புதுடெல்லி,

நாடு முழுவதும் கொரோனா வைரசின் 2-வது அலை வேகமாக பரவி வருகிறது. தலைநகர் டெல்லியும் கொரோனாவின் கோரப்பிடியில் சிக்கி தவித்து வருகிறது. கொரோனா வைரஸ் தொற்று பரவலைக் கட்டுப்படுத்த டெல்லியில்  வரும் திங்கள் கிழமை வரை 6 நாட்கள் பொது முடக்கம் அமல்படுத்தப்பட்டுள்ளது. 

டெல்லியில் கடந்த 24 மணி நேரத்தில் 23,686- பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனாவில் இருந்து 21,500- பேர் இன்று குணம் அடைந்துள்ளனர். 

கொரோனா பாதிப்பால் இன்று 240- பேர் உயிரிழந்துள்ளனர்.  டெல்லியில்  கொரோனா தொற்றுடன் 76 ஆயிரம் பேர் சிகிச்சை பெற்று வருகின்றனர். கொரோனா பாதிப்பால்  இதுவரை ஏற்பட்ட உயிரிழப்புகளின் எண்ணிக்கை 12,361- ஆக உள்ளது.