தேசிய செய்திகள்

டெல்லியில் டாக்டருக்கு கொரோனா பாதிப்பு: சிகிச்சை பெற்ற நோயாளிகளை தனிமைப்படுத்த அறிவுறுத்தல் + "||" + Coronal damage to a doctor in Delhi: Advice to isolate treated patients

டெல்லியில் டாக்டருக்கு கொரோனா பாதிப்பு: சிகிச்சை பெற்ற நோயாளிகளை தனிமைப்படுத்த அறிவுறுத்தல்

டெல்லியில் டாக்டருக்கு கொரோனா பாதிப்பு: சிகிச்சை பெற்ற நோயாளிகளை தனிமைப்படுத்த அறிவுறுத்தல்
டெல்லியில் டாக்டருக்கு கொரோனா பாதிப்பு உறுதி செய்யப்பட்டுள்ள நிலையில் அவரிடம் சிகிச்சை பெற்ற நோயாளிகளை தனிமைப்படுத்த அறிவுறுத்தப்பட்டு உள்ளது.
புதுடெல்லி, 

உலகம் முழுவதும் கொரோனா வைரஸ் தீவிரமாக பரவி வருகிறது. இந்தியாவிலும் கொரோனா வைரசால் பாதிக்கப்பட்டவர்களின் எண்ணிக்கை தொடர்ந்து அதிகரித்து வருகிறது. தலைநகர் டெல்லியில் 35-க்கும் அதிகமானோர் கொரோனாவால் பாதிக்கப்பட்டு உள்ளனர்.

இதில் முக்கியமாக வடகிழக்கு டெல்லியில் உள்ள மஜ்பூரில் இயங்கி வரும் மொஹல்லா கிளனிக் ஒன்றின் (டெல்லி அரசாங்கத்தால் அமைக்கப்பட்ட சமூக சுகாதார மையம்) டாக்டர் ஒருவருக்கு கொரோனா வைரஸ் தொற்று உறுதி செய்யப்பட்டுள்ளது. இதனை சுகாதார அதிகாரிகள் தெரிவித்தனர்.

கொரோனாவால் பாதிக்கப்பட்ட டாக்டருக்கு வெளிநாட்டு பயணியுடன் தொடர்பு இருந்ததா? அல்லது இவர் வெளிநாட்டுக்கு சென்றபோது கொரோனா தொற்று ஏற்பட்டதா? என்பது குறித்து அவர்கள் விசாரணை நடத்தி வருகின்றனர்.

இதற்கிடையே அந்த டாக்டருக்கு கொரோனா பாதிப்பு உறுதி செய்யப்படுவதற்கு முன்பாக ஏராளமான நோயாளிகள் அவரை சந்தித்து சிகிச்சை பெற்று சென்றதாக கூறப்படுகிறது. இதையடுத்து அவர்கள் அனைவரையும் தனிமைப்படுத்த அரசு அறிவுறுத்தி உள்ளது.

அதன்படி அந்த சுகாதார மையத்துக்கு சென்று டாக்டரை சந்தித்த நோயாளிகளை கண்டறிந்த சுகாதாரத்துறையினர், அவர்களை தனிமைப்படுத்த நடவடிக்கை எடுத்து வருகின்றனர். மேலும் அந்த நோயாளிகள் அனைவரும் தாங்களாகவே தனிமைப்படுத்திக் கொள்ளுமாறும், சளி, காய்ச்சல் இருந்தால் உடனே தெரிவிக்குமாறும் அறிவுறுத்தப்பட்டு உள்ளனர்.

டாக்டருக்கு கொரோனா தொற்று உறுதி செய்யப்பட்டுள்ளதால், அவரிடம் சிகிச்சை பெற்றவர்கள் பெரும் அதிர்ச்சிக்கு உள்ளாகி உள்ளனர்.

தொடர்புடைய செய்திகள்

1. டெல்லியில் நடக்க இருந்த உலக கோப்பை துப்பாக்கி சுடுதல் போட்டி ரத்து
டெல்லியில் நடக்க இருந்த உலக கோப்பை துப்பாக்கி சுடுதல் போட்டி ரத்து செய்யப்படுவதாக இந்திய தேசிய ரைபிள் சம்மேளனம் நேற்று அறிவித்தது.
2. டெல்லியில் இருந்து வந்த இந்தோனேசியாவை சேர்ந்தவர்கள் உள்பட 11 பேர் மீது வழக்கு
டெல்லியில் இருந்து வந்த இந்தோனேசியாவை சேர்ந்த 8 பேர் உள்பட 11 பேர் மீது ராமநாதபுரம் போலீசார் வழக்குப்பதிவு செய்து விசாரணை நடத்தி வருகிறார்கள்.
3. டெல்லி சென்று திரும்பிய 7 பேருக்கு கொரோனா இல்லை
டெல்லி சென்று திரும்பிய 7 பேருக்கு நடந்த பரிசோதனையில் அவர்களுக்கு கொரோனா பாதிப்பு ஏதுமில்லை என உறுதி செய்யப்பட்டதாக கூறப்படுகிறது.
4. டெல்லி எய்ம்ஸ் ஆஸ்பத்திரியில் கொரோனா வைரஸ் பாதித்த பெண்ணுக்கு அழகான ஆண் குழந்தை பிறந்தது
டெல்லி எய்ம்ஸ் ஆஸ்பத்திரியில், கொரோனா வைரஸ் பாதித்த பெண்ணுக்கு அழகான ஆண் குழந்தை பிறந்தது. தாயும், குழந்தையும் நலமாக உள்ளதாக டாக்டர்கள் அறிவித்தனர்.
5. டெல்லி சென்று திரும்பிய 15 பேருக்கு கொரோனா தொற்று இல்லை - கலெக்டர் வீரராகவ ராவ் தகவல்
டெல்லி மாநாட்டில் கலந்து கொண்டு திரும்பியவர்களில் 15 பேருக்கு கொரோனா தொற்று இல்லை என்று தெரியவந்துள்ளதாக ராமநாதபுரம் கலெக்டர் வீரராகவ ராவ் தெரிவித்தார்.