தேசிய செய்திகள்

மும்பையில் மேலும் ஒரு தனியார் நிறுவனத்தில் போலி தடுப்பூசி கும்பல் கைவரிசை + "||" + Fake vaccine gang at another private company in Mumbai

மும்பையில் மேலும் ஒரு தனியார் நிறுவனத்தில் போலி தடுப்பூசி கும்பல் கைவரிசை

மும்பையில் மேலும் ஒரு தனியார் நிறுவனத்தில் போலி தடுப்பூசி கும்பல் கைவரிசை
மும்பை அந்தேரியில் உள்ள ஒரு தனியார் நிறுவனத்தில், போலி தடுப்பூசி கும்பலால் சுமார் 1,000 பேர் ஏமாற்றப்பட்டனர்.
மும்பை,

மும்பை காந்திவிலி பகுதியில் உள்ள ஹிரானந்தானி கட்டிடத்தில் குடியிருப்புவாசிகளுக்கு போலி கொரோனா தடுப்பூசி போடும் முகாம் நடத்தி ஒரு கும்பல் பண மோசடியில் ஈடுபட்டது சமீபத்தில் கண்டறியப்பட்டது. மாநிலம் முழுவதும் பரபரப்பை ஏற்படுத்திய இந்த வழக்கில் டாக்டர்கள் உள்பட 10-க்கும் மேற்பட்டவர்கள் கைது செய்யப்பட்டுள்ளனர். மேலும் இந்த கும்பல் நகரில் 9 இடங்களில் போலி தடுப்பூசி முகாம் நடத்தி மோசடியில் ஈடுபட்டது கண்டறியப்பட்டது.

இந்தநிலையில் இந்த கும்பல் மேலும் ஒரு இடத்தில் கைவரிசை காட்டியிருப்பது தெரியவந்து உள்ளது. அந்தேரியில் உள்ள தனியார் நிறுவன ஊழியர்கள் 1,055 பேருக்கு மோசடி கும்பல் போலி தடுப்பூசி போட்டு உள்ளது. மேலும் இதற்காக அந்த கும்பல் நிறுவனத்திடம் இருந்து ரூ.2.60 லட்சத்தை வாங்கி உள்ளது. ஆனால் தடுப்பூசி போட்டவர்களில் 48 பேருக்கு மட்டுமே அதற்கான சான்றிதழை கொடுத்து உள்ளனர்.

இதுகுறித்து தனியார் நிறுவனம் அளித்த புகாரின் பேரில் அந்தேரி எம்.ஐ.டி.சி. போலீசார் முக்கிய குற்றவாளிகளான மனிஷ் திரிபாதி, அர்விந்த் ஜாதவ், பவான் சிங், அனுராக் உள்ளிட்ட 8 பேர் மீது வழக்குப்பதிவு செய்து உள்ளனர். இதில் டாக்டர் மனிஷ் திரிபாதி உள்ளிட்ட 5 பேர் ஏற்கனவே கைது செய்யப்பட்டு உள்ளனர். போலி கொரோனா தடுப்பூசி முகாம் தொடர்பாக மும்பையில் இதுவரை 10 வழக்குகள் பதிவு செய்யப்பட்டுள்ளது குறிப்பிடத்தக்கது.

தொடர்புடைய செய்திகள்

1. மும்பை அருகே கொள்ளைக்காக நடந்த பயங்கரம்; தனியார் வங்கிக்குள் புகுந்து பெண் மேலாளர் படுகொலை; முன்னாள் மேலாளர் கைது
மும்பை அருகே பிரபல தனியார் வங்கிக்குள் புகுந்து கொள்ளையடித்து விட்டு, உதவி பெண் மேலாளரை கொலை செய்த முன்னாள் மேலாளரை பொதுமக்கள் பிடித்து போலீசில் ஒப்படைத்தனர்.
2. மும்பை சுற்றுப்புற மாவட்டங்களை வெள்ளம் சூழ்ந்தது; ரெயில்கள் நிறுத்தப்பட்டதால் பயணிகள் பரிதவிப்பு
தொடர் மழையால் ஆறுகள் கரைபுரண்டு ஓடுவதால் மும்பை சுற்றுப்புற மாவட்டங்களை வெள்ளம் சூழ்ந்துள்ளது. ரெயில்கள் ஆங்காங்கே நிறுத்தப்பட்டதால் சுமார் 6 ஆயிரம் பயணிகள் நடுவழியில் சிக்கி தவிக்கின்றனர்.
3. மும்பையில் கடற்படை தளத்தை சுற்றி ட்ரோன் பறக்கவிட தடை
மும்பையில் கடற்படை தளத்தை சுற்றி 3 கி.மீ.க்கு ட்ரோன்களை பறக்கவிட தடை விதிக்கப்பட்டுள்ளது.
4. மும்பையில் பலத்த மழை: ரெயில் சேவை பாதிப்பு
மும்பை, தானே மற்றும் சுற்றுப்புற மாவட்டங்களில் 2-வது நாளாக பலத்த மழை பெய்தது.
5. கொட்டித்தீர்த்த கனமழை; மும்பைக்கு குடிநீர் வழங்கும் விகார் ஏரி நிரம்பியது
தொடச்சியாக பெய்த கனமழையால் மும்பைக்கு குடிநீர் வழங்கும் விகார் ஏரி நிரம்பியது.