தேசிய செய்திகள்

நம்பிக்கை வாக்கெடுப்பு நடத்தக்கோரிய மனு: ம.பி அரசுக்கு சுப்ரீம் கோர்ட் நோட்டீஸ் + "||" + Supreme Court issues notice to Madhya Pradesh government, hearing tomorrow at 10.30 am

நம்பிக்கை வாக்கெடுப்பு நடத்தக்கோரிய மனு: ம.பி அரசுக்கு சுப்ரீம் கோர்ட் நோட்டீஸ்

நம்பிக்கை வாக்கெடுப்பு நடத்தக்கோரிய மனு: ம.பி அரசுக்கு சுப்ரீம் கோர்ட் நோட்டீஸ்
மத்திய பிரதேச சட்டப்பேரவையில் நம்பிக்கை வாக்கெடுப்பு நடத்தக்கோரிய மனு மீதான விசாரணையை சுப்ரீம் கோர்ட் நாளைக்கு ஒத்திவைத்துள்ளது.
புதுடெல்லி,

மத்திய பிரதேசத்தில் ஆளும் காங்கிரஸ் கட்சியிலிருந்து விலகிய ஜோதிர் ஆதித்ய சிந்தியா பாஜகவில் இணைந்தார். ஜோதிர் ஆதித்ய சிந்தியாவின் ஆதரவாளர்களான 22 எம்.எல்.ஏக்களும், பதவியை ராஜினாமா செய்வதாக  சபாநாயகருக்கு  கடிதம் அனுப்பினர்.  அவர்களில் 6 பேரின் ராஜினாமாவை மட்டும் சபாநாயகர் ஏற்றுக் கொண்டுள்ளார். 

இத்தகைய காரணங்களால், 230 உறுப்பினர்களைக் கொண்ட  மத்திய பிரதேச  சட்டசபையில் தற்போது 222 உறுப்பினர்கள்தான் உள்ளனர். பெரும்பான்மைக்கு 112 எம்.எல்.ஏ.க்கள் ஆதரவு தேவை. காங்கிரசுக்கு 108 எம்.எல்.ஏ.க்களும், பா.ஜனதாவுக்கு 107 எம்.எல்.ஏ.க்களும் உள்ளனர்.

கமல்நாத் அரசு பெரும்பான்மை இழந்து விட்டதாக பா.ஜனதா தரப்பு, கவர்னர் லால்ஜி தாண்டனிடம் முறையிட்டது. அதையடுத்து, சட்டசபையில் 16-ந் தேதி (நேற்று) கவர்னர் உரைக்கு பிறகு, நம்பிக்கை வாக்கெடுப்பு நடத்துமாறு முதல்-மந்திரி கமல்நாத்துக்கு கடந்த 14-ந் தேதி கவர்னர் கடிதம் எழுதினார். ஆனால், நேற்று நம்பிக்கை வாக்கெடுப்பு நடத்த கமல்நாத் மறுத்துவிட்டார். இதையடுத்து, இன்று நம்பிக்கை வாக்கெடுப்பு நடத்த வேண்டும் என்று கமல்நாத் அரசுக்கு  ஆளுநர் மீண்டும் கடிதம் எழுதினார்.

இதற்கு மத்தியில்,  முன்னாள் முதல் மந்திரி சிவராஜ் சிங் சவுகான் உள்பட பாஜக எம்.எல்.ஏக்கள் சிலர், நேற்று சுப்ரீம் கோர்ட்டை அணுகினர். மத்திய பிரதேசத்தில் உடனடியாக நம்பிக்கை வாக்கெடுப்பை நடத்த உத்தரவிட வேண்டும் என்று தங்கள் மனுவில் பாஜக எம்.எல்.ஏக்கள் கூறியிருந்தனர். இந்த மனுவை அவசர வழக்காக இன்று விசாரித்த சுப்ரீம் கோர்ட், மத்திய பிரதேச அரசு பதிலளிக்க வேண்டும் என நோட்டீஸ் அனுப்பியதோடு, மனு மீதான விசாரணையை நாளைக்கு ஒத்திவைத்தது. 


தொடர்புடைய செய்திகள்

1. கொரோனா பரிசோதனைக்கு நாடு முழுவதும் ஒரே கட்டணம்; மத்திய, மாநில அரசுகளுக்கு சுப்ரீம் கோர்ட்டு உத்தரவு
கொரோனா பரிசோதனைக்கு நாடு முழுவதும் ஒரே கட்டணம் வசூலிக்க வேண்டும் என்றும், ஆஸ்பத்திரிகளுக்கு சென்று ஆய்வு செய்ய நிபுணர் குழுவை அமைக்க வேண்டும் என்றும் சுப்ரீம் கோர்ட்டு உத்தரவிட்டு உள்ளது.
2. தமிழகத்தில் மதுக்கடைகள் நாளை திறப்பு- டாஸ்மாக் நிர்வாகம்
தமிழகத்தில் மதுபானக்கடைகள் நாளை திறக்கப்படும் என்று டாஸ்மாக் நிர்வாகம் தெரிவித்துள்ளது.
3. டாஸ்மாக் விவகாரம்- தமிழக அரசின் மேல் முறையீட்டு மனுவை நாளை விசாரிக்கிறது உச்ச நீதிமன்றம்
டாஸ்மாக் மதுபான கடைகளை மூட உத்தரவிட்டதை எதிர்த்து தமிழக அரசு தாக்கல் செய்த மேல் முறையீட்டு மனுவை உச்ச நீதிமன்றம் நாளை விசாரிக்க உள்ளது.
4. நம்பிக்கை வாக்கெடுப்பை சந்திக்காமல் கமல்நாத் ராஜினாமா - சிவராஜ்சிங் சவுகான் தலைமையில் மீண்டும் பா.ஜனதா கட்சி ஆட்சி?
மத்திய பிரதேச மாநில சட்டசபையில் நம்பிக்கை வாக்கெடுப்பை சந்திக்காமல் முதல்-மந்திரி கமல்நாத் ராஜினாமா செய்தார். அங்கு சிவராஜ்சிங் சவுகான் தலைமையில் மீண்டும் பாரதீய ஜனதா கட்சி ஆட்சி அமைக்கும் வாய்ப்பு உள்ளது.
5. மத்திய பிரதேசத்தில் நம்பிக்கை வாக்கெடுப்பு நடத்தக்கோரி பாஜக சார்பில் உச்சநீதிமன்றத்தில் மனு
மத்திய பிரதேசத்தில் நம்பிக்கை வாக்கெடுப்பு நடத்தக்கோரி பாஜக சார்பில் உச்சநீதிமன்றத்தில் மனு தாக்கல் செய்யப்பட்டுள்ளது.