பட்டனர்.