தேசிய செய்திகள்

தடுப்பூசி சப்ளைக்கு அழுத்தம் அதிகம் உள்ளது - ஆதார் பூனவல்லா + "||" + Very Stressed To Put It Frankly Adar Poonawalla On Vaccine Supply

தடுப்பூசி சப்ளைக்கு அழுத்தம் அதிகம் உள்ளது - ஆதார் பூனவல்லா

தடுப்பூசி சப்ளைக்கு அழுத்தம் அதிகம்  உள்ளது - ஆதார் பூனவல்லா
வெளிப்படையாகச் சொல்வதானால் தடுப்பூசி சப்ளைக்கு அழுத்தம் அதிகம் உள்ளது என சீரம் இன்ஸ்டிடியூட் ஆப் இந்தியா தலைமை நிர்வாக அதிகாரி கூறி உள்ளார்.
புதுடெல்லி

மத்திய சுகாதாரத்துறை வெளியிட்டுள்ள அறிக்கையில், நாடு முழுவதும் கடந்த 24 மணி நேரத்தில் புதிதாக 1 லட்சத்து 15 ஆயிரத்து 736 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. கொரோனா பாதிப்பால் ஒரே நாளில் 630- பேர் உயிரிழந்துள்ளனர்.

இதுவரை நாடு முழுவதும் கொரோனா வைரஸ் தாக்குதலுக்கு ஆளானோர் எண்ணிக்கை 1 கோடியே 28 லட்சத்து 01 ஆயிரத்து 785 ஆக அதிகரித்துள்ளது. கொரோனாவில் இருந்து இதுவரை குணமடைந்தவர்கள் எண்ணிக்கை 1 கோடியே 17 லட்சத்து 92 ஆயிரத்து 135 ஆக உள்ளது. தொற்று பாதிப்புடன் 8 லட்சத்து 43 ஆயிரத்து 473- பேர் நாடு முழுவதும் சிகிச்சை பெற்று வருகின்றனர்.  

கொரோனாவுக்கு இதுவரை பலியானவர்கள் எண்ணிக்கை 1 லட்சத்து 66 ஆயிரத்து 177- ஆக உள்ளது. நாட்டில் இதுவரை கொரோனா தடுப்பூசி செலுத்திக்கொண்டவர்கள் எண்ணிக்கை 8 கோடியே 70 லட்சத்து 77 ஆயிரத்து 474- ஆக உயர்ந்துள்ளது. 

இருப்பினும், ஒவ்வொரு நாளும் புதிய தொற்று பாதிப்புகள்  அதிக அளவில் பதிவாகி வருகிறது. இதனால் தடுப்பூசி போடுவதை இன்னும் வேகப்படுத்த வேண்டும்.

கொரோனா தொற்றுக்கு எதிராக இந்தியாவில் பல தடுப்பூசிகளை அறிமுகப்படுத்துவது தடுப்பூசியை இயக்கத்தை  விரைவுபடுத்த உதவும். 

ஜனவரி 16 ஆம் தேதி முதல் இந்தியா 8.7 கோடி தடுப்பூசிகளை வழங்கியுள்ளது. இந்த வேகம் அமெரிக்காவிற்கு அடுத்தபடியாக இரண்டாவது இடத்தில் உள்ளது - 79 நாட்களில் 7.9 கோடி தடுப்பூசி போடப்பட்டுள்ளது (ஏப்ரல் 4 ஆம் தேதி வரை) 112 நாட்களில் 16.5 கோடி ஒப்பிடும்போது.

டெல்லி, மராட்டிய மாநிலம் மற்றும் பஞ்சாப் முதல்வர்கள் மற்றும் இந்திய மருத்துவ சங்கம் அனைவரும் பிரதமர் நரேந்திர மோடியிடம் அதிகமானவர்களுக்கு தடுப்பூசி போட அனுமதிக்குமாறு கேட்டுக் கொண்டுள்ளனர்.

தற்போது, ​​45 வயதிற்கு மேற்பட்டவர்கள், மற்றும் சுகாதார மற்றும் முன்னணி ஊழியர்கள் மட்டுமே தடுப்பூசி பெற தகுதியுடையவர்களாக இருக்கிறார்கள். 18 வயது மேற்பட்டவர்களுக்கு தடுப்பூசி போடவேண்டும் என இந்திய மருத்துவ கவுன்சில் பிரதமர் மோடிக்கு கோரிக்கை வைத்து கடிதம் எழுதி உள்ளது.

சீரம் இன்ஸ்டிடியூட் ஆப் இந்தியா தலைமை நிர்வாக அதிகாரி ஆதார் பூனவல்லா கூறியதாவது:

இந்தியாவில் நிர்வகிக்கப்படும் இரண்டு கொரோனா தடுப்பூசிகளில் ஒன்றான கோவிஷீல்ட்டை சப்ளை  மிகவும் அழுத்தமாக உள்ளது, இதை வெளிப்படையாகச் சொல்ல வேண்டும்

தற்போது மாதத்திற்கு 6 கோடி முதல் 6.5 கோடி  டோஸ் வரை  சீரம் இன்ஸ்டிடியூட் ஆப் இந்தியா உற்பத்தி செய்து வருகிறது.  இதுவரை சுமார் 10 கோடி  டோஸை மத்திய அரசிற்கு  வழங்கியுள்ளது மற்றும் 6 கோடி டோஸ் ஏற்றுமதி செய்ய்யப்பட்டு உள்ளது. 

உலகிற்கு இந்த தடுப்பூசி தேவை ... இந்தியாவின் தேவைகளுக்கு நாங்கள் முன்னுரிமை அளிக்கிறோம். ஆனால் தேவைப்படும் ஒவ்வொரு இந்தியருக்கும் வழங்குவது  குறைவாகவே உள்ளது.

சீரம் இன்ஸ்டிடியூட் ஆப் இந்தியா  நிறுவனத்திற்கு ரூ. 3,000 கோடி தேவை. நாங்கள் இந்தியாவில் சுமார் தடுப்பூசி மருந்தை டோஸ்   ரூ. 150-160 க்கு  வழங்குகிறோம். சராசரி விலை சுமார் 20 டாலர்  (இந்திய மந்திப்பில் ரூ. 1,500)  மத்திய அரசின் கோரிக்கையின் காரணமாக, நாங்கள் மானிய விலையில் தடுப்பூசியை வழங்குகிறோம் ... நாங்கள் லாபம் ஈட்டவில்லை என்பது அல்ல ... ஆனால் நாங்கள் அதிக லாபம் ஈட்டவில்லை, இது மறு முதலீட்டிற்கு முக்கியமாகும்.

சீரம் இன்ஸ்டிடியூட் ஆப் இந்தியா அதன் திறனை - மாதத்திற்கு சுமார் 10 கோடி  அளவுகளாக உயர்த்த முடியுமென்றாலும் - தேவைகளை பூர்த்தி செய்வதற்காக இந்தியாவுக்கு மற்ற உற்பத்தியாளர்களும் தேவைப்படுகிறார்கள்.

கடந்த மாதம் மத்திய அரசு கோவிஷீல்ட் ஏற்றுமதிகளை இடைநிறுத்துவதாகக் கூறியது - மேலும் இந்தியாவுடனான 'முதல் உரிமைகோரல்' ஒப்பந்தம் குறித்து  வெளிநாட்டில் விளக்குவது கடினம், அங்கு இது ஒரு டோஸுக்கு கணிசமாக அதிக விலைக்கு விற்கப்படுகிறது.

தடுப்பூசிகளை ஏற்றுமதி செய்வதற்கு எந்தவிதமான தடையும் இல்லை என்று கடந்த வாரம் மத்திய அரசு கூறியது.

இந்தியாவில் பயன்படுத்த  எப்போது வேண்டுமானாலும் அனுமதி கிடைக்கும் என்று எதிர்பார்க்கப்படும் ரஷியாவின் ஸ்பூட்னிக்-வி தயாரிப்பதில் நாங்கள் ஈடுபட்டு உள்ளோம்.

கோடஜெனிக்ஸ் விரைவில் சோதனைகளில் நுழையும்."கோடஜெனிக்ஸ் ஒரு ஒற்றை அளவிலான நாசி தடுப்பூசியாக இருக்கப் போகிறது, இது ஒரு சாத்தியமான கேம் சேஞ்சராக இருக்கும். ஆனால் இதனை உருவாக்க நேரம் எடுக்கும்.

இந்த நாசி தடுப்பு மருந்து நிர்வகிக்க  மிகவும் வசதியானது என்று நாங்கள் நம்புகிறோம், மேலும் நீங்கள் தொற்றுநோயால் பாதிக்கப்படுவதையும் இது குறைக்கிறது என கூறினார்.

தொடர்புடைய செய்திகள்

1. கட்டுக்கடங்காமல் பரவும் கொரோனா: தமிழகத்தில் இரவு ஊரடங்கு-வார இறுதி நாட்களில் முழு ஊரடங்கு கொண்டுவரப்படுமா?
தலைமை செயலாளர் ராஜீவ் ரஞ்சன் தலைமையில் நடைபெற்ற கூட்டத்தில் வார இறுதி நாட்களில் ஊரடங்கு, இரவு நேரத்தில் ஊரடங்கு கொண்டுவருவது குறித்து ஆலோசிக்கப்பட்டது.
2. தினமும் உடற்பயிற்சி செய்பவர்கள் கொரோனாவின் தீவிர பாதிப்புக்கு உள்ளாவதில்லை- ஆய்வில் தகவல்
தினமும் உடற்பயிற்சி செய்பவர்கள் கொரோனாவின் தீவிர பாதிப்புக்கு உள்ளாவதில்லை என ஆய்வில் தெரியவந்து உள்ளது.
3. தமிழகத்தில் கொரோனா பாதிப்பு கையை மீறி செல்லவில்லை - சுகாதாரத் துறைச் செயலாளர் ராதாகிருஷ்ணன்
தலைமை நீதிபதியுடன் சுகாதாரத் துறைச் செயலாளர் ராதாகிருஷ்ணன் சந்தித்து பேசினார். நாளை முக்கிய முடிவுகள் எடுக்கப்படும் என கூறியதாக பேட்டி அளித்தார்.
4. தமிழகத்திற்கு கூடுதலாக கொரோனா தடுப்பூசிகள் தேவை - மத்திய அரசுக்கு தமிழக அரசு கடிதம்
தமிழகத்திற்கு கூடுதலாக கொரோனா தடுப்பூசிகள் தேவை - மத்திய அரசுக்கு தமிழக அரசு கோரிக்கை வைத்து உள்ளது.
5. மும்பை-டெல்லியில் நட்சத்திர ஓட்டல்கள் கொரோனா சிகிச்சை மையங்களாக மாற்றம்
மும்பை-டெல்லியில் தொடர்ந்து அதிகரித்து வரும் கொரோனா வைரஸ் பரவலையடுத்து, அங்குள்ள 2 நட்சத்திர ஓட்டல்களை கொரோனா வைரஸ் சிகிச்சையளிக்கும் மையங்களாக மும்பை மாநகராட்சி மாற்றியுள்ளது.