தேசிய செய்திகள்

கொரோனா பரவலை தடுக்க கர்நாடகத்தில் 4-வது வாரமாக இன்று முழு ஊரடங்கு + "||" + Full curfew today for the 4th week in Karnataka to prevent the spread of corona

கொரோனா பரவலை தடுக்க கர்நாடகத்தில் 4-வது வாரமாக இன்று முழு ஊரடங்கு

கொரோனா பரவலை தடுக்க கர்நாடகத்தில் 4-வது வாரமாக இன்று முழு ஊரடங்கு
கொரோனா பரவலை தடுக்க கர்நாடகத்தில் 4-வது வாரமாக இன்று (ஞாயிற்றுக்கிழமை) முழு ஊரடங்கு அமல்படுத்தப்பட்டு உள்ளது. அத்தியாவசிய சேவைகளுக்கு தடை இல்லை என்று அறிவிக்கப்பட்டுள்ளது.
பெங்களூரு,

கர்நாடகத்தில் கொரோனா வைரஸ் வேகமாக பரவி வருகிறது. இதை தடுக்க அரசு தீவிரமான நடவடிக்கைகளை மேற்கொண்டு வருகிறது. ஆயினும் கொரோனா பாதிப்பு எண்ணிக்கையும் பலியாவோரின் எண்ணிக்கையும் வேகமாக அதிகரித்து வருகிறது.

அதாவது மாநிலத்தில் இதுவரை வைரசுக்கு 1,732 பேர் (நேற்று முன்தினம் வரை) பலியாகியுள்ளனர். இதனால் கொரோனாவை தடுக்கும் பொருட்டு கர்நாடகத்தில் ஞாயிறு தோறும் முழு ஊரடங்கு அமல்படுத்தப்படும் என்று மாநில அரசு ஏற்கனவே அறிவித்தது. அதன்படி கடந்த 5-ந் தேதி முதல் இந்த முழு ஞாயிறு ஊரடங்கு அமல்படுத்தப்பட்டு வருகிறது.

இதற்கிடையில் கடந்த 15-ந் தேதி முதல் 21-ந் தேதி வரை ஒரு வாரம் பெங்களூருவில் ஊரடங்கு அமல்படுத்தப்பட்டது. இந்த நிலையில் கர்நாடகத்தில் 4-வது வாரமாக இன்று (ஞாயிற்றுக்கிழமை) ஞாயிறு ஊரடங்கு பின்பற்றப்படுகிறது. வழக்கமான இரவு நேர ஊரடங்கு நேற்று இரவு 9 மணிக்கு தொடங்கியது. அத்துடன் இந்த ஞாயிறு ஊரடங்கும் சேர்ந்துள்ளது. இது நாளை (திங்கட்கிழமை) காலை 5 மணி வரை அமலில் இருக்கும். ஆகமொத்தம் 32 மணி நேரம் தொடர்ச்சியாக ஊரடங்கு கர்நாடகத்தில் அமலுக்கு வந்துள்ளது.

இதையொட்டி கர்நாடகத்தில் இன்று பஸ், ஆட்டோ, டாக்சிகள் ஓடாது. வணிக நிறுவனங்கள் மூடப்படுகின்றன. வணிக வளாகங்கள், கடைகள், தனியார் நிறுவனங்கள், அரசு அலுவலகங்கள் செயல்படாது. அத்தியாவசிய பொருட்களை விற்பனை செய்யும் கடைகள், பால் விற்பனையகங்கள், காய்கறி கடைகள், மருந்து கடைகள், மருத்துவமனைகள் எப்போதும் போல் திறந்திருக்கும். அத்தியாவசிய சேவைகளுக்கு தடை இல்லை என்று அறிவிக்கப்பட்டுள்ளது.

பொதுமக்கள் வெளியில் நடமாட வேண்டாம் என்று போலீசார் வேண்டுகோள் விடுத்துள்ளனர். தேவையின்றி வெளியில் வருபவர்களுக்கு அபராதம் விதிக்க போலீசார் திட்டமிட்டு உள்ளனர். மாநிலத்தில் கொரோனாவை தடுக்க அரசு எடுத்து வரும் நடவடிக்கைகளுக்கு பொதுமக்கள் ஒத்துழைப்பு வழங்க வேண்டும் என்று அரசு வேண்டுகோள் விடுத்துள்ளது. பெங்களூருவில் பெரும்பாலான சாலைகள் மற்றும் பாலங்களை இரும்பு தடுப்புகளை வைத்து போலீசார் மூடியுள்ளனர். பெங்களூரு நகரம் முழுவதும் போலீசார் விரிவான பாதுகாப்பு ஏற்பாடுகளை செய்துள்ளனர்.

தொடர்புடைய செய்திகள்

1. கொரோனா பரவலை தடுக்க தொடர் நடவடிக்கை எடுக்கப்பட்டு வருகிறது - சென்னை உயர்நீதிமன்றத்தில் தமிழக அரசு தகவல்
கொரோனா பரவலை தடுக்க தொடர் நடவடிக்கை எடுக்கப்பட்டு வருகிறது என்று சென்னை உயர்நீதிமன்றத்தில் தமிழக அரசு தகவல் தெரிவித்துள்ளது.
2. கொரோனா பரவலை தடுக்க உடற்பயிற்சி, யோகா பயிற்சி நிலையங்களுக்கு வழிகாட்டு நெறிமுறைகள்
கொரோனா பரவுவதை தடுக்கும் வகையில் உடற்பயிற்சி, யோகா பயிற்சி நிலையங்களுக்கான வழிகாட்டு நெறிமுறைகளை மத்திய சுகாதார அமைச்சகம் வெளியிட்டு உள்ளது.
3. அனைத்து துறை அதிகாரிகளுடன் ஆலோசனை: கொரோனா பரவலை தடுக்க துரித நடவடிக்கை அமைச்சர் சி.வி.சண்முகம் உத்தரவு
விழுப்புரம் மாவட்டத்தில் கொரோனா பரவலை தடுக்க நோய் தடுப்பு பணியை துரிதப்படுத்தி நடவடிக்கை மேற்கொள்ள வேண்டும் என்று அனைத்து துறை அதிகாரிகளுக்கும் அமைச்சர் சி.வி.சண்முகம் உத்தரவிட்டுள்ளார்.
4. கொரோனா பரவலை தடுக்க ரெயில்களின் ஏ.சி. பெட்டிகளில் புதிய வசதி
கொரோனா பரவலை தடுக்க ரெயில்களின் ஏ.சி. பெட்டிகளில் புதிய வசதியை இந்திய ரெயில்வே அறிமுகம் செய்துள்ளது.
5. கொரோனா பரவலை தடுக்க மதுரையிலும் முழு ஊரடங்கு - தமிழக அரசு உத்தரவு
கொரோனா பரவலை தடுக்க மதுரை, சுற்றுப்புறங்களில் முழு ஊரடங்கு இன்று நள்ளிரவு 12 மணி முதல் அமல்படுத்தப்படும் என்று தமிழக அரசு உத்தரவிட்டுள்ளது.