வேலை இல்லாததால் இங்குள்ள இளைஞர்கள் துப்பாக்கிகளை எடுக்கிறார்கள்- மெஹபூபா முப்தி சர்ச்சை கருத்து


வேலை இல்லாததால் இங்குள்ள இளைஞர்கள் துப்பாக்கிகளை எடுக்கிறார்கள்- மெஹபூபா முப்தி சர்ச்சை கருத்து
x
தினத்தந்தி 9 Nov 2020 11:54 AM GMT (Updated: 2020-11-09T17:24:38+05:30)

ஜம்மு-காஷ்மீரில் வேலை இல்லாததால் இங்குள்ள இளைஞர்கள் துப்பாக்கிகளை எடுக்கிறார்கள் என முன்னாள் முதல்வர் மெஹபூபா முப்தி கூறி உள்ளார்.

ஸ்ரீநகர்

ஜம்மு-காஷ்மீர் முன்னாள் முதல்வர் மெஹபூபா முப்தி வேலை இல்லாததால் இங்குள்ள இளைஞர்கள் துப்பாக்கிகளை எடுக்கிறார்கள் என்று கூறினார்.

மாநிலத்தில் நடக்கும் அரசியல் நிகழ்வுகள் குறித்து தனது அதிருப்தியைக் காட்டிய முப்தி தனது அறிக்கையில் மேலும் கூறியதாவது:-

370 வது பிரிவை நீக்கிய பின்னர், ஜம்மு-காஷ்மீர் மக்களின் நிலங்களையும் வேலைகளையும் பறிப்பதே பா.ஜனதாவின் நோக்கமாக உள்ளது.

காஷ்மீர் கலாச்சாரம் எங்கும் காணாமல் போகும் வகையில் 370 வது பிரிவு இருந்தது. அது நாட்டின் கொடி அல்லது ஜம்மு-காஷ்மீர் கொடி எதுவாக இருந்தாலும் அது அரசியலமைப்பால் எங்களுக்கு வழங்கப்பட்டது. எங்களிடம் இருந்து அவர்கள் (பாஜக) அதை பறித்து கொண்டனர்.

இன்று அவர்களின் (பாஜகவின்) நேரம், நாளை நம்முடையதாக வரும். அவர்களின் நிலைமையும் டிரம்ப்பைப் போலவே இருக்கும். எல்லைகள் திறக்கப்பட வேண்டும். ஜம்மு-காஷ்மீர் இரு நாடுகளுக்கும் இடையிலான அமைதிக்கான பாலமாக மாறியது.  எங்கள் கொடியை எங்களிடம் திரும்பி கொடுங்கள். நாங்கள் ஒன்றாக தேர்தலில் போராடுகிறோம். ஜம்மு-காஷ்மீர் துண்டுகளாக வெட்டப்பட்டுள்ளன. இந்த சக்திகளை வெல்ல நாங்கள் கைகோர்த்துள்ளோம் என கூறினார்

குப்கர் பிரகடனத்திற்கான மக்கள் கூட்டணி (பிஏஜிடி) மற்றும் காங்கிரஸின் கூட்டணி மீண்டும் அம்பலப்படுத்தப்பட்டுள்ளது. காங்கிரசும் குப்கரின் ஒரு பகுதி என்று பாரூக் அப்துல்லா கூறியுள்ளார். ஜம்மு காஷ்மீரில் நடைபெறவிருக்கும் முதல் மாவட்ட மேம்பாட்டு கவுன்சில் (டி.டி.சி) தேர்தலில் ஒன்றுபட்டு போட்டியிடுவதாக இந்த கூட்டணி ஏற்கனவே அறிவித்துள்ளது.

Next Story