<
ஆட்சி கவிழ்ப்பு வேலையில் ஈடுபடுகிறார் ஆளுநர் கிரண்பேடி: புதுச்சேரி முதல் அமைச்சர் குற்றச்சாட்டு
புதுச்சேரியில் ஆட்சி கவிழ்ப்பு வேலையை ஆளுநர் கிரண்பேடி செய்து வருகிறார் என முதல் அமைச்சர் நாராயணசாமி குற்றச்சாட்டு தெரிவித்து உள்ளார்.
புதுச்சேரி,
சென்னை அண்ணா அறிவாலயத்தில் தி.மு.க. தலைவர் மு.க. ஸ்டாலினை புதுச்சேரி முதல் அமைச்சர் நாராயணசாமி இன்று நேரில் சந்தித்து பேசினார்.
இந்த சந்திப்புக்கு பின்னர் புதுச்சேரி முதல் அமைச்சர் நாராயணசாமி செய்தியாளர்களிடம் கூறும்பொழுது, தி.மு.க. தலைவர் மு.க. ஸ்டாலினுடனான சந்திப்பு மரியாதை நிமித்தமானது என்று கூறினார். புதுச்சேரியில் ஆட்சி கவிழ்ப்பு வேலையை துணை நிலை ஆளுநர் கிரண்பேடி செய்து வருகிறார் என குற்றச்சாட்டும் கூறியுள்ளார்.
புதுச்சேரியில் காங்கிரஸ் மற்றும் தி.மு.க. கூட்டணி இடையே எந்தவித கருத்து வேறுபாடும் இல்லை. சட்டமன்ற தேர்தல் தொடர்பாக காங்கிரஸ் மற்றும் தி.மு.க. தலைமை எடுக்கும் முடிவுக்கு நாங்கள் கட்டுப்படுவோம் என்றும் அவர் கூறியுள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
