கர்நாடகத்தில் 39 ஆயிரம் கொரோனா நோயாளிகள் சிகிச்சையில் உள்ளனர்

பெங்களூரு: கர்நாடகத்தில் கொரோனா நோயாளிகள் 39 ஆயிரம் பேர் சிகிச்சையில் உள்ளதாக சுகாதாரத்துறை கூறியுள்ளது.

கர்நாடகத்தில் நேற்றைய கொரோனா பாதிப்பு குறித்து சுகாதாரத்துறை வெளியிட்டு உள்ள செய்திக்குறிப்பில் கூறப்பட்டு இருந்ததாவது:-

மாநிலத்தில் நேற்று ஒரு லட்சத்து 19 ஆயிரத்து 881 பேருக்கு கொரோனா பரிசோதனை நடத்தப்பட்டது. இதில் 4,553 பேருக்கு புதிதாக வைரஸ் தொற்று கண்டறியப்பட்டு உள்ளது. இதன்மூலம் கொரோனா பாதித்தோர் எண்ணிக்கை 10 லட்சத்து 15 ஆயிரத்து 155 ஆக உயர்ந்து உள்ளது. 

ஒட்டுமொத்தமாக 2 கோடியே 18 லட்சத்து 89 ஆயிரத்து 602 பேருக்கு கொரோனா பரிசோதனை நடந்து உள்ளது. வைரஸ் தொற்றுக்கு மேலும் 15 பேர் இறந்துள்ளனர். இதனால் சாவு எண்ணிக்கை 12 ஆயிரத்து 625 ஆக அதிகரித்து உள்ளது. 331 பேர் தீவிர சிகிச்சை பிரிவில் அனுமதிக்கப்பட்டு உள்ளனர்.

2,060 பேர் நேற்று குணம் அடைந்து வீடு திரும்பினர். இதுவரை 9 லட்சத்து 63 ஆயிரத்து 419 பேர் டிஸ்சார்ஜ் செய்யப்பட்டு உள்ளனர். 39 ஆயிரத்து 92 பேர் சிகிச்சையில் உள்ளனர். புதிதாக பாகல்கோட்டையில் 20 பேர், பல்லாரியில் 93 பேர், பெலகாவியில் 52 பேர், பெங்களூரு புறநகரில் 155 பேர், பெங்களூரு நகரில் 2,787 பேர், பீதரில் 147 பேர், சாம்ராஜ்நகரில் 15 பேர், சிக்பள்ளாப்பூரில் 10 பேர், சிக்கமகளூருவில் 17 பேர், சித்ரதுர்காவில் 29 பேர், தட்சிண கன்னடாவில் 83 பேர், தாவணகெரேவில் 23 பேர், தார்வாரில் 100 பேர், கதக்கில் 18 பேர், ஹாசனில் 104 பேர், ஹாவேரியில் 7 பேர், கலபுரகியில் 170 பேர், குடகில் 14 பேர், கோலாரில் 20 பேர், கொப்பலில் 10 பேர், மண்டியாவில் 79 பேர், மைசூருவில் 260 பேர், ராய்ச்சூரில் 23 பேர், ராமநகரில் 18 பேர், சிவமொக்காவில் 36 பேர், துமகூருவில் 107 பேர், உடுப்பியில் 73 பேர், உத்தர கன்னடாவில் 49 பேர், விஜயாப்புராவில் 16 பேர், யாதகிரியில் 18 பேர் கொரோனாவுக்கு பாதிக்கப்பட்டு உள்ளனர்.

பெங்களூரு நகரில் 8 பேர், கலபுரகியில் 3 பேர், தார்வாரில் 2 பேர், ஹாசன், துமகூருவில் தலா ஒருவர் என 15 பேர் இறந்தனர். 25 மாவட்டங்களில் உயிரிழப்பு எதுவும் இல்லை.

இவ்வாறு சுகாதாரத்துறை தெரிவித்து உள்ளது.