<
இந்தியாவின் பாதுகாப்புக்காக மற்ற நாடுகளைச் சார்ந்து இருக்க முடியாது - மத்திய பாதுகாப்பு அமைச்சர் ராஜ்நாத் சிங்
Image courtesy : Twitter/Rajnath Singh
இந்தியாவின் பாதுகாப்புக்காக மற்ற நாடுகளைச் சார்ந்து இருக்க முடியாது என மத்திய பாதுகாப்பு அமைச்சர் ராஜ்நாத் சிங் கூறினார்
பெங்களூரு
மத்திய பாதுகாப்பு அமைச்சர் ராஜ்நாத் சிங் செவ்வாயன்று பெங்களூரில் இந்துஸ்தான் ஏரோநாட்டிக்ஸ் லிமிடெட் (எச்ஏஎல்) இரண்டாவது எல்சிஏ (லைட் காம்பாட் விமானம்) தயாரிப்பை தொடங்கி வைத்தார்.
விழாவில் பாதுகாப்பு அமைச்சர் ராஜ்நாத் சிங் பேசும் போது கூறியதாவது:-
இந்துஸ்தான் ஏரோநாட்டிக்ஸ் லிமிடெட் புதிய ஆர்டர்களை பெறுவதை உறுதி செய்ய அரசாங்கம் எல்லா முயற்சிகளையும் மேற்கொள்ளும். இந்தியா தனது பாதுகாப்புத் தேவைகளுக்காக மற்ற நாடுகளைச் சார்ந்து இருக்க முடியாது.
கொரோனாதொற்றுநோய் இருந்தபோதிலும், நாம் ரூ .48,000 கோடி ஆர்டரை பெற்றுள்ளோம்.உள்நாட்டு பாதுகாப்பு கொள்முதல் அடிப்படையில் இது மிகப்பெரிய கொள்முதல் ஆகும். இது இந்திய விண்வெளித் துறையை புதிய உயரத்திற்கு கொண்டு செல்லும் .
உள்நாட்டு தேஜஸ் எம் 1 ஏ போர் விமானங்களை வாங்குவதில் பல நாடுகள் ஆர்வம் காட்டுகின்றன. எச்.ஏ.எல் மற்ற நாடுகளிடமிருந்து மிக விரைவில் ஆர்டர்களைப் பெறும்.
தேஜாஸ் போர்விமானம் என்ஜின் திறன், ரேடார் அமைப்பு, காட்சி எல்லைக்கு அப்பால் ஏவுகணை வீச்சு, வானில் இருந்தே எரிபொருள் நிரப்புதல் மற்றும் பராமரிப்பு உள்ளிட்ட பல அம்சங்களில் வெளிநாட்டு போர்விமானங்களை விட சிறந்தது ,ஒப்பீட்டளவில் மலிவானது.
அடுத்த 3-4 ஆண்டுகளில் பாதுகாப்பு உற்பத்தித் துறையில் இந்தியா ரூ .1.75 லட்சம் கோடி இலக்கை எட்டும் என கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
