தமிழகத்தில் கொரோனாவால் கடந்த 24 மணி நேரத்தில் 457 பேர் பாதிக்கப்பட்டு உள்ளனர். 470 பேர் குணமடைந்து உள்ளனர். 6 பேர் பலியாகி உள்ளனர்.

தமிழகத்தில் நேற்று 644 மையங்களில் கொரோனா தடுப்பூசி போடும் பணி நடந்தது. இதில் நேற்று ஒரே நாளில் மட்டும் 19 ஆயிரத்து 97 பேர் தடுப்பூசி போட்டுள்ளனர். அந்தவகையில் 18 ஆயிரத்து 717 பேர் ‘கோவிஷீல்டு’ தடுப்பு மருந்தும், 380 பேர் ‘கோவேக்சின்’ தடுப்பு மருந்தும் போட்டுள்ளனர். அதில் 14 ஆயிரத்து 446 பேர் முதல் முறையாகவும், 4 ஆயிரத்து 651 பேர் 2-வது முறையாகவும் தடுப்பூசி போட்டு உள்ளனர்.

கொரோனா தடுப்பூசி திட்டத்தில் நீதிபதிகள், வக்கீல்களுக்கு முன்னுரிமை கோரும் மனு விசாரணைக்கு ஏற்கப்பட்டது.

தென் ஆப்பிரிக்கா மற்றும் பிரேசில் நாடுகளில் உருமாறிய கொரோனா பாதிப்புடன் 4 பேர் இந்தியா வந்துள்ளனர்.

அமெரிக்க பைசர் நிறுவனத்திடம் இருந்து கொரோனா தடுப்பூசி தொழில் நுட்பத்தை வட கொரியா திருட முயன்றதாக தென்கொரியா குறஞ்சாட்டி உள்ளது.