தேசிய செய்திகள்

லடாக் விவகாரத்தில் இந்தியாவுக்கு ஜப்பான் ஆதரவு + "||" + Japan Backs India On Ladakh, "Opposes" Change In Status Quo By China

லடாக் விவகாரத்தில் இந்தியாவுக்கு ஜப்பான் ஆதரவு

லடாக் விவகாரத்தில் இந்தியாவுக்கு ஜப்பான் ஆதரவு
இந்தியா-சீனா இடையேயான கிழக்கு லடாக் எல்லை விவகாரத்தில் இந்தியாவுக்கு ஜப்பான் ஆதரவு தெரிவித்துள்ளது
புதுடெல்லி,

இந்திய சீன எல்லையான லடாக்கின் கல்வான் பகுதியில் ஜூன் 15 ந்தேதி  இருநாட்டு வீரர்கள் இடையே மோதல் வெடித்தது.  இந்த மோதலில் இந்திய வீரர்கள் 20 பேர் வீர மரணம் அடைந்தனர். சீன தரப்பிலும் 43 பேர் வரை உயிரிழந்து இருக்கக் கூடும் என்று தகவல்கள் கூறுகின்றன.

இந்த விவகாரத்தை தொடர்ந்து   லடாக் எல்லையில் தொடர்ந்து பதற்றம் அதிகரித்து வந்தது. இருநாடுகளும் வீரர்களையும், படைகளையும் குவித்து வந்தன. இதையடுத்து பதட்டத்தை  தணிக்கும் வகையில், ராணுவ அதிகாரிகள் மற்றும் தூதரக அதிகாரிகள் மட்டத்திலான பேச்சுவார்த்தை நடைபெற்றது.  தொடர் பேச்சுவார்த்தையில் ஒருமித்த கருத்து ஏற்பட்டதை அடுத்து, படைகளை விலக்கிக் கொள்ள இருநாடுகளும் ஒப்புதல் தெரிவித்தன.  எனினும், கல்வான் பள்ளத்தாக்கு பகுதியில் பதற்றம் நீடிப்பதாகவே கூறப்படுகிறது.

இந்த நிலையில்,  இந்தியா-சீனா இடையேயான கிழக்கு லடாக் எல்லை விவகாரத்தில் இந்தியாவுக்கு ஜப்பான் ஆதரவு தெரிவித்துள்ளது. எல்லையில் ஏற்கெனவே கடை பிடிக்கப்பட்டு வரும் நிலையை தனிச்சையாக மாற்றும் முயற்சியை எதிா்ப்பதாக ஜப்பான் கூறியுள்ளது.

இந்த விவகாரம் தொடா்பாக இந்திய வெளியுறவுத் துறை செயலா் ஹா்ஷ வா்தன் ஷ்ரிங்கலா மற்றும் இந்தியாவுக்கான ஜப்பான் தூதா் சட்டோஷி சுஸுகி இடையேயான சந்திப்பு டெல்லியில் நேற்று(வெள்ளிக்கிழமை) நடைபெற்றது. அப்போது, கிழக்கு லடாக் பகுதியின் இப்போதைய நிலைமை குறித்தும், எல்லை விவகாரத்தில் இந்தியாவின் நிலைப்பாடு குறித்தும் ஜப்பான் தூதருக்கு ஹா்ஷ வா்தன் ஷ்ரிங்கலா எடுத்துரைத்தாா்.

இந்தச் சந்திப்புக்குப் பின்னா் தனது  டுவிட்டர் பக்கத்தில் பதிவிட்ட ஜப்பான் தூதர் கூறுகையில், “ கிழக்கு லடாக் எல்லை பகுதி நிலவரம் குறித்தும், அந்தப் பிரச்னைக்கு அமைதியான முறையில் தீா்வு காணும் இந்தியாவின் கொள்கைகள்   குறித்தும் இந்திய வெளியுறவுத் துறை செயலா் எடுத்துரைத்தாா்.

எல்லைப் பிரச்னைக்கு பேச்சுவாா்த்தை மூலம் அமைதியான முறையில் தீா்வு காணப்படும் என்று ஜப்பானும் நம்புகிறது. எல்லையில் ஏற்கெனவே கடைப்பிடிக்கப்பட்டு வரும் நிலையை தனிச்சையாக மாற்றும் முயற்சியை ஜப்பான்  கடுமையாக எதிர்க்கிறது” என்றார்.

தொடர்புடைய செய்திகள்

1. இந்தியாவில் ஏற்படும் கொரோனா உயிரிழப்புகளில் 17% காற்று மாசுபாட்டுடன் தொடர்புடையவை
இந்தியாவில் கொரோனா வைரஸ் நோய் காரணமாக ஏற்படும் இறப்புகளில் சுமார் 17 சதவீதம் காற்று மாசுபட்டிருந்ததன் காரணமாக உயிரிழந்திருப்பர் என ஆய்வில் தெரியவந்துள்ளது.
2. இந்தியாவுக்கு சவுதி அரேபியா தீபாவளி பரிசு: கில்கிட்-பலுசிஸ்தான் -காஷ்மீரை பாகிஸ்தானின் வரைபடத்திலிருந்து நீக்கியது
இந்தியாவுக்கு சவுதி அரேபியாவின் தீபாவளி பரிசு - கில்கிட்-பலுசிஸ்தான் மற்றும் காஷ்மீரை பாகிஸ்தானின் வரைபடத்திலிருந்து நீக்கி உள்ளது.
3. மதுரையில் அமைக்கப்பட உள்ள எய்ம்ஸ் மருத்துவமனையின் தலைவர் யார்? மத்திய அரசு அறிவிப்பு
மதுரை அருகே உள்ள தோப்பூரில் ரூ. 1264 கோடி மதிப்பில் எய்ம்ஸ் மருத்துவமனை அமைக்க மத்திய அரசு அனுமதி அளித்தது.
4. இந்தியாவுடனான எல்லை பிரச்சினையில் மூன்றாம் தரப்புக்கு இடமில்லை; சீனா கொந்தளிப்பு
இந்திய மக்கள் அச்சுறுத்தல்களை சந்திப்பதால், அமெரிக்கா அவர்களுடன் நிற்கும் என சீனாவை குறிவைத்து அமெரிக்க வெளியுறவுத்துறை மந்திரி நேற்று பேசியிருந்தார்.
5. காஷ்மீரில் யார் வேண்டுமானாலும் நிலம் வாங்கலாம்: சட்ட திருத்தம் கொண்டு வந்தது மத்திய அரசு
கடந்த ஆண்டு சட்டப்பிரிவுகள் 370, 35-ஏ ஆகியவை ரத்து செய்யப்படுவதற்கு முன் ஜம்மூ காஷ்மீரில் அசையா சொத்துக்களை வெளி மாநில மக்கள் யாரும் வாங்க முடியாது.