எனது எச்சரிக்கையை கேட்க மறுக்கிறார்கள் ; மத்திய அரசு மீது ராகுல் காந்தி பாய்ச்சல்

புதுடெல்லி,

சீனாவுடனான லடாக் எல்லை பிரச்சினையில் மத்திய அரசின் அணுகுமுறையை காங்கிரஸ் முன்னாள் தலைவர் ராகுல் காந்தி எம்.பி. தொடர்ந்து குறை கூறி வருகிறார். இது தொடர்பாக அவர் ஏற்கனவே 2 வீடியோக்களை வெளியிட்டார். அதில், பிரதமர் மோடி மீது அவர் கூறிய குற்றச்சாட்டுகளுக்கு பாரதீய ஜனதா தலைவர்கள் பதிலடி கொடுத்தனர்.

ராகுல் காந்தி தொடர்ந்து தனது டுவிட்டர் பக்கத்தில் மத்திய அரசை விமர்சித்து பதிவுகளை வெளியிட்டு வருகிறார். ராகுல் காந்தி டுவிட்டரில் கூறியிருப்பதாவது:- கொரோனா குறித்தும், இந்திய பொருளாதாரம் குறித்தும் நான் தொடர்ந்து எச்சரித்து வந்தேன்; ஆனால் அவர்கள் கேட்கவில்லை , பேரழிவு ஏற்பட்டது.  தற்போது சீனா குறித்தும் எச்சரித்து வருகிறேன்;  இதையும் அவர்கள் கேட்க மறுக்கிறார்கள்” என்று தெரிவித்துள்ளார்.