தேசிய செய்திகள்

புனேவில் தனியார் ரசாயன ஆலையில் தீ விபத்து: 15 பெண்கள் உள்பட 18 பேர் உயிரிழப்பு + "||" + Pune: 18 dead in fire at chemical firm, rescuers search for missing staff

புனேவில் தனியார் ரசாயன ஆலையில் தீ விபத்து: 15 பெண்கள் உள்பட 18 பேர் உயிரிழப்பு

புனேவில் தனியார் ரசாயன ஆலையில் தீ விபத்து:  15 பெண்கள் உள்பட 18 பேர் உயிரிழப்பு
புனேவில் உள்ள தனியார் ரசாயன ஆலையில் ஏற்பட்ட தீ விபத்தில் 15 பெண்கள் உள்பட 18 பேர் உயிரிழந்து உள்ளனர்.
புனே

மராட்டிய  மாநிலம் புனே அருகில் உள்ள பிரன்கட் பகுதியில் எஸ்.வி.எஸ். அக்வா டெக்னாலஜிஸ் என்ற கெமிக்கல் கம்பெனி செயல்பட்டு வருகிறது. இக்கம்பெனியில் குளோரின் டை ஆக்சைடு தயாரிக்கப்படுகிறது. இது தண்ணீரை சுத்தப்படுத்த பயன்படுகிறது. இக்கம்பெனியில் அதிக அளவில் பெண்கள் வேலை செய்து வந்தனர். இந்நிலையில், கம்பெனியில் நேற்று பிற்பகல் திடீரென  ஒரு மெஷின்  வெடித்து தீப்பிடித்துக்கொண்டது. இதில் ஊழியர்கள் அனைவரும் தீயில் சிக்கிக்கொண்டனர். தீ விபத்து குறித்து கேள்விப்பட்டதும் தீயணைப்பு துறையினர் விரைந்து வந்தனர்.

 தீயணைப்பு துறையினர் உள்ளே சென்று உள்ளே சிக்கியவர்களை மீட்க முயன்றனர். ஆனால் அதற்குள் தீ முழுவதுமாக அனைத்து பகுதிக்கும் பரவிவிட்டது. 7 தீயணைப்பு வாகனங்கள் தீயை அணைக்கும்  போராட்டத்தில் ஈடுபட்டனர். தீ அணைக்கப்பட்ட போதும் உள்ளே சிக்கிக்கொண்டவர்களை தேடியதில் 18 பேரின் உடல்கள் எரிந்த நிலையில் அடையாளமே காண முடியாத நிலையில் மீட்கப்பட்டது. அதில் 15 பேர் பெண்கள் . அவர்களது உடல்கள் மருத்துவமனைக்கு அனுப்பி வைக்கப்பட்டது. 

சம்பவ இடத்தை மாவட்ட ஆட்சி தலைவர் ராஜேஷ் தேஷ்முக் நேரில் பார்வையிட்டு ஆய்வு செய்தார். ஒருவர் மட்டும் காயத்துடன் தப்பினார். அவரை மருத்துவமனையில் சேர்த்துள்ளனர். 

சம்பவம் குறித்து விசாரணைக்கு உத்தரவிட்ட துணை முதல்வர் அஜித் பவார், உயிரிழந்தவர்கள் குடும்பத்திற்கு தலா 5 லட்சம் ரூபாய் வழங்கப்படும் என்றும் தெரிவித்தார். உள்ளே இருந்த இயந்திரங்கள் அனைத்தும் எரிந்து நாசமாகி விட்டது.

தொடர்புடைய செய்திகள்

1. மராட்டிய மாநில வெள்ளம்: பலி எண்ணிக்கை 164 ஆக உயர்வு ;100 பேர் மாயம்
மராட்டிய முதல் மந்திரி உத்தவ் தாக்கரே சதாரா மாவட்டத்தில் பதான் தாலுகாவில் வெள்ளத்தால் பாதிக்கப்பட்ட பகுதிகளை இன்று பார்வையிடுகிறார்.
2. மராட்டியம்: வெள்ளம் மற்றும் நிலச்சரிவு காரணமாக 140 பேர் பலி ; ஒரு லட்சம் பேர் வெளியேற்றம்
மராட்டிய மாநிலத்தில் வெள்ளம் மற்றும் நிலச்சரிவு தொடர்பான பிற சம்பவங்கள் காரணமாக நேற்று மாலை வரை 76 பேர் பலியாகி உள்ளனர். 59 பேர் மாயமாகி உள்ளனர்
3. மராட்டிய மாநிலத்தில் பலத்த மழை : நிலச்சரிவில் சிக்கி 36 பேர் பலி, 30 பேர் மாயம்
மராட்டிய மாநிலம் ராய்காட் மாவட்டத்தில் ஏற்பட்ட நிலச்சரிவில் சிக்கி 36 பேர் உயிரிழந்துள்ளதாக தெரிவிக்கப்பட்டுள்ளது.
4. மராட்டிய மாநிலம் ராய்காட் மாவட்டத்தில் நிலச்சரிவு; 36 பேர் உயிரிழப்பு
மராட்டிய மாநிலம் ராய்காட் மாவட்டத்தில் நேற்று மூன்று இடங்களில் நிலச்சரிவு ஏற்பட்டது.
5. மும்பையில் பலத்த மழையால் சாலைகளில் வெள்ள பெருக்கு மக்களின் இயல்பு வாழ்க்கை பாதிப்பு
மும்பையில் பலத்த மழையால் சாலைகளில் வெள்ள பெருக்கு பஸ் -ரெயில் போக்குவரத்து பாதிக்கப்பட்டது.மக்களின் இயல்பு வாழ்க்கை பாதிக்கப்பட்டு உள்ளது.