ராஜஸ்தானின் பாலைவனங்களில் கண்டறியப்பட்ட ஒரு புதிய கற்றாழை இனம்

ஜெய்ப்பூர்

இந்தியாவின் வடமேற்கு மாநிலமான ராஜஸ்தானின் பாலைவனத்திலிருந்து ஒரு புதிய கற்றாழை இனத்தை தாவரவியலாளர்கள் கண்டறிந்து உள்ளனர்..அலோ ட்ரைனெர்விஸ் என்ற இந்த இனம் ஒரு தனித்துவமான கற்றாழை இனம் ஆகும். பூக்களுக்கு அடியில் மூன்று நரம்புகளை கொண்டுஇலை போன்ற கட்டமைப்புகளை தாங்குகின்றன.பிகானேர் மாவட்டத்தில் உள்ள ஷிவ்பரி-ஜோர்பீர் பாதுகாக்கப்பட்ட பகுதியில் இதனை கண்டறிந்தனர்.

ஊறுகாய் தயாரிப்பதற்கும், சமைப்பதற்கும் தாவரத்தின் இளம் மொட்டுகள் மற்றும் மென்மையான இலைகளை சேகரிப்பதை உள்ளூர் மக்கள் வழக்கமாக கொண்டிருந்தனர். அலோ வேராவைப் போலவே, இதன் இலைகளும் சருமத்தில் மருத்துவ ரீதியாகப் பயன்படுத்தப்பட்டன. 

இந்த தாவர இனத்தை அடையாளம் காணவும், அது எவ்வாறு உருவானது மற்றும் பிற கற்றாழை இனங்களுடனான அதன் உறவு பற்றியும் கண்டறிய ஒரு மூலக்கூறு பைலோஜெனடிக் பகுப்பாய்வு தேவை என்று நிபுணர்கள் கூறுகின்றனர்.

இது இந்தியாவிலிருந்து மிக முக்கியமான மற்றும் குறிப்பிடத்தக்க கண்டுபிடிப்பாகும். ஏனெனில் இதற்கு முன்பு இந்தியாவில் வனப்பகுதிகளில் வளரும் ஒரு இனம் மட்டுமே குறிப்பிடப்பட்டுள்ளது எனஅறிக்கையின் ஆசிரியரும், வறண்ட வன ஆராய்ச்சி நிறுவனத்தின் ஆராய்ச்சி கூட்டாளருமான ரவிகரன் என் குல்லோலி கூறி உள்ளார்

அலோ வேரா உள்ளிட்ட கற்றாழை இனங்கள் ஜோத்பூர், ராஜஸ்தான்.  இந்தியாவில் அலங்கார மற்றும் மருத்துவ நோக்கங்களுக்காக பரவலாக பயிரிடப்படுகின்றன.

ஆப்பிரிக்கா, மடகாஸ்கர் மற்றும் அரேபிய தீபகற்பத்தை பூர்வீகமாகக் கொண்ட கற்றாழை இனத்தின் சதைப்பற்றுள்ள தாவரங்கள் கிட்டத்தட்ட 600 இனங்களை உள்ளடக்கியது, தென்னாப்பிரிக்காவில் காணப்படும் சுமார் 150 இனங்களின் மிகப்பெரிய பன்முகத்தன்மை கொண்டது. 

கள ஆய்வின் போது, ஆராய்ச்சியாளர்கள் ராஜஸ்தானில் இருந்து நேரடி கற்றாழை மாதிரிகளை சேகரித்து ஜோத்பூரில் உள்ள இந்திய வேளாண் ஆராய்ச்சி கவுன்சில்-மத்திய வறண்ட மண்டல ஆராய்ச்சி நிறுவனத்தில் பாலைவன தாவரவியல் பூங்காவில் வளர்க்க கொண்டு வந்தனர். அவர்கள் அதை கற்றாழையுடன் ஒப்பிட்டு விரிவான வகைபிரித்தல் ஆய்வுகளை மேற்கொண்டனர்