<
மராட்டியத்தில் 3 மாதங்களில் இல்லாத அளவுக்கு கொரோனா பாதிப்பு குறைந்தது
மராட்டியத்தில் கொரோனா தொற்று பாதிப்பு விகிதம் 16.39 சதவிகிதமாக உள்ளது.
மும்பை,
மராட்டியத்தில் தினந்தோறும் 60 ஆயிரத்திற்கும் மேற்பட்டவர்கள் கொரோனா தொற்றால் பாதிக்கப்பட்டனர். இதையடுத்து நோய் பரவலை கட்டுப்படுத்த கடந்த 14-ந் தேதி முதல் மாநிலம் முழுவதும் ஊரடங்கு போன்ற கடும் கட்டுப்பாடுகள் அமலில் உள்ளது. இந்தநிலையில் மே மாதம் மாநிலத்தில் கொரோனா பாதிப்பு குறைய தொடங்கியது.
கடந்த 24 மணி நேரத்தில் 15,077- பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனா தொற்று பாதிப்பால் 184 பேர் ஒரே நாளில் உயிரிழந்துள்ளனர். தொற்று பாதிப்பில் இருந்து 33 ஆயிரம் பேர் குணம் அடைந்துள்ளனர். மாநிலத்தில் தொற்று பாதிப்புடன் சிகிச்சையில் உள்ளவர்கள் எண்ணிக்கை 2,53,367- ஆக சரிந்துள்ளது.
மராட்டியத்தில் கடந்த 3 மாதங்களில் இல்லாத அளவுக்கு தொற்று பாதிப்பு இன்று குறைவாக பதிவாகியுள்ளது. தொற்று பாதிப்பு விகிதம் 16.39- சதவிகிதமாக உள்ளது. உயிரிழப்பு விகிதம் 1.66-சதவிகிதமாக இருக்கிறது. கொரோனாவில் இருந்து குணம் அடைவோர் விகிதம் 93 சதவிகிதமாக உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
