தேசிய செய்திகள்

கர்நாடகத்தில் தாலுகா அளவில் கொரோனா சிகிச்சை மையங்கள்; போலீஸ் மந்திரி பசவராஜ் பொம்மை பேட்டி + "||" + Taluka level corona treatment centers in Karnataka; Police Minister Basavaraj toy interview

கர்நாடகத்தில் தாலுகா அளவில் கொரோனா சிகிச்சை மையங்கள்; போலீஸ் மந்திரி பசவராஜ் பொம்மை பேட்டி

கர்நாடகத்தில் தாலுகா அளவில் கொரோனா சிகிச்சை மையங்கள்; போலீஸ் மந்திரி பசவராஜ் பொம்மை பேட்டி
கர்நாடகத்தில் தாலுகா அளவில் கொரோனா சிகிச்சை மையங்கள் அமைக்கப்படும் என்று போலீஸ் மந்திரி பசவராஜ் பொம்மை கூறினார்.

மந்திரி ஆலோசனை

கர்நாடக மாநில உள்துறை மந்திரியும், உடுப்பி மாவட்ட பொறுப்பு மந்திரியுமான பசவராஜ் பொம்மை நேற்று உடுப்பியில் உள்ள மாவட்ட கலெக்டர் அலுவலகத்தில் வைத்து உடுப்பியில் கொரோனா பரவலை தடுப்பது குறித்து அதிகாரிகளுடன் ஆலோசனை நடத்தினார்.

இந்த கூட்டத்தில் மாவட்டத்தை சேர்ந்த மக்கள் பிரதிநிதிகள், கலெக்டர் ஜெகதீஷ், மாவட்ட பஞ்சாயத்து முதன்மை செயல் அதிகாாி நவீன் பட், போலீஸ் சூப்பிரண்டு விஷ்ணுவர்த்தன் உள்ளிட்டோர் கலந்து கொண்டனர். இந்த கூட்டம் முடிந்ததும் மந்திரி பசவராஜ் பொம்மை நிருபர்களுக்கு பேட்டி அளிக்கையில் கூறியதாவது:-

கொரோனா சிகிச்சை மையங்கள்

உடுப்பி மாவட்டத்தில் கொரோனா பரவலை கட்டுப்படுத்த பல்வேறு நடவடிக்கைகளை மாவட்ட நிர்வாகம் எடுத்து வருகிறது. தற்போது உடுப்பியில் 2,596 கொரோனா நோயாளிகள் சிகிச்சை பெற்று வருகின்றனர். இன்னும் 4 நாட்களில் உடுப்பி உள்பட மாநிலம் முழுவதும் தாலுகா அளவில் கொரோனா சிகிச்சை மையம் அமைக்கப்படும்.

இந்த கொரோனா சிகிச்சை மையங்களில் கொேரானா நோயாளிகளுக்கு சிகிச்சை அளிக்கப்படும். இதற்காக அந்த கொரோனா சிகிச்சை மையங்களில் டாக்டர்கள், செவிலியர்கள் நியமிக்கப்பட உள்ளனர். மேலும் உடுப்பி மணிப்பால் மருத்துவமனையில் கூடுதலாக அடிப்படை வசதிகள் மேற்கொள்ள நடவடிக்கை எடுக்கப்படுகிறது. ஆஸ்பத்திரிகளில், கொரோனா நோயாளிகள் நிரம்பி வழிவதால் லேசான தொற்று அறிகுறி உள்ளவர்கள் வீட்டிலேயே தங்களை தனிமைப்படுத்தி கொண்டு சிகிச்சை பெற வேண்டும். அவ்வாறு வீட்டில் தங்களை தனிமைப்படுத்தி சிகிச்சை பெறுபவர்களை, அந்த பகுதி சுகாதாரத்துறை அதிகாரிகள் நாள்தோறும் 2 முறை அவர்களது வீடுகளுக்கு சென்று தேவையான சிகிச்சை, மருந்து, மாத்திரைகளை வழங்குவார்கள்.

இவ்வாறு அவர் கூறினார்.


தொடர்புடைய செய்திகள்

1. கொரோனாவை கட்டுப்படுத்த நாளை மறுதினம் முதல் ஒடிசாவில் 14 நாட்கள் பொதுமுடக்கம்
ஒடிசாவில் கொரோனாவை கட்டுப்படுத்துவதற்காக நாளை மறுதினம் முதல் 14 நாட்கள் பொதுமுடக்கம் அறிவிக்கப்பட்டுள்ளது. வார இறுதி நாட்களில் முழு அடைப்பும் அமலாகிறது.
2. மேற்கு வங்காளம், உத்தரபிரதேசத்தில் இருந்து வரும் பயணிகளுக்கு கொரோனா பரிசோதனை சான்றிதழ் கட்டாயம்; மராட்டிய அரசு உத்தரவு
மேற்கு வங்காளம், உத்தரபிரதேசத்தில் இருந்து மராட்டியத்துக்கு வரும் பயணிகளுக்கு கொரோனா பரிசோதனை சான்றிதழ் கட்டாயம் என அரசு உத்தரவிட்டுள்ளது.
3. 18-45 வயதுடைய 59 கோடி பேருக்கு செலுத்த 122 கோடி கொரோனா தடுப்பூசிகள் தேவை; சுப்ரீம் கோர்ட்டில் மத்திய அரசு தகவல்
நாட்டில் 18-45 வயதுடைய 59 கோடி பேருக்கு செலுத்த 122 கோடி கொரோனா தடுப்பூசிகள் தேவைப்படுகின்றன என சுப்ரீம் கோர்ட்டில் மத்திய அரசு தெரிவித்துள்ளது.
4. அமெரிக்காவில் 10 கோடி பேருக்கு கொரோனா தடுப்பூசி முழுமையாக போடப்பட்டுள்ளது
உலக அளவில் கொரோனா வைரஸ் பாதிப்பில் அமெரிக்கா தொடர்ந்து முதலிடத்தில் இருந்து வருகிறது.‌ கொரோனா உயிரிழப்பிலும் அமெரிக்கா முதலிடத்தில் இருக்கிறது.
5. திருவள்ளூர் மாவட்டத்தில் தொடர்ந்து அதிகரிப்பு: கொரோனா தொற்றுக்கு ஒரே நாளில் 905 பேர் பாதிப்பு; 7 பேர் உயிரிழந்தனர்
திருவள்ளூர் மாவட்டத்தில் கொரோனா தொடர் அதிகரிப்பால், கொரோனா தொற்றுக்கு நேற்று 905 பேர் பாதிக்கப்பட்டனர்.