ஜி 20 தலைவர்களுடனான ஆலோசனை பயனுள்ள வகையில் இருந்தது: பிரதமர் மோடி டுவிட்

புதுடெல்லி,

இரண்டு நாள்கள் நடைபெறும் இந்த உச்சி மாநாட்டில்,  துவக்க உரையாற்றிய சவுதி அரேபிய மன்னர் சல்மான் பின் அப்துலாசிஸ் அல்  சவுத், கொரோனாவுக்கு எதிரான மருத்துவ கருவிகள் குறைந்த மற்றும் சமமான முறையில் அனைவருக்கும் கிடைப்பதன் முக்கியத்துவம் பற்றியும் கொரோனா தடுப்பூசி குறித்தும் பேசினார். இந்தக் கூட்டத்தில் கலந்து கொண்ட பின்னர் பிரதமர் மோடி தனது டுவிட்டரில் வெளியிட்டுள்ள பதிவில் கூறியிருப்பதாவது: -

ஜி 20 தலைவர்களுடனான ஆலோசனை  பலனுள்ள வகையில் இருந்தது. மிகப்பெரிய பொருளாதார நாடுகளின் ஒருங்கிணைந்த கூட்டு முயற்சிகள், பெருந்தொற்றுக்கு பிந்தைய பொருளாதாரம் விரைவாக மீட்டெடுப்பதை முன்னெடுத்துச் செல்லும். மெய்நிகர் முறையில் இந்தக் கூட்டத்தை நடத்திய சவுதி அரேபியாவுக்கு நன்றியை தெரிவித்துக்கொள்கிறேன்” என்று பதிவிட்டுள்ளார்.