இந்திய ஆடை வடிவமைப்பாளர்கள் கைவண்ணத்தில் ஜொலித்த இவான்கா டிரம்ப்
இந்திய பயணத்தின் போது இந்திய ஆடை வடிவமைப்பாளர்கள் கைவண்ணத்தில் இவான்கா டிரம்ப் ஜொலித்தார்
புதுடெல்லி
அமெரிக்க ஜனாதிபதி டொனால்ட் டிரம்ப் இரண்டு நாள் பயணமாக இந்திய வருகையின் போது அவருடைய மகள் இவான்கா டிரம்பும் அவரது கணவர் ஜாரெட் குஷ்னர் ஆகியோர் அமெரிக்க ஜனாதிபதியின் அமெரிக்க தூதுக்குழுவின் ஒரு பகுதியாக வந்து இருந்தனர்.
இவான்கா டிரம்ப் இந்திய ஆடை வடிவமைப்பாளர்களான அனிதா டோங்ரே மற்றும் ரோஹித் பால் ஆகிய இருவரின் வடிவமைப்பில் உருவாக்கிய ஆடைகளுடன் வலம் வந்தார்
அகமதாபாத்திற்கு வந்தவுடன் அவர் அணிந்திருந்த மிடி-டிரஸ் தவிர, இவான்காவின் மற்ற இரண்டு ஆடைகளும் இந்திய வடிவமைப்பாளர்களின் ஆடை ஆகும்
ப்ளோரல் பிரிண்ட் டிசைன்ஸ் "புரோன்சா ஷவுலர்" பிராண்ட் உடைகளில் தாஜ்மஹால் சென்றார். புரோன்சா ஷவுலர் என்பது 2002 ஆம் ஆண்டில் நியூயார்க்கில் வடிவமைப்பாளர்களான ஜாக் மெக்கல்லோ மற்றும் லாசரோ ஹெர்னாண்டஸ் ஆகியோரால் நிறுவப்பட்ட பெண்கள் உடைகள் ஆகும்.
தாஜ்மஹால் சென்ற புகைப்படங்களை "தாஜ்மஹால். தாஜ்மஹாலின் அழகு பிரமிக்க வைக்கிறது!" என இவான்கா தனது இன்ஸ்டாகிராம் பக்கத்தில் பதிவிட்டுள்ளார்.
இவான்கா அணிந்திருந்த இந்த மிடியை ஏற்கனவே 2019 ஆண்டு அர்ஜென்டினா விசிட்டின் போதும் அணிந்திருக்கிறார். இந்த ஆடையின் விலை இந்திய மதிப்பின் படி 1,71,331 ரூபாயாகும்.
அர்ஜெண்டினா சென்ற போது அவர் ஷார்ட் சிக் பாப் ஹேர் கட் செய்து ஆடைக்கு ஏற்ப பேபி புளூ காலணி அணிந்திருந்தார். ஆனால் இந்திய வருகையில் முடியை வளர்த்து நீளமான முடியில் சிவப்பு நிற காலணி அணிந்து வந்தார்.
Related Tags :
Next Story