மும்பையில் இன்று 746 பேருக்கு கொரோனா தொற்று உறுதி

மும்பை,

மும்பை மாநகராட்சி சார்பில் இன்று வெளியிடப்பட்டுள்ள அறிக்கையில், அங்கு இன்று 746 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. இதன் மூலம் அங்கு மொத்த கொரோனா பாதிப்பு எண்ணிக்கை 2,59,860 ஆக அதிகரித்துள்ளது.

மும்பையில் இன்று 15 பேர் கொரோனாவால் உயிரிழந்துள்ளனர். இதனால் மொத்த உயிரிழப்பு எண்ணிக்கை 10,320 ஆக உயர்ந்துள்ளது. இன்று ஒரே நாளில் 939 பேர் கொரோனா பாதிப்பில் இருந்து குணமடைந்துள்ளனர். மும்பையில் தற்போது 17,444 பேர் கொரோனாவிற்கு சிகிச்சை பெற்று வரும் நிலையில், இதுவரை 2,31,541 பேர் குணமடைந்து வீடு திரும்பியுள்ளதாக தெரிவிக்கப்பட்டுள்ளது.