<
மராட்டியத்தில் கடந்த 24 மணி நேரத்தில் மேலும் 144 போலீசாருக்கு கொரோனா பாதிப்பு உறுதி
மராட்டியத்தில் கடந்த 24 மணி நேரத்தில் மேலும் 144 போலீசாருக்கு கொரோனா பாதிப்பு உறுதி செய்யப்பட்டுள்ளது.
மும்பை,
நாட்டிலேயே மராட்டியத்தில் தான் கொரோனா பாதிப்பு அதிகளவில் உள்ளது. இதில் மாநிலத்தில் போலீசாரும் அதிகளவில் தொற்றால் பாதிக்கப்பட்டு வருகின்றனர். இந்தநிலையில் கடந்த 24 மணி நேரத்தில் மாநிலம் முழுவதும் 144 போலீசார் வைரஸ் நோயால் பாதிக்கப்பட்டுள்ளனர்.
இதனால் இதுவரை மாநிலத்தில் பாதிக்கப்பட்ட போலீசாரின் எண்ணிக்கை 24 ஆயிரத்து 023 ஆக உயர்ந்து உள்ளது. இதில் 21 ஆயிரத்து 030 பேர் குணமடைந்துவிட்டனர். தற்போது 2 ஆயிரத்து 743 பேர் சிகிச்சை பெற்று வருகின்றனர். இதுவரை தொற்றுக்கு உயிரிழந்தவர்கள் எண்ணிக்கை 250 ஆக உள்ளது. இதில் சுமார் 25 பேர் அதிகாரிகள் ஆவர்.
இதேபோல இதுவரை ஊரடங்கை மீறியது தொடா்பாக 2 லட்சத்து 75 ஆயிரத்து 990 வழக்குகளை போலீசார் பதிவு செய்துள்ளனர். இது தொடர்பாக 39 ஆயிரத்து 039 பேர் கைது செய்யப்பட்டுள்ளனர். மேலும் ஊரடங்கை மீறியவர்களிடம் இருந்து 29,66,18,532 ரூபாய் அபராதமாக வசூலிக்கப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
