மோடியின் குடியுரிமை திருத்த சட்டத்திற்கு பாஜக முதல்-மந்திரி எதிர்ப்பு

As a son of Assam, I will never settle foreigners in my state. This Sarbananda Sonowal will never allow this...
https://t.co/vjoexMdicj

— Sarbananda Sonowal (@sarbanandsonwal) 2 January 2020

அசாம் முதலமைச்சர் குடியுரிமைச் திருத்த சட்டத்திற்கு எதிராக ஒரு பொது நிலைப்பாட்டை எடுத்தார், அவ்வாறு செய்த முதல் பாரதீய ஜனதா கட்சி முதல்வர் என்ற பெருமையை பெற்று உள்ளார். முதல்வர் சோனோவாலின் ட்வீட், மத்தியில் நரேந்திர மோடி தலைமையிலான பாஜக அரசுக்கு சங்கடத்தை ஏற்படுத்தியுள்ளது. ஜனவரி 1 ந்தேதி அவரது ட்விட்டில் "அசாம் மற்றும் அசாமி சமூகம் மீதான எனது அர்ப்பணிப்பு என்றென்றும் அப்படியே இருக்கும். அசாம் மக்களின் ஆசீர்வாதத்துடன் நான் இந்த நிலத்திலிருந்து முதல்வராகி உள்ளேன். அதை ஒருபோதும் மறக்க மாட்டேன் நான் ஒரு தேசிய கட்சியில் இருந்தாலும் கூட. என ட்விட் செய்து இருந்தார்.

My commitment towards Assam and the Assamese society will forever remain intact.

I have come out of this land with the blessings of the people of Assam and will never forget that, even if I am in a national party. pic.twitter.com/u7MkfO7Exe

— Sarbananda Sonowal (@sarbanandsonwal) 1 January 2020

குடியுரிமைச் திருத்த சட்டத்திற்கு எதிராக அசாம் முழுவதும் மிகப்பெரிய போராட்டங்களைத் தொடர்ந்து சோனோவால் பெரும் அழுத்தத்திற்கு உள்ளாகியுள்ளார். ஏறக்குறைய ஐந்து தசாப்தங்களாக வங்காள தேசத்தில் இருந்து சட்டவிரோதமாக குடியேறியவர்களுக்கு எதிரான போராட்டத்திற்கு தலைமை தாங்கி வரும் அனைத்து அசாம் மாணவர் ஒன்றியத்தின் (ஏஏஎஸ்யூ) தலைவராக முதல்வரின் அரசியல் பயணம் தொடங்கியது என்பது குறிப்பிடத்தக்கது. கடந்த ஒரு மாதத்தில், சோனோவாலுக்கு எதிராக அனைத்து அசாம் மாணவர் ஒன்றிய தலைவர்களால் பல சந்தர்ப்பங்களில் கருப்பு கொடிகள் காட்டப்பட்டுள்ளன. இன்று, ஒரு பாஜக முதல்வராக, சோனோவால் குடியுரிமைச் திருத்த சட்டத்தை ஆதரித்துள்ளார், இது 2014 டிசம்பர் 31 அல்லது அதற்கு முன்னர் இந்தியாவுக்குள் நுழைந்து ஐந்து ஆண்டுகள் தங்கியிருந்த இந்து வங்காள தேச குடியேறியவர்களுக்கு இந்திய குடியுரிமை பெற அனுமதிக்கும். காங்கிரசின் செய்தி தொடர்பு பொறுப்பாளர் ரன்தீப் சிங் சுர்ஜேவாலா, சோனோவாலின் ட்வீட்டைப் பயன்படுத்தி மோடியைத் தாக்கி உள்ளார். ட்வீட்டை மேற்கோள் காட்டி, காங்கிரஸ் தலைவர் எழுதினார்: " பிரதமர், இந்தியாவை முட்டாளாக்குவதை நிறுத்துங்கள்! உங்கள் சொந்த முதல்வர் குடியுரிமைச் திருத்த சட்டத்தை பகிரங்கமாக எதிர்க்கிறார். இப்போது நீங்கள் அவரை 'தேசிய விரோதி' என்று அறிவிப்பீர்களா? எதிர்க்கட்சியை விமர்சிப்பதற்கு முன்பு அவரை பதவி நீக்கம் செய்ய முடியுமா என்று நான் சவால் விடுகிறேன்."என கூறி உள்ளார்.