<
திருப்பதி ஏழுமலையான் கோவிலில் ராமநவமியை முன்னிட்டு நாளை திருமஞ்சனம்
ராமநவமியை முன்னிட்டு திருப்பதி ஏழுமலையான் கோவிலில் நாளை திருமஞ்சனம் நடைபெற உள்ளது.
திருமலை,
திருமலை-திருப்பதி தேவஸ்தானம் விடுத்துள்ள செய்திக்குறிப்பில் கூறியிருப்பதாவது:-
திருப்பதி ஏழுமலையான் கோவிலில் நாளை (புதன்கிழமை) ராமநவமி விழா நடக்கிறது. அதையொட்டி நாளை காலை 9 மணியில் இருந்து பகல் 11 மணிவரை உற்சவர்களான சீதா, ராமர், லட்சுமணர், ஆஞ்சநேயருக்கு மஞ்சள், குங்குமம், சந்தனம், பால், தயிர், தேன், இளநீர் ஆகிய சுகந்த திரவியங்களால் ஸ்நாபன திருமஞ்சனம் செய்யப்படுகிறது.
அதைத்தொடர்ந்து இரவு 7 மணியில் இருந்து இரவு 9 மணி வரை அனுமன் வாகனத்தில் உற்சவர் மலையப்பசாமி எழுந்தருளி கோவில் வளாகத்தில் உலா வந்து அருள் பாலிக்கிறார். இரவு 10 மணியில் இருந்து இரவு 11 மணி வரை பங்காருவாகிலியில் ஆஸ்தானம், 22-ந்தேதி ராமர் பட்டாபிஷேக விழா நடக்கிறது.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
