தேசிய செய்திகள்

கொரோனாவை கட்டுப்படுத்த நாளை மறுதினம் முதல் ஒடிசாவில் 14 நாட்கள் பொதுமுடக்கம் + "||" + 14-day general freeze in Odisha to control corona

கொரோனாவை கட்டுப்படுத்த நாளை மறுதினம் முதல் ஒடிசாவில் 14 நாட்கள் பொதுமுடக்கம்

கொரோனாவை கட்டுப்படுத்த நாளை மறுதினம் முதல் ஒடிசாவில் 14 நாட்கள் பொதுமுடக்கம்
ஒடிசாவில் கொரோனாவை கட்டுப்படுத்துவதற்காக நாளை மறுதினம் முதல் 14 நாட்கள் பொதுமுடக்கம் அறிவிக்கப்பட்டுள்ளது. வார இறுதி நாட்களில் முழு அடைப்பும் அமலாகிறது.
பொதுமுடக்கம்
ஒடிசா மாநிலத்தில் தொடர்ந்து கொரோனா வைரஸ் பாதிப்பு அதிகரித்து வருகிறது. இதன் காரணமாக அங்கு நவீன் பட்நாயக் தலைமையிலான பிஜூ ஜனதாதளம் அரசு 14 நாட்கள் பொது முடக்கத்தை அமல்படுத்த முடிவு எடுத்துள்ளது.இது குறித்த அறிவிப்பை மாநில அரசு தலைமைச்செயலாளர் சுரேஷ் சந்திர மோகபத்ரா நேற்று வெளியிட்டார்.இந்த பொது முடக்கம் நாளை மறுதினம் (5-ந் தேதி) நடைமுறைக்கு வருகிறது. 19-ந் தேதி காலை 5 மணி வரை தொடர்ந்து அமலில் இருக்கும்.

முழுஅடைப்பு
வார இறுதி நாட்களில் வெள்ளிக்கிழமை தோறும் மாலை 6 மணி முதல் திங்கட்கிழமை காலை 5 மணி வரையில் முழு அடைப்பு இருக்கும்.ஊரடங்கு, முழு அடைப்பு நாட்களில் பொது போக்குவரத்து இருக்காது. வாடகை கார்கள், ஆட்டோ ரிக்‌ஷாக்கள் சேவை இராது.எல்லாவிதமான சமூக, அரசியல், மத, கல்வி, கலாசார நிகழ்ச்சிகள், பொதுமக்கள் கூடுகைகள் ஊரடங்கு நாட்களில் இருக்காது. பொதுமக்கள் அருகில் உள்ள (வீட்டில் இருந்து 500 மீட்டர் தொலைவில்) பலசரக்கு மற்றும் காய்கறி கடைகளுக்கு காலை 6 மணி முதல் மதியம் 12 மணிவரை திங்கட்கிழமை முதல் வெள்ளிக்கிழமை வரை சென்று வாங்கிக்கொள்ளலாம்.

விழா கட்டுப்பாடு
திருமண விழாக்களை உள்ளூர் அதிகாரிகள் அனுமதியுடன், 50 பேருக்கு மிகாமல் இருந்து நடத்திக்கொள்ளலாம். இறுதிச்சடங்கு நிகழ்ச்சிகளில் 20 பேருக்கு மேல் கலந்துகொள்ள அனுமதி இல்லை. 

அனைத்து சினிமா தியேட்டர்கள், மால்கள், உடற்பயிற்சிக்கூடங்கள், பொழுதுபோக்கு பூங்காக்கள், நாடக அரங்குகள், மதுக்கூடங்கள் மூடப்பட்டிருக்கும்.

பரிசோதனைகள் தொடரும்
அதே நேரத்தில் கொரோனா மாதிரிகள் பரிசோதனை தொடரும். தடுப்பூசி போடும் பணியும் தொடர்ந்து நடைபெறும் என அறிவிக்கப்பட்டுள்ளது.

தொடர்புடைய செய்திகள்

1. மேற்கு வங்காளம், உத்தரபிரதேசத்தில் இருந்து வரும் பயணிகளுக்கு கொரோனா பரிசோதனை சான்றிதழ் கட்டாயம்; மராட்டிய அரசு உத்தரவு
மேற்கு வங்காளம், உத்தரபிரதேசத்தில் இருந்து மராட்டியத்துக்கு வரும் பயணிகளுக்கு கொரோனா பரிசோதனை சான்றிதழ் கட்டாயம் என அரசு உத்தரவிட்டுள்ளது.
2. 18-45 வயதுடைய 59 கோடி பேருக்கு செலுத்த 122 கோடி கொரோனா தடுப்பூசிகள் தேவை; சுப்ரீம் கோர்ட்டில் மத்திய அரசு தகவல்
நாட்டில் 18-45 வயதுடைய 59 கோடி பேருக்கு செலுத்த 122 கோடி கொரோனா தடுப்பூசிகள் தேவைப்படுகின்றன என சுப்ரீம் கோர்ட்டில் மத்திய அரசு தெரிவித்துள்ளது.
3. அமெரிக்காவில் 10 கோடி பேருக்கு கொரோனா தடுப்பூசி முழுமையாக போடப்பட்டுள்ளது
உலக அளவில் கொரோனா வைரஸ் பாதிப்பில் அமெரிக்கா தொடர்ந்து முதலிடத்தில் இருந்து வருகிறது.‌ கொரோனா உயிரிழப்பிலும் அமெரிக்கா முதலிடத்தில் இருக்கிறது.
4. திருவள்ளூர் மாவட்டத்தில் தொடர்ந்து அதிகரிப்பு: கொரோனா தொற்றுக்கு ஒரே நாளில் 905 பேர் பாதிப்பு; 7 பேர் உயிரிழந்தனர்
திருவள்ளூர் மாவட்டத்தில் கொரோனா தொடர் அதிகரிப்பால், கொரோனா தொற்றுக்கு நேற்று 905 பேர் பாதிக்கப்பட்டனர்.
5. திருவள்ளூர் நகராட்சி பகுதிகளில் கொரோனா நடமாடும் தடுப்பூசி சிறப்பு முகாம்; நகராட்சி ஆணையர் நேரில் ஆய்வு
திருவள்ளூர் மாவட்டத்தில் நாளுக்கு நாள் கொரோனா தொற்றின் எண்ணிக்கை அதிகரித்து வருகிறது. இதை தொடர்ந்து திருவள்ளூர் மாவட்ட கலெக்டர் பா.பொன்னையா கொரோனா வைரஸ் தடுப்பு நடவடிக்கையாக பல்வேறு கட்ட முயற்சிகளை மேற்கொண்டு வருகிறார்.