தேசிய செய்திகள்

கொரோனா ஊரடங்கு காலத்தில் 1,78,70,644 டிக்கெட்டுகள் ரத்து: இந்தியன் ரெயில்வே + "||" + 1,78,70,644 tickets canceled during Corona curfew: Indian Railways

கொரோனா ஊரடங்கு காலத்தில் 1,78,70,644 டிக்கெட்டுகள் ரத்து: இந்தியன் ரெயில்வே

கொரோனா ஊரடங்கு காலத்தில் 1,78,70,644 டிக்கெட்டுகள் ரத்து: இந்தியன் ரெயில்வே
ஊரடங்கு அமல்படுத்தப்பட்டதில் இருந்து 1.78 கோடி டிக்கெட்டுகள் ரத்து செய்யப்பட்டுள்ளதாக ஆர்டிஐ கேள்விக்கு இந்தியன் ரெயில்வே பதில் அளித்துள்ளது.
புதுடெல்லி,

கொரோனா வைரஸ் தொற்றை கட்டுப்படுத்தும் விதமாக இந்தியாவில் மார்ச் மாதம் 25-ந்தேதி நாடு தழுவிய ஊரடங்கு அமல்படுத்தப்பட்டது. அதில் இருந்து பொது போக்குவரத்து நிறுத்தப்பட்டது. பஸ் போக்குவரத்திற்கு மத்திய அரசு அனுமதி அளித்துள்ளது.

ஆனால் கொரோனா வைரஸ் தொற்று காரணமாக சில மாநிலங்கள் பஸ் போக்குவரத்தை நிறுத்தி வைத்துள்ளன. ஆனால் மெட்ரோ ரெயில் மற்றும் எக்ஸ்பிரஸ் ரெயில்கள், மின்சார ரெயில்களுக்கு மத்திய அரசு இதுவரை அனுமதி வழங்கவில்லை.

இதனால் ரெயில் டிக்கெட்டுகள் அனைத்தும் ரத்து செய்யப்பட்டு, அதற்கான பணம் திருப்பி வழங்கப்பட்டது. மத்திய பிரதேச மாநிலத்தைச் சேர்ந்த சேகர் கவுர் என்பவர் ஆர்டிஐ மூலம் டிக்கெட் குறித்த தகவல்கள் கேட்டிருந்தார்.

அதற்கு இந்திய ரெயில்வே மூலம் பதில் அளிக்கப்பட்டுள்ளது. மார்ச் 25-ந்தேதியில் இருந்து தற்போது வரை 1,78,70,644 டிக்கெட்டுகள் ரத்து செய்யப்பட்டுள்ளன. இதனால் 2,727 கோடி ரூபாய் திரும்ப வழங்கப்பட்டுள்ளது என்று தெரிவித்துள்ளது.

கடந்த சில நாட்களுக்கு முன் முதன்முறையாக வருமானத்தை விட டிக்கெட் ரத்து செய்யப்பட்டு அற்காக திரும்ப வழங்கப்பட்ட தொகை அதிகம் என இந்தியன் ரெயில்வே தெரிவித்திருந்தது.

கடந்த ஆண்டு ஏப்ரல் 1-ந்தேதியில் இருந்து ஆகஸ்ட் 11-ந்தேதி வரை 3660.08 கோடி ரூபாய் திரும்ப வழங்கியிருந்தது. அதேவேளையில் 17,309.1 கோடி ரூபாய் வருமானம் ஈட்டியிருந்தது.

ஏப்ரல் மாதம் வருமானம் 531.12 கோடி ரூபாய், மே மாதம் 145.24 கோடி ரூபாய், ஜூன் மாதம் 390.6 கோடி ரூபாய் நெகட்டிவ் ஆக வந்துள்ளதாக தெரிவித்துள்ளது.

கடந்த வருடத்தில் ஏப்ரல் மாதம் 4,345 ரூபாயும், மே மாதம் 4,463 ரூபாயும், ஜூன் மாதம் 4,589 ரூபாயும் வருமான ஈட்டப்பட்டதாக தெரிவித்துள்ளது.

தொடர்புடைய செய்திகள்

1. 1,301 வாக்குச்சாவடி மையங்கள் வரைவு பட்டியலை வெளியிட்டு கலெக்டர் தகவல்
வேலூர் மாவட்டத்தில் 1,301 வாக்குச்சாவடி மையங்கள் உள்ளதாக வரைவு பட்டியலை கலெக்டர் வெளியிட்டு தெரிவித்தார்.
2. சிவகாசியில், அனுமதியின்றி வைக்கப்பட்டிருந்த 1,279 பண்டல் பட்டாசுகள் பறிமுதல் - போலீசார் சோதனையில் சிக்கியது
சிவகாசி கிழக்கு போலீஸ் நிலையம் எல்லைக்கு உட்பட்ட பகுதியில் அனுமதியின்றி வைக்கப்பட்டிருந்த 1,279 பண்டல் பட்டாசுகளை போலீசார் பறிமுதல் செய்து விசாரணை நடத்தி வருகிறார்கள்.
3. இதுவரை 6,70,392 பேருக்கு தொற்று: தமிழகத்தில் தொடர்ந்து 3-வது நாளாக கொரோனா பாதிப்பு குறைந்தது
தமிழகத்தில் தொடர்ந்து 3-வது நாளாக கொரோனா பாதிப்பு குறைந்துள்ளது எனவும், இதுவரை 6,70,392 பேர் கொரோனாவால் பாதிக்கப்பட்டுள்ளனர் என்றும் சுகாதாரத்துறை தகவல் தெரிவித்துள்ளது.
4. தமிழக தலைமைச் செயலாளர் சண்முகத்தின் பதவிக்காலம் மேலும் 3 மாதங்களுக்கு நீட்டிப்பு
கொரோனா ஊரடங்கு காலத்தில் தமிழக அரசின் பணிகள் எதுவும் தடைபடக் கூடாது என்பதற்காக சண்முகத்தின்பதவிக்காலம் 3 மாதங்களுக்கு நீட்டிக்கப்பட்டிருந்தது.
5. ரெஜினாவின் கொரோனா ஊரடங்கு அனுபவம்
நடிகை ரெஜினா தனது கொரோனா ஊரடங்கு அனுபவம் பற்றி விளக்குகிறார்.