தேசிய செய்திகள்

ஊரடங்கில் அடைக்கலம் கொடுத்த நண்பரின் மனைவி - குழந்தைகளுடன் ஓட்டம் பிடித்த நண்பன் + "||" + Kerala man elopes with wife of friend who gave him shelter during lockdown period

ஊரடங்கில் அடைக்கலம் கொடுத்த நண்பரின் மனைவி - குழந்தைகளுடன் ஓட்டம் பிடித்த நண்பன்

ஊரடங்கில் அடைக்கலம் கொடுத்த நண்பரின் மனைவி - குழந்தைகளுடன் ஓட்டம் பிடித்த நண்பன்
ஊரடங்கு காரணமாக, நண்பனுக்கு வீட்டில் இடம் கொடுத்த நிலையில், அந்த இளைஞன் நண்பனின் மனைவியுடன் ஓட்டம் பிடித்த சம்பவம் அதிர்ச்சியை ஏற்படுத்தியுள்ளது.
கொச்சி

உலகெங்கிலும் கொடிய கொரோனா வைரஸ் லட்சகணக்கானவர்களை கொன்று குவித்து உள்ளது.  திருமண உறவுகளிலும் அழிவை ஏற்படுத்தி வருகிறது. கேரளாவின் எர்ணாகுளம் மாவட்டத்தில் ஒரு நபர் ஊரடங்கு நேரத்தில் நண்பருக்கு அடைக்கலம் கொடுத்து உதவி செய்யப் போக, தற்போது அந்த நண்பர் மனைவி குழந்தைகளை இழந்து  நிற்கும் சம்பவம் நடந்து உள்ளது.

கேரள மாநிலம் இடுக்கி மாவட்டம் மூணாறை சேர்ந்தவர் லோதாரியோ( வயது 32) எர்ணாகுளத்தில் ஒரு தனியார் நிறுவனத்தில் பணிபுரிபவர், ஊரடங்கை தொடர்ந்து முவாட்டுபுழா நகரில் சிக்கிக்கொண்டார். திடீரென ஊரடங்கு காரணமாக  தங்குவதற்கு இடமும் இன்றி சாப்பாடும் இன்றி தவித்துள்ளார்.இதனால், எர்ணாகுளத்தில் தனது பால்யகால நண்பர் ஒருவர் இருப்பதை கேள்விப்பட்டு அவருடைய உறவினர்களிடம் போன் செய்து நண்பரின் தொலைபேசி எண்ணை வாங்கி உள்ளார்.

அதன்பிறகு நண்பருக்கு போன் செய்து தான் ஊரடங்கு காரணமாக கஷ்டப்பட்டு கொண்டு இருப்பதாகவும் தனக்கு உதவி செய்யும்படியும் கெஞ்சி கேட்க, அவரும் நண்பனின் நிலையை கண்டு வேதனையடைந்து, அவரை தன்னுடைய வீட்டிற்கு அழைத்து சென்றுள்ளார்.

அங்கு தங்குவதற்கு இடம் மற்றும் சாப்பாடு என தேவையான உதவிகளை செய்து வந்துள்ளார். கிட்டத்தட்ட ஒரு மாத காலம் அவர் தனது நண்பரை வீட்டில் வைத்து தங்க வைத்துள்ளார்.சமீபத்தில் மூணாறு பகுதி பச்சை மண்டலமாக அறிவிக்கப்பட்டதால், நண்பர் அந்த இளைஞரிடம் வேலைக்கு செல்லுமாறு அறிவுறுத்தி உள்ளார். ஆனால்  தொடர்ந்து அவர் நண்பரின் வீட்டிலேயே தங்கியிருந்தது அவருக்கு சந்தேகத்தை ஏற்படுத்தியுள்ளது.இந்த 
நிலையில் திடீரென ஒருநாள் தனது மனைவி மற்றும் 2 குழந்தைகளுடன் அவரது நண்பர் வீட்டை விட்டு ஓடியுள்ளார்.

இதைக் கண்டு அதிர்ச்சியடைந்த அவர் உடனடியாக போலீசில் புகார் அளித்துள்ளார்.  போலீசார் அவர்கள் இருவரையும் பிடித்து விசாரணை மேற்கொண்டுள்ளனர். அப்போது, அந்த பெண் தனது புதிய காதலருடன் தான் செல்வேன் என்றும், குழந்தைகளும் தன்னுடன் தான் இருப்பார்கள் என்றும் கூறினார். போலீசார் எவ்வளவோ அறிவுரை கூறியும் அந்த பெண் கேட்காமல் காதலனுடன் சென்று விட்டார்.

மேலும் அந்த பெண் தனது பெயரில் தனது கணவர் வாங்கி கொடுத்த காரையும் தன்னுடைய  நகைகளையும் எடுத்துக்கொண்டு காதலருடன் குழந்தைகளுடன் சென்றுவிட்டார்.இது போல் ஏற்கனவே இரண்டுமுறை அந்த பெண் திடீர் காதலனுடன் ஓடிபோனதாகவும் போலீசார் தலையிட்டு சேர்த்து வைத்ததாகவும் கூறப்படுகிறது. 

தொடர்புடைய செய்திகள்

1. தென்திருப்பேரையில் கொரோனா பாதிப்பு: சுகாதார பணிகளை கலெக்டர் ஆய்வு
தென்திருப்பேரையில் கொரோனா கட்டுப்பாட்டு மண்டலத்தில் சுகாதார பணிகள் தீவிரப்படுத்தப்பட்டு உள்ளன. இந்த பணிகளை கலெக்டர் சந்தீப் நந்தூரி ஆய்வு செய்தார்.
2. ஈரோடு மாவட்ட கொரோனா பட்டியலில் மேலும் 2 பேர் சேர்ப்பு
ஈரோடு மாவட்ட கொரோனா பாதிப்பு பட்டியலில் மேலும் 2 பேர் சேர்க்கப்பட்டு உள்ளனர். இவர்கள் சென்னை மற்றும் செங்கல்பட்டு மாவட்டங்களில் வசித்து வருபவர்கள் ஆவர்.
3. கொரோனா பாதிப்பால்தான் செவிலியர் கண்காணிப்பாளர் உயிரிழந்தார்: டாக்டர்கள் மற்றும் செவிலியர்கள் கூட்டமைப்பு அறிவிப்பு
சென்னை ராஜீவ்காந்தி அரசு மருத்துவமனையில், கொரோனா வைரஸ் பாதிப்பால் செவிலியர் கண்காணிப்பாளர் உயிரிழந்தார் என்று தமிழ்நாடு அரசு டாக்டர்கள் மற்றும் செவிலியர்கள் சங்க கூட்டமைப்பு அறிவித்துள்ளது.
4. கேரளாவில் தென்மேற்கு பருவமழை தொடங்கியது
கேரளாவில் தென்மேற்கு பருவமழை நேற்று தொடங்கியது.
5. கொரோனா பாதிப்பு அதிகரிப்பதால் தீவிர கவனத்துடன் செயல்பட வேண்டும் - மாயாவதி வலியுறுத்தல்
கொரோனா பாதிப்பு அதிகரிப்பதால் தீவிர கவனத்துடன் செயல்பட வேண்டும் என்று மாயாவதி வலியுறுத்தி உள்ளார்.