வடகிழக்கு மாநிலங்களில் அடுத்தடுத்து நிலநடுக்கம்- மக்கள் அச்சம்


வடகிழக்கு மாநிலங்களில் அடுத்தடுத்து நிலநடுக்கம்- மக்கள் அச்சம்
x
தினத்தந்தி 18 Jun 2021 3:07 AM GMT (Updated: 2021-06-18T08:47:38+05:30)

வடகிழக்கு மாநிலங்களில் சில மணி நேர இடைவெளிக்குள் அடுத்தடுத்து நிலநடுக்கம் ஏற்பட்டது அங்குள்ள மக்களை அச்சம் அடையச்செய்துள்ளது.

புதுடெல்லி

வடகிழக்கு மாநிலங்களில் சில மணி நேர இடைவெளிக்குள் அடுத்தடுத்து 3 முறை லேசான நிலநடுக்கம் ஏற்பட்டது அங்குள்ள மக்களை அச்சம் அடையச்செய்துள்ளது. 

அசாம் மாநிலத்தின் சோனித்பூர் பகுதியில் இன்று அதிகாலை 2.04 மணிக்கு 4.1 ரிக்டர் அளவில் நிலநடுக்கம் ஏற்பட்டது. இதையடுத்து, சிறிது நேரத்தில் மேகாலயாவின் மேற்கு காஜி பகுதியில் இன்று அதிகாலை 4.20 மணிக்கு 2.6 ரிக்டர் அளவில் நிலநடுக்கம் ஏற்பட்டது என தேசிய புவியியல் மையம் தெரிவித்துள்ளது.  

தொடரந்து மணிப்பூரிலும்  3.0 என்ற அளவில் நிலநடுக்கம் உணரப்பட்டது. வடகிழக்கு மாநிலங்களான அசாம், மேகலாயா, மணிப்பூரில் அடுத்தடுத்து அதிகாலை நேரத்தில் ஏற்பட்ட இந்த நிலநடுக்கங்கள் அங்குள்ள மக்களை பீதியடைச் செய்துள்ளது. சமூக வலைத்தளங்களில் இது தொடர்பான பதிவுகள் ஆக்கிரமித்துள்ளன. 

Next Story