‘நான் நலமுடன் இருக்கிறேன்’ வாழ்த்திய அனைவருக்கும் நன்றி - வெங்கையா நாயுடு டுவிட்டர் பதிவு

புதுடெல்லி,

துணை ஜனாதிபதி வெங்கையா நாயுடுவுக்கு நேற்று முன்தினம் கொரோனா தொற்று உறுதி செய்யப்பட்டது. இதையடுத்து, டாக்டர்களின் அறிவுரையின் பேரில் அவர் வீட்டிலேயே தனிமைப்படுத்தி கொண்டார். வெங்கையா நாயுடு குணமடைய மாநில முதல்-மந்திரிகள், மந்திரிகள் உள்ளிட்ட அனைத்து தரப்பினரும் வாழ்த்து தெரிவித்தனர்.

அவர்களுக்கு துணை ஜனாதிபதி வெங்கையா நாயுடு நன்றி தெரிவித்து உள்ளார். இது தொடர்பாக அவர் வெளியிட்டுள்ள டுவிட்டர் பதிவில், ‘நான் நலமுடன் இருக்கிறேன். நான் குணமடைய வேண்டும் என வாழ்த்திய மந்திரிகள், முதல்-மந்திரிகள், சட்டமன்ற உறுப்பினர்கள், பொதுமக்களுக்கு நன்றி. டாக்டர்களின் அறிவுரைப்படி தேவையான பாதுகாப்பு நடவடிக்கைகளை எடுத்து கொண்டு இருக்கிறேன்’ என்று தெரிவித்து உள்ளார்.