தேசிய செய்திகள்

காங்கிரசில் இருந்து விலகிய பிசி சாக்கோ தேசியவாத காங்கிரசில் இணைகிறார்...! + "||" + Former Congress leader PC Chako to join NCP today

காங்கிரசில் இருந்து விலகிய பிசி சாக்கோ தேசியவாத காங்கிரசில் இணைகிறார்...!

காங்கிரசில் இருந்து விலகிய பிசி சாக்கோ தேசியவாத காங்கிரசில் இணைகிறார்...!
கேரளவில் காங்கிரஸ் கட்சியில் இருந்து சமீபத்தில் விலகிய பிசி சாக்கோ இன்று தேசியவாத காங்கிரசில் இணைய உள்ளதாக தகவல் வெளியாகியுள்ளது.
புதுடெல்லி,

கேரளாவில் காங்கிரஸ் கட்சியின் மூத்த தலைவர்களில் ஒருவரான பிசி சாக்கோ கடந்த 10-ம் தேதி அக்கட்சியில் இருந்து விலகுவதாக அறிவித்தார். காங்கிரசில் இருந்து விலகியதற்கான ராஜினாமா கடிதத்தை கட்சியின் இடைக்கால தலைவரான சோனியா காந்திக்கு அனுப்பி வைத்தார்.

ஏப்ரல் 6-ம் தேதி கேரளாவில் தேர்தல் நடைபெற உள்ள நிலையில் இந்த சம்பவம் அம்மாநில காங்கிரஸ் கட்சிக்கு பெரும் பின்னடைவாக பார்க்கப்படுகிறது. கட்சியின் உயர்மட்ட தலைவர்களால் கோஷ்டி சண்டை நடக்கிறது. இந்த கோஷ்டி பூசலை மேலிடம் கண்டுகொள்ளாமல் வளர்க்கிறது என்ற குற்றச்சாட்டுகளை முன்வைத்து காங்கிரசில் இருந்து விலகியதாக பிசி சாக்கோ தெரிவித்திருந்தார்.

இந்நிலையில், காங்கிரசில் இருந்து விலகிய பிசி சாக்கோ தேசியவாத காங்கிரசில் இணைய உள்ளதாக தகவல் வெளியாகியுள்ளது. அவர் இன்று புதுடெல்லியில் தேசியவாத காங்கிரஸ் தலைவர் சரத்பவாரை சந்தித்து அக்கட்சியில் இணைய உள்ளார்.

தேசியவாத காங்கிரசில் இணைந்த பின்னர் பிசி சாக்கோ கேரள சட்டசபை தேர்தலில் இடதுசாரிகள் கூட்டணிக்கு ஆதரவாக தேர்தல் பிரசாரத்தில் ஈடுபட உள்ளதாகவும் தகவல் வெளியாகியுள்ளது.

தொடர்புடைய செய்திகள்

1. தோழர் பினராயி விஜயனுக்கு வாழ்த்துக்கள் - திமுக தலைவர் முக ஸ்டாலின் டுவிட்
கேரள சட்டசபை தேர்தலில் இடது ஜனநாயக முன்னணி பெரும்பான்மையுடன் வெற்றிபெற்றுள்ளது.
2. கேரளாவில் சட்டசபை தேர்தல்; முதல் மந்திரி பினராயி விஜயன் கண்ணூரில் பிரசாரம்
கேரளாவில் சட்டசபை தேர்தலையொட்டி முதல் மந்திரி பினராயி விஜயன் கண்ணூரில் பிரசாரம் மேற்கொண்டார்.
3. கேரள சட்டசபை தேர்தல்: அதிருப்தியாளர்களால் 2 கூட்டணியிலும் கவலை
கேரள சட்டசபை தேர்தலில், வேட்பாளர்களுக்கு எதிராக அதிருப்தியாளர்கள் போர்க்கொடி தூக்குவதால் தலைவர்கள் கவலை அடைந்துள்ளனர்.