தேசிய செய்திகள்

உலக அளவில் மிக விரைவாக கொரோனா தடுப்பூசிகளை போட்ட நாடு இந்தியா + "||" + India is the fastest growing country in the world to be vaccinated against corona

உலக அளவில் மிக விரைவாக கொரோனா தடுப்பூசிகளை போட்ட நாடு இந்தியா

உலக அளவில் மிக விரைவாக கொரோனா தடுப்பூசிகளை போட்ட நாடு இந்தியா
இந்தியாவில் 99 நாட்களில் 14 கோடி கொரோனா தடுப்பூசி டோஸ்கள் போடப்பட்டு உள்ளன என மத்திய அரசு தெரிவித்து உள்ளது.
புதுடெல்லி,

நாட்டில் தொடர்ந்து 3வது நாளாக 3 லட்சத்துக்கும் அதிகமானோருக்கு தொற்று பாதிப்பு பதிவானது.  ஒரே நாளில் 3 லட்சத்து 46 ஆயிரத்து 786 பேருக்கு கொரோனா உறுதியானது. கொரோனா பாதிப்பால் ஒரே நாளில் 2,264 பேர் உயிரிழந்துள்ளனர்.

கொரோனா பாதிப்புகளை தடுக்க நாட்டில் தடுப்பூசிகள் போடப்பட்டு வருகின்றன.  இந்நிலையில், மத்திய சுகாதார அமைச்சகம் வெளியிட்டுள்ள செய்தியில், ஏப்ரல் 24ந்தேதியன்று இரவு 8 மணி வரையில் 24 லட்சத்திற்கும் கூடுதலான கொரோனா தடுப்பூசிகள் போடப்பட்டு உள்ளன.

இதனால், நாட்டில் மொத்தம் 14 கோடியே 8 லட்சத்து 2 ஆயிரத்து 794 டோஸ் கொரோனா தடுப்பூசிகள் போடப்பட்டு உள்ளன.  இந்தியாவில் 99 நாட்களில் 14 கோடிக்கும் கூடுதலான கொரோனா தடுப்பூசி டோஸ்கள் போடப்பட்டு உள்ளன என தெரிவித்து உள்ளது.

அவர்களில், சுகாதார பணியாளர்களில் 92,89,621 பேர் முதல் டோசும், 59,94,401 பேர் 2வது டோசும் எடுத்து கொண்டுள்ளனர்.  முன்கள பணியாளர்களில் 1,19,42,233 பேர் முதல் டோசும், 62,77,797 பேர் 2வது டோசும் எடுத்து கொண்டுள்ளனர்.

45 முதல் 60 வயதுக்கு உட்பட்டோரில் 4,76,41,992 பேருக்கு முதல் டோசும், 23,22,480 பேருக்கு 2வது டோசும் போடப்பட்டு உள்ளன.  60 வயதுக்கு மேற்பட்டோரில் 4,96,32,245 பேருக்கு முதல் டோசும், 77,02,025 பேருக்கு 2வது டோசும் போடப்பட்டு உள்ளன என தெரிவித்து உள்ளது.

நாட்டில் கொரோனாவுக்கு உயிரிழந்தோரின் விகிதம் சரிந்து 1.14 சதவீதம் என்ற அளவில் உள்ளது என்றும் மத்திய சுகாதார அமைச்சகம் இன்று தெரிவித்து உள்ளது.




தொடர்புடைய செய்திகள்

1. டெல்லியில் இடியுடன் கூடிய மழை; இந்திய வானிலை ஆய்வு மையம்
டெல்லி மற்றும் அதனை சுற்றியுள்ள பகுதிகளில் இடியுடன் கூடிய லேசானது முதல் மித அளவிலான மழை பெய்ய கூடும் என இந்திய வானிலை ஆய்வு மையம் தெரிவித்து உள்ளது.
2. அசாமில் படகு விபத்தில் 3 பேர் பலி; 89 பேர் மீட்பு
அசாமில் படகு விபத்தில் 3 பேர் கொல்லப்பட்டனர். 89 பேர் மீட்கப்பட்டு உள்ளனர்.
3. டெல்லியில் 46 ஆண்டுகளில் இல்லாத வகையில் அதிக அளவு மழை பொழிவு
டெல்லியில் 46 ஆண்டுகளில் இல்லாத வகையில் அதிக அளவு மழை பொழிந்துள்ளது.
4. காபூலில் இருந்து 12 மணிநேரத்தில் 4,200 பேர் வெளியேற்றம்: வெள்ளை மாளிகை
ஆப்கானிஸ்தானின் காபூலில் இருந்து 12 மணிநேரத்தில் 4,200 பேர் வெளியேற்றப்பட்டு உள்ளனர் என வெள்ளை மாளிகை தெரிவித்து உள்ளது.
5. டெல்லி, உ.பி.யில் அடுத்த 2 மணிநேரத்திற்கு மழை; இந்திய வானிலை ஆய்வு மையம்
டெல்லி மற்றும் உத்தர பிரதேசத்தில் அடுத்த 2 மணிநேரத்திற்கு மழை பெய்யும் என இந்திய வானிலை ஆய்வு மையம் தெரிவித்து உள்ளது.