தேசிய செய்திகள்

8 வழிச்சாலை திட்ட வழக்கு: மத்திய அரசின் மனு மீது சுப்ரீம் கோர்ட்டு புதிய உத்தரவு + "||" + 8 wayroad Project Case: Supreme Court's new order on central government petition

8 வழிச்சாலை திட்ட வழக்கு: மத்திய அரசின் மனு மீது சுப்ரீம் கோர்ட்டு புதிய உத்தரவு

8 வழிச்சாலை திட்ட வழக்கு: மத்திய அரசின் மனு மீது சுப்ரீம் கோர்ட்டு புதிய உத்தரவு
8 வழிச்சாலை திட்ட வழக்கு தொடர்பாக, மத்திய அரசின் மனு மீது சுப்ரீம் கோர்ட்டு புதிய உத்தரவினை பிறப்பித்தது.
புதுடெல்லி,

சென்னை-சேலம் இடையே 8 வழிச்சாலை அமைக்கும் திட்டத்துக்கு எதிர்ப்பு தெரிவித்து காங்கிரசை சேர்ந்த வக்கீல் சூரியபிரகாசம், விவசாயி கிருஷ்ணமூர்த்தி, பா.ம.க. இளைஞரணி தலைவர் டாக்டர் அன்புமணி ராமதாஸ் உள்ளிட்டோர் தொடர்ந்த வழக்குகளை விசாரித்த ஐகோர்ட்டு, அந்த திட்டத்துக்காக நிலம் கையகப்படுத்த தமிழக அரசு பிறப்பித்த அறிவிப்பாணையை ரத்து செய்ததோடு, ஏற்கனவே கையகப்படுத்திய நிலத்தை மக்களிடம் திருப்பிக்கொடுக்கவும் உத்தரவிட்டது.


இந்த தீர்ப்பை எதிர்த்து சென்னை கிண்டியில் இயங்கும் மத்திய அரசின் திட்ட செயல்பாட்டு பிரிவின் இயக்குனர் தரப்பில் சுப்ரீம் கோர்ட்டில் மேல்முறையீட்டு மனு தாக்கல் செய்யப்பட்டது. இந்த மனு ஏற்கனவே சுப்ரீம் கோர்ட்டில் விசாரணையில் இருக்கும் நிலையில் ஐகோர்ட்டு தீர்ப்பை எதிர்த்து மத்திய அரசு தரப்பிலும் ஒரு மனு தாக்கல் செய்யப்பட்டது.

இந்த மனுக்கள் அனைத்தும் சுப்ரீம் கோர்ட்டில் நீதிபதிகள் என்.வி.ரமணா, சஞ்சீவ் கன்னா, கிருஷ்ண முராரி ஆகியோர் அமர்வில் நேற்று விசாரணைக்கு வந்தது. விசாரணை தொடங்கியதும், மத்திய அரசின் மனு மீது கிருஷ்ணமூர்த்தி, டாக்டர் அன்புமணி ராமதாஸ் உள்ளிட்டோர் 2 வாரங்களுக்குள் பதிலளிக்க உத்தரவிட்டு விசாரணையை வரும் 28–ந்தேதிக்கு நீதிபதிகள் ஒத்திவைத்தனர்.


தொடர்புடைய செய்திகள்

1. ‘நித்யானந்தா பற்றி எந்த தகவலும் இல்லை’ ஈகுவடாரில் இருந்து வெளியேறிவிட்டார் - மத்திய அரசு தகவல்
இந்தியாவை விட்டு வெளியேறி உள்ள நித்யானந்தா சாமியார் குறித்து எந்த தகவலும் கிடைக்கவில்லை என மத்திய அரசு கூறியுள்ளது.
2. உத்தர பிரதேசத்தில் பல்வேறு இடங்களில் இணைய சேவை முடக்கம்
குடியுரிமை திருத்த சட்டத்துக்கு எதிராக நாடு முழுவதும் போராட்டங்கள் வலுத்து வருகின்றன.
3. தேசிய குடிமக்கள் பதிவேட்டை நாடு முழுவதும் உடனடியாக செயல்படுத்தும் திட்டம் இல்லை : மத்திய அரசு
தேசிய குடிமக்கள் பதிவேட்டை நாடு முழுவதும் உடனடியாக செயல்படுத்தும் திட்டம் இல்லை என்று மத்திய அரசு விளக்கம் அளித்துள்ளது.
4. பெங்களூரு முழுவதும் நாளை முதல் வரும் 21ம் தேதி வரை 144 தடை உத்தரவு பிறப்பிப்பு
கர்நாடகாவில் தலைநகர் பெங்களூரு உள்பட பல இடங்களில் நாளை முதல் வரும் 21ம் தேதி வரை 144 தடை உத்தரவு பிறப்பிக்கப்பட்டுள்ளதாக அதிகாரிகள் தரப்பில் தெரிவிக்கப்பட்டுள்ளது.
5. காஷ்மீரில் இயல்பு நிலை திரும்புகிறது; கூடுதல் பாதுகாப்பு படையினர் வெளியேறத் தொடங்கினர்
ஜம்மு காஷ்மீருக்கு வழங்கப்பட்டு வந்த சிறப்பு அந்தஸ்து கடந்த ஆகஸ்ட் 5 ஆம் தேதி ரத்து செய்யப்பட்டது.