<
இந்தியாவில் 70 லட்சம் கடந்த கொரோனா பாதிப்பு எண்ணிக்கை
இந்தியாவில் கடந்த 24 மணிநேரத்தில் கொரோனா பாதிப்புகளுக்கு 918 பேர் மரணமடைந்து உள்ளனர்.
புதுடெல்லி,
இந்தியாவில் கொரோனா பாதிப்புகள் நாளுக்கு நாள் தொடர்ந்து அதிகரித்து வருகிறது. இதனை கட்டுப்படுத்தும் நடவடிக்கையில் அரசு தீவிரமுடன் செயல்பட்டு வருகிறது. எனினும், பொதுமக்கள் அளிக்கும் ஒத்துழைப்பின் அடிப்படையிலேயே பாதிப்பு கட்டுப்படுத்தப்படும் என அரசு கூறியுள்ளது.
இந்த நிலையில் மத்திய சுகாதார அமைச்சகம் இன்று வெளியிட்டுள்ள செய்தியில், நாட்டில் கடந்த 24 மணிநேரத்தில் 74,383 பேருக்கு புதிய பாதிப்புகள் ஏற்பட்டு உள்ளன என தெரிவித்து உள்ளது.
இது நேற்றைய பாதிப்புகளை (73,272) விட சற்று அதிகம் ஆகும். இதனால் மொத்த பாதிப்பு எண்ணிக்கை 69 லட்சத்து 79 ஆயிரத்து 424ல் இருந்து 70,53,807 ஆக உயர்ந்து உள்ளது. நாடு முழுவதும் சிகிச்சை பெறுவோர் எண்ணிக்கை 8,83,185ல் இருந்து ஆக 8,67,496 குறைந்து உள்ளது.
இதேபோன்று குணமடைந்தோர் எண்ணிக்கை 59,88,823ல் இருந்து 60,77,977 ஆக உயர்ந்து உள்ளது.
நாட்டில் கடந்த 24 மணிநேரத்தில் கொரோனா பாதிப்புகளுக்கு 918 பேர் மரணமடைந்து உள்ளனர். இதனால், கொரோனா பாதிப்புகளுக்கு உயிரிழந்தோர் எண்ணிக்கை 1 லட்சத்து 7 ஆயிரத்து 416ல் இருந்து 1 லட்சத்து 8 ஆயிரத்து 334 ஆக உயர்வடைந்து உள்ளது என்று தெரிவித்து உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
