தேசிய செய்திகள்

விவசாயிகளிடம் பிரதமர் மோடி மன்னிப்பு கேட்க வேண்டும்; காங்கிரஸ் கோரிக்கை + "||" + PM Modi should apologise to farmers: Congress

விவசாயிகளிடம் பிரதமர் மோடி மன்னிப்பு கேட்க வேண்டும்; காங்கிரஸ் கோரிக்கை

விவசாயிகளிடம் பிரதமர் மோடி மன்னிப்பு கேட்க வேண்டும்;  காங்கிரஸ் கோரிக்கை
சுப்ரீம் கோர்ட்டு விமர்சனம் காரணமாக, விவசாயிகளிடம் பிரதமர் மோடி மன்னிப்பு கேட்க வேண்டும், அவர் மீது சுப்ரீம் கோர்ட்டு வழக்குப்பதிவு செய்ய வேண்டும் என்று காங்கிரஸ் கட்சி கோரிக்கை விடுத்துள்ளது.
புதுடெல்லி, 

சுப்ரீம் கோர்ட்டு விமர்சனம் காரணமாக, விவசாயிகளிடம் பிரதமர் மோடி மன்னிப்பு கேட்க வேண்டும், அவர் மீது சுப்ரீம் கோர்ட்டு வழக்குப்பதிவு செய்ய வேண்டும் என்று காங்கிரஸ் கட்சி கோரிக்கை விடுத்துள்ளது.

வேளாண் சட்டங்களுக்கு எதிரான வழக்கு விசாரணையில் சுப்ரீம் கோர்ட்டு தெரிவித்த கருத்துகள் தொடர்பாக, காங்கிரஸ் கட்சி தலைமை செய்தித்தொடர்பாளர் ரந்தீப் சுர்ஜேவாலா நிருபர்களுக்கு பேட்டி அளித்தார்.

அவர் கூறியதாவது:-

விவசாயிகளுடனான பேச்சுவார்த்தை மீண்டும் மீண்டும் தோல்வி அடைவது குறித்து சுப்ரீம் கோர்ட்டு வேதனை தெரிவித்துள்ளது. தீர்வு காண இயலாத மத்திய அரசின் நிலை பற்றி ஏமாற்றம் தெரிவித்துள்ளது. சுதந்திர இந்தியாவின் 73 ஆண்டு கால வரலாற்றில் தனது ஆணவப்போக்கால் எந்த அரசும் இதுபோன்று அம்பலப்பட்டது இல்லை.

சுப்ரீம் கோர்ட்டு விமர்சனம் காரணமாக, பிரதமர் மோடி மன்னிப்பு கேட்க வேண்டும். உயிரிழந்த 65 விவசாயிகளின் குடும்பத்தினரிடம் மட்டுமின்றி, நாட்டில் உள்ள 62 கோடி விவசாயிகளிடமும் மன்னிப்பு கேட்க வேண்டும்.

விவசாயிகள் போராட்டத்துக்கு பிரதமர் மோடி, அமித்ஷா, உத்தரபிரதேச மாநில முதல்-மந்திரி யோகி ஆதித்யநாத், அரியானா மாநில முதல்-மந்திரி மனோகர்லால் கட்டார் ஆகியோர்தான் பொறுப்பு. அவர்கள் விவசாயிகளை டெல்லிக்கு வரவிடாமல் தடுத்தனர். அவர்களது அரசுகள், சாலைகளில் குழி தோண்டி, டெல்லியை சுற்றி தேசிய நெடுஞ்சாலைகளில் போக்குவரத்தை தடுத்தன.

அவர்களின் தேசவிரோத செயல்பாடுகளை சுப்ரீம் கோர்ட்டு கவனத்தில் கொள்ள வேண்டும். அரசு கருவூலத்துக்கு இழப்பும், பொது சொத்துகளுக்கு சேதமும் ஏற்படுத்தியதற்காக அவர்கள் மீது சுப்ரீம் கோர்ட்டு வழக்குப்பதிவு செய்ய வேண்டும். வேளாண் சட்டங்களில் 18 திருத்தங்களை செய்ய மோடி அரசு தயாராக உள்ளது. 

அப்படியானால், தவறான அந்த சட்டங்களை ஏன் நீக்கக்கூடாது? போராடும் விவசாயிகளுடன் பிரதமரே நேரடியாக பேச்சுவார்த்தை நடத்த வேண்டும். அதற்கு குறைவான எதையும் விவசாயிகள் ஏற்கமாட்டார்கள். பிரதமரே முன்வந்து விவசாயிகளின் கண்ணீரை துடைக்க வேண்டும். பெரும் பணக்காரர்கள் ஆதரவுநிலையை கைவிட்டு, 3 வேளாண் சட்டங்களையும் ரத்து செய்வதாக அறிவிக்க வேண்டும்.இவ்வாறு அவர் கூறினார்.



தொடர்புடைய செய்திகள்

1. மீண்டும் பிரச்சினையை ஏற்படுத்தும் ஜி -23 காங்கிரஸ் தலைவர்கள்; பிரதமரை பாராட்டிய குலாம் நபி ஆசாத்
காங்கிரஸ் தலைமைக்கு மீண்டும் பிரச்சினையை ஏற்படுத்தும் ஜி -23 காங்கிரஸ் தலைவர்கள். கடந்த வார இறுதியில் ஜம்முவில் ஒரு கூட்டம் நடத்தினர்
2. கன்னியாகுமரி இடைத்தேர்தல் காங்கிரஸ் கட்சியினர் விருப்ப மனு அளிக்கலாம்
கன்னியாகுமரி இடைத்தேர்தல் காங்கிரஸ் கட்சியினர் விருப்ப மனு அளிக்கலாம் கே.எஸ்.அழகிரி அறிவிப்பு.
3. ‘ஆணவத்தை விட்டொழித்து எரிபொருள் விலையை குறையுங்கள்’ மத்திய அரசுக்கு காங்கிரஸ் வலியுறுத்தல்
‘ஆணவத்தை விட்டொழித்து எரிபொருள் விலையை குறையுங்கள்’ மத்திய அரசுக்கு காங்கிரஸ் வலியுறுத்தல்.
4. காங்கிரஸ் எம்.பி ராகுல் காந்தி இன்று தமிழகம் வருகை
தூத்துக்குடி, நெல்லை, தென்காசி மாவட்டங்களில் பிரசாரம் மேற்கொள்வதற்காக இன்று (சனிக்கிழமை) வருகை தரும் ராகுல்காந்தி கலந்துரையாடல், பொதுக்கூட்டத்தில் கலந்து கொண்டு பேசுகிறார்.
5. தமிழக சட்டமன்ற தேர்தல்: தி.மு.க-காங்கிரஸ் தொகுதி பங்கீடு பேச்சுவார்த்தை தொடங்கியது; முதல்கட்ட கூட்டத்தில் உடன்பாடு ஏற்படவில்லை
தி.மு.க-காங்கிரஸ் தொகுதி பங்கீடு பேச்சுவார்த்தை தொடங்கியது. முதல்கட்ட கூட்டத்தில் உடன்பாடு ஏற்படவில்லை. எனவே மீண்டும் பேசுவோம் என்று கே.எஸ்.அழகிரி கூறினார்.