<
சி.பி.எஸ்.இ. 10, 12 ஆம் வகுப்புகளுக்கு நடப்பு கல்வி ஆண்டில் தேர்வு நிச்சயம் நடைபெறும் என தகவல்
நடப்பு கல்வி ஆண்டில் சி.பி.எஸ்.இ. 10, 12 ஆம் வகுப்புகளுக்கு தேர்வு உண்டு என சி.பி.எஸ்.இ. அமைப்பு நிர்வாகிகள் குழுவின் செயலாளர் அனுராக் திரிபாதி தெரிவித்துள்ளார்.
புதுடெல்லி,
கொரோனா அச்சுறுத்தல் காரணமாக பள்ளிகள் எதுவும் இதுவரை திறக்கப்படாத நிலையில், வரும் பிப்ரவரி மற்றும் மார்ச் மாதங்களில் வழக்கமாக நடைபெறும் சி.பி.எஸ்.சி. தேர்வுகள் இந்த ஆண்டு நடைபெறுமா? என்ற கேள்வி மாணவர்கள் மற்றும் ஆசிரியர்களிடையே நிலவு வந்தது.
இதற்கு விளக்கமளிக்கும் விதமாக சி.பி.எஸ்.இ. அமைப்பு நிர்வாகிகள் குழுவின் செயலாளர் அனுராக் திரிபாதி இன்று டெல்லியில் செய்தியாளர்களிடம் பேட்டியளித்தார். அப்போது நடப்பு கல்வி ஆண்டிற்கான சி.பி.எஸ்.இ. 10 மற்றும் 12 ஆம் வகுப்பு பொதுத் தேர்வுகள் நிச்சயமாக நடைபெறும் என்று அவர் தெரிவித்தார்.
மாணவர்களுக்கு ஆன்லைன் மூலம் பாடங்கள் நடத்தப்பட்டு வருவதால் தேர்வு கட்டாயமாக நடைபெறும் என்று கூறிய அவர், தேர்வுக்கான அட்டவணை விரைவில் வெளியிடப்படும் என்று தெரிவித்துள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
