ஆட்டம் ஆரம்பம்... உத்தரப்பிரதேச காங்கிரஸ் மூத்த தலைவர் ஜிதின் பிரசாதா பா.ஜ.கவில் ஐக்கியம்

புதுடெல்லி

உத்தரபிரதேச  சட்டசபை தேர்தல்  விரைவில் நடைபெற உள்ளது. இதற்காக அரசியல் கட்சிகள் தங்களை தயார் படுத்தி வருகின்றன. இந்த நிலையில் உத்தரப்பிரதேச காங்கிரஸ் மூத்த தலைவரான ஜிதின் பிரசாதா பா.ஜ.க.வில் இன்று இணைந்து உள்ளார்.  டெல்லியில் பா.ஜ.க. தலைமை அலுவலகத்தில் மத்திய அமைச்சர் பியூஷ் கோயல் முன்னிலையில் ஜிதின் பிரசாதா பா.ஜ.க வில் இணைந்தார்.  அவருக்கு பியுஷ் கோயல் சால்வை அணிவித்து, பூங்கொத்து கொடுத்தும் வரவேற்றார். பின்னர் பா.ஜ.க தலைவர் ஜே.பி. நட்டாவையும் ஜிதின் பிரசாதா சந்தித்தார். இது காங்கிரஸ் கட்சிக்கு பின்னடைவாக கருதப்படுகிறது.

 கடந்த ஆண்டு ஆகஸ்ட் மாதம் சோனியா காந்திக்கு மூத்த தலைவர்கள் கடிதம் எழுதினர்.குலாம் நபி ஆசாத், ஆனந்த் சர்மா, பூபேந்தர் ஹூடா, பிரிதிவிராஜ் சவான், கபில் சிபல், மணிஷ்திவாரி, முகுல் வாஸ்னிக் உள்ளிட்ட 23 பேர் எழுதிய கடிதம் காங்கிரஸ் கட்சிக்குள் பெரும் பரபரப்பை ஏற்படுத்தியது.  கடிதம் எழுதிய தலைவர்களில் காங்கிரஸ் இளம் தலைவர்களில் ஒருவரான ஜிதின் பிரசாதாவும் (வயது 47) ஒருவர்.

காங்கிரஸ் முன்னாள் துணைத் தலைவரும், முன்னாள் பிரதமர் ராஜீவ் காந்தியின் அரசியல் ஆலோசகராக பணியாற்றியவருமான மறைந்த, ஜிதேந்திர பிரசாத்தின் மகன் ஜிதின் பிரசாதா ஒரு காலத்தில் ராகுல் காந்திக்கு மிகவும் நெருங்கியவராக இருந்தார்.

பா.ஜ.கவில் இணைந்த பிறகு ஜிதின் பிரசாதா நிருபர்களிடம் கூறியதாவது:-