தேசிய செய்திகள்

திருவனந்தபுரத்தில் மும்மடங்கு ஊரடங்கு - பினராயி விஜயன் + "||" + Kerala government announces triple lockdown in Thiruvananthapuram as cases rise

திருவனந்தபுரத்தில் மும்மடங்கு ஊரடங்கு - பினராயி விஜயன்

திருவனந்தபுரத்தில் மும்மடங்கு ஊரடங்கு - பினராயி விஜயன்
திருவனந்தபுரம் நகரப் பகுதியில் மும்மடங்கு ஊரடங்கு கொண்டுவரப்பட்டுள்ளதாக கேரள முதல் மந்திரி பினராயி விஜயன் தெரிவித்துள்ளார்.
திருவனந்தபுரம்,

சீனாவின் உகான் நகரில் கடந்த வருட இறுதியில் கண்டறியப்பட்ட கொரோனா வைரஸ் பாதிப்பு முதன்முதலாக இந்தியாவில் கேரளாவில் கண்டறியப்பட்டது.  சீனாவில் இருந்து திரும்பிய மருத்துவ மாணவர்களுக்கு பாதிப்பு ஏற்பட்டிருந்தது.  இதன்பின் சிகிச்சையில் அவர்கள் குணமடைந்து வீடு திரும்பினர்.


இதன்பின்னர் இந்தியாவில் கொரோனா பாதிப்பு எண்ணிக்கை அதிகரிக்க தொடங்கியது.  நாட்டில் இன்று வரை 6.97 லட்சம் பேருக்கு பாதிப்பு உறுதிப்படுத்தப்பட்டு உள்ளது.  19,701 பேர் பலியாகி உள்ளனர்.  இதனால், கொரோனாவால் பாதிக்கப்பட்ட நாடுகளின் வரிசையில் ரஷ்யாவை பின்னுக்கு தள்ளி 3வது இடத்திற்கு இந்தியா முன்னேறியுள்ளது.

இந்தியாவில் கொரோனா பாதிப்பு எண்ணிக்கையில் மராட்டியம் முதல் இடமும், தமிழகம், டெல்லி, குஜராத் ஆகியவை அடுத்தடுத்த இடங்களிலும் உள்ளன. கேரள முதல் மந்திரி பினராயி விஜயன் செய்தியாளர்களிடம் இன்று கூறும்பொழுது, கேரளாவில் இன்று ஒரே நாளில் 193 பேருக்கு கொரோனா பாதிப்பு உறுதி செய்யப்பட்டு உள்ளது.  இதனால் மொத்த பாதிப்பு எண்ணிக்கை 5 ஆயிரத்து 522 ஆக உயர்ந்து உள்ளது.  இதேபோன்று 2,252 பேர் வரை சிகிச்சை பெற்று வருகின்றனர்.

திருவனந்தபுரத்தில் பல்வேறு அரசுத் துறை அலுவலகங்கள் செயல்பட்டு வருகின்றன. இங்கு மாநிலத்தின் பல்வேறு பகுதிகளில் இருந்தும் தினமும் ஏராளமானோர் வந்து செல்கின்றனர்.

மேலும் தமிழ்நாட்டுடன் சேர்ந்த மாவட்டம் என்பதால் தமிழ்நாட்டில் இருந்தும் தினமும் ஏராளமானோர் வியாபாரத்திற்காகவும், மருத்துவ சிகிச்சைக்காகவும் வந்து செல்கின்றனர். எனவே இவர்களுக்கு நோய் பரவினால் அது மேலும் பல பகுதிகளுக்கு பரவ வாய்ப்புள்ளது. இதனால் திருவனந்தபுரம் நகரப் பகுதியில் 6-ம்க் தேதி  முதல் மும்மடங்கு ஊரடங்கு கொண்டுவரப்பட்டுள்ளது. இதற்கு பொதுமக்கள் நல்ல ஒத்துழைப்பு கொடுத்துள்ளனர்.  கேரள எல்லைகளில் பரிசோதனைகளை தீவிரப்படுத்த தீர்மானிக்கப்பட்டுள்ளது.

இவ்வாறு அவர் கூறினார்.

தொடர்புடைய செய்திகள்

1. ஜலீல் எந்த குற்றமும் செய்யவில்லை; தன் கடமையை தான் செய்துள்ளார் - பினராயி விஜயன்
கேரள உயர்கல்வி மந்திரி ஜலீல் எந்த குற்றமும் செய்யவில்லை, தன் கடமையை தான் செய்துள்ளார் என்று அம்மாநில முதல்-மந்திரி பினராயி விஜயன் தெரிவித்துள்ளார்.
2. அக்டோபர் மாதத்தில் கொரோனா பாதிப்பு உச்சத்தை எட்ட வாய்ப்பு: கேரள முதல்வர் பினராயி விஜயன்
கேரளாவில் அடுத்த 2 வாரங்களில் நோயின் தீவிரம் அதிகரிக்க வாய்ப்புள்ளதாக பினராயி விஜயன் தெரிவித்துள்ளார்.
3. பினராயி விஜயன் அரசுக்கு எதிராக காங்கிரஸ் கொண்டு வந்த நம்பிக்கையில்லா தீர்மானம் தோல்வி
கேரளாவில் பினராயி விஜயன் தலைமையிலானஅரசுக்கு எதிராக, காங்கிரஸ் கொண்டு வந்த நம்பிக்கையில்லா தீர்மானம் தோல்வி அடைந்தது.
4. மூணாறு ராஜமலை நிலச்சரிவில் சிக்கி பாதிக்கப்பட்டோரை கேரள அரசு அரவணைக்கும் - பினராயி விஜயன்
மூணாறு ராஜமலை நிலச்சரிவில் சிக்கி பாதிக்கப்பட்டோரை கேரள அரசு அரவணைக்கும் என்று கேரள முதல்-மந்திரி பினராயி விஜயன் கூறியுள்ளார்.
5. கேரளா நிலச்சரிவில் உயிரிழந்தவர்கள் குடும்பத்திற்கு தலா ரூ.5 லட்சம் நிவாரணம் - பினராயி விஜயன்
கேரளா நிலச்சரிவில் உயிரிழந்தவர்கள் குடும்பத்திற்கு தலா ரூ.5 லட்சம் நிவாரணம் வழங்கப்படும் என்று பினராயி விஜயன் அறிவித்துள்ளார்.