தேசிய செய்திகள்

டெல்லி போராட்ட களத்தில் லாரியை வீடாக மாற்றிய விவசாயி + "||" + Punjab Farmer Turns Container Truck Into Makeshift Home At Singhu Border

டெல்லி போராட்ட களத்தில் லாரியை வீடாக மாற்றிய விவசாயி

டெல்லி போராட்ட களத்தில் லாரியை வீடாக மாற்றிய விவசாயி
சிங்கு எல்லையில் போராட்டத்தில் ஈடுபட்டுள்ள ஹர்ப்ரீத் சிங் மட்டு என்ற விவசாயி, தனக்கு சொந்தமான கண்டெய்னர் லாரியை சொகுசு வீடாக மாற்றியமைத்துள்ளார்.
புதுடெல்லி

மத்திய அரசின் 3 வேளாண் சட்டங்களையும் திரும்ப பெற வலியுறுத்தி டெல்லி எல்லைகளில் விவசாயிகள் கடும் குளிரையும் பொருட்படுத்தாமல் தொடர்ந்து போராட்டத்தில் ஈடுபட்டுள்ளனர். சாலையோரம் கூடாரங்களை அமைத்தும், டிராக்டர் டிரைலர்கள் மீது தார்பாய் போட்டு மூடி வீடு போன்று மாற்றியும் இரவு நேரங்களில் அதில் தூங்குகின்றனர். பலர் போராட்டக்களத்திலேயே கம்பளி விரித்து தூங்குகின்றனர். அவர்களுக்கு தன்னார்வலர்கள் உணவு, உடைகளை வழங்கி உதவிகளை செய்து வருகின்றனர். 

சிங்கு எல்லையில் போராட்டத்தில் ஈடுபட்டுள்ள ஹர்ப்ரீத் சிங் மட்டு என்ற விவசாயி, தனக்கு சொந்தமான கண்டெய்னர் லாரியை சொகுசு வீடாக மாற்றியமைத்துள்ளார்.  இது பற்றி அந்த விவசாயி கூறுகையில், “ அமெரிக்காவில் இருக்கும் எனது மூத்த சகோதரர் அறிவுறுத்தலின் பேரில், விவசாயிகளுக்காக சேவை புரிய டிசம்பர் 2 ஆம் தேதி நான்  இங்கு வந்தேன். 

எனது அனைத்து பணிகளையும் விட்டுவிட்டு 7 நாட்களாக இங்கு போராட்டத்தில் கலந்து கொண்டேன். எனக்கு வீடு மற்றும் குடும்பத்தினர் நினைவு வந்தது. எனவே, ஏன் டிரக்கை வீடாக மாற்றக்கூடாது என்ற எண்ணம் ஏற்பட்டது” என்றார். 

விவசாயி ஹர்ப்ரீத் சிங் மட்டுவின் தற்காலிக இல்லத்தில், அனைத்து அடிப்படை வசதிகளும் உள்ளன. அதாவது, சொகுசு இருக்கைகள், தொலைக்காட்சி, மொபைல் சார்ஜிங் வசதி, கழிப்பறை போன்றவை உள்ளன.  வெறும் ஒன்றரை நாளில், லாரியை தற்காலிக இல்லமாக மாற்றியமைத்ததாக விவசாயி ஹர்பிரீத் சிங் மட்டு கூறினார்.  சிங்கு எல்லையில் போராடி வரும் விவசாயிகளுக்கு தேநீர், பகோடா போன்றவைகளை 24 மணி நேரம் வழங்கி  சேவையாற்றி வருவதாகவும் ஹர்ப்ரீத் சிங் மட்டு கூறினார். 


தொடர்புடைய செய்திகள்

1. விக்கெட்டுகளை இழந்து தடுமாறிய பஞ்சாப்: சென்னை அணிக்கு 107 ரன்கள் இலக்கு நிர்ணயம்
சென்னை அணியின் அபாரமான பந்துவீச்சால் பஞ்சாப் அணி அடுத்தடுத்து விக்கெட்டுகளை இழந்து 106 ரன்கள் சேர்த்தது.
2. கொரோனா அச்சுறுத்தல்: பஞ்சாபில் மேலும் 10 நாட்களுக்கு கட்டுப்பாடுகள் நீட்டிப்பு
கொரோனா அச்சுறுத்தல் குறையாததால் பஞ்சாபில் மேலும் 10 நாட்களுக்கு கட்டுப்பாடுகள் நீட்டிக்கப்பட்டுள்ளன.
3. பஞ்சாபில் புதிதாக ஏற்படும் பாதிப்புகளில் 81% உருமாறிய கொரோனா: முதல்வர் அமரீந்தர் சிங் தகவல்
நாடு முழுவதும் கடந்த சில தினங்களாக கொரோனா பரவல் அதிகரித்து வருகிறது.
4. கொரோனா பரவல் எதிரொலி: பஞ்சாப்பில் அங்கன்வாடி மையங்கள் மீண்டும் மூடல்
பஞ்சாப்பில் கொரோனா காரணமாக மூடப்பட்டிருந்த அங்கன்வாடி மையங்கள் கடந்த மாதம் 1-ந்தேதி முதல் மீண்டும் திறக்கப்பட்டன. ஆனால் தற்போது பஞ்சாப்பில் மீண்டும் கொரோனா பரவல் அதிகரித்து வருகிறது.
5. கொரோனாவை கட்டுப்படுத்த, பஞ்சாபில் பள்ளிகள் மூடல்; 8 மாவட்டங்களில் இரவு நேர ஊரடங்கு
பஞ்சாப் மாநிலத்தில் கொரோனா தொற்று வேகமாக அதிகரித்து வருவதை அடுத்து அங்கு கட்டுப்பாடுகள் அதிகரிக்கப்பட்டு வருகின்றன.