காஷ்மீரில் பயங்கரவாதிகளுக்கு உதவிய 3 பேர் கைது

ஸ்ரீநகர், 

மத்திய காஷ்மீரின், பத்காமில், மூத்த போலீஸ் அதிகாரி மற்றும் ராணுவ படையினர் இணைந்து, தங்களுக்கு கிடைத்த ரகசிய தகவலின் அடிப்படையில் தீவிர சோதனை நடத்தினர். அப்போது பயங்கரவாதிகளுக்கு உதவியாக செயல்பட்ட 3 பேர் கைது செய்யப்பட்டனர். அவர்களிடம் இருந்து 2 கையெறி குண்டுகள், நான்கு டெட்டனேட்டர்கள், ஏ.கே.47 துப்பாக்கி தோட்டாக்கள் போன்ற வெடிபொருட்கள் மற்றும் செல்போன்கள், மிரட்டல் தொனி போஸ்டர்கள் பறிமுதல் செய்யப்பட்டன.

அவர்கள் மூவரும் லஸ்கர்-இ-தொய்பா மற்றும் தெக்ரிக-அல்-முஜாகிதின் பயங்கரவாத அமைப்புடன் தொடர்பில் இருந்து அவர்களுக்குத் தேவையான உதவிகளை செய்து வந்ததாக கூறப்படுகிறது. புதிதாக தேர்வு செய்யப்பட்ட பத்காம், ஸ்ரீநகா் மாவட்ட வளர்ச்சி கவுன்சில் உறுப்பினர்களை தாக்கும் நோக்கத்துடன் திட்டம் தீட்டி செயல்பட்டு வந்ததாக பாதுகாப்பு படையினர் தெரிவித்தனர்.