தேசிய செய்திகள்

பிச்சைக்காரர்களும் நாட்டுக்காக உழைக்க வேண்டும்: மும்பை ஐகோர்ட்டு + "||" + Beggars should also work for country: Bombay High Court

பிச்சைக்காரர்களும் நாட்டுக்காக உழைக்க வேண்டும்: மும்பை ஐகோர்ட்டு

பிச்சைக்காரர்களும் நாட்டுக்காக உழைக்க வேண்டும்: மும்பை ஐகோர்ட்டு
எல்லாவற்றையும் அரசால் இலவசமாக கொடுக்க முடியாது, பிச்சைக்காரர்களும் நாட்டுக்காக உழைக்க வேண்டும் என மும்பை ஐகோர்ட்டு கூறியுள்ளது.
ஐகோர்ட்டில் மனு
பிச்சைக்காரர்கள், வீடு இல்லாதவர்கள் தொடர்பாக மும்பை ஐகோர்ட்டில் பொதுநலன் மனு ஒன்று தாக்கல் செய்யப்பட்டு இருந்தது. அந்த மனுவில், மும்பையில் உள்ள பிச்சைக்காரர்கள், வீடு இல்லாதவர்கள் மற்றும் ஏழை மக்களுக்கு மாநகராட்சி தினந்தோறும் 3 வேளையும் சத்தான உணவு, சுத்தமான தண்ணீர் வழங்க வேண்டும், தங்கும் இடம் கொடுக்க வேண்டும், தூய்மையான 
பொது கழிவறையை ஏற்பாடு செய்ய வேண்டும் என கூறப்பட்டு இருந்தது.

இந்த மனு குறித்து ஐகோர்ட்டில் பதில் அளித்த மாநகராட்சி, தொண்டு நிறுவனங்கள் நகரில் உள்ள மக்களுக்கு உணவு பொட்டலங்கள் வழங்கி வருவதாக கூறியது. மாநகராட்சியின் இந்த தகவலை ஏற்றுக்கொண்ட ஐகோர்ட்டு, இந்த விவகாரத்தில் மேலும் எந்த உத்தரவுகளையும் பிறப்பிக்க தேவையில்லை என கூறியது.

எல்லோரும் உழைக்கிறார்கள்
மேலும் இதுதொடர்பாக தலைமை நீதிபதி திபான்கர் தத்தா மற்றும் நீதிபதி ஜி.எஸ்.குல்கர்னி கூறுகையில், " அவர்களும் (பிச்சைக்காரர்கள், வீடு இல்லாதவர்கள்) கண்டிப்பாக நாட்டுக்காக உழைக்க வேண்டும். எல்லோரும் உழைக்கிறார்கள். எல்லாவற்றையும் மாநில அரசால் வழங்க முடியாது. நீங்கள் (மனுதாரர்) இவர்கள் போன்றவர்களின் எண்ணிக்கையை அதிகரிக்கிறீர்கள்" 
என்றனர். அதே நேரத்தில் வீடு இல்லாதவர்கள் பொது கழிப்பிடங்களை இலவசமாக பயன்படுத்த அனுமதிப்பது குறித்து பரிசீலிக்குமாறு மாநில அரசுக்கு நீதிபதிகள் உத்தரவிட்டனர்.

தொடர்புடைய செய்திகள்

1. அனில்தேஷ்முக் ஊழல் வழக்கு தொடர்பாக சி.பி.ஐ.க்கு என்னென்ன ஆவணங்களை கொடுக்க முடியும்; மாநில அரசுக்கு மும்பை ஐகோர்ட்டு கேள்வி
அனில்தேஷ்முக் ஊழல் வழக்கு தொடர்பாக சி.பி.ஐ.க்கு என்னென்ன ஆவணங்களை கொடுக்க முடியும் என மாநில அரசுக்கு ஐகோர்ட்டு கேள்வி எழுப்பி உள்ளது.
2. ஆக்கிரமிப்பாளர்களுக்கு இலவச வீடு வழங்கும் ஒரே நகரம் மும்பை; மாநகராட்சி மீது மும்பை ஐகோர்ட்டு தாக்கு
ஆக்கிரமிப்பாளர்களுக்கு இலவச வீடு வழங்கும் ஒரே நகரம் மும்பை மாநகராட்சி தான் என மும்பை ஐகோர்ட்டு தெரிவித்துள்ளது.
3. பிரதமர் நிவாரண நிதியில் இருந்து வழங்கப்பட்ட வெண்டிலேட்டர்கள் செயல்படாமல் போனது தீவிர பிரச்சினை; மும்பை ஐகோர்ட்டு கருத்து
பிரதமர் நிவாரண நிதியில் இருந்து வழங்கப்பட்ட வெண்டிலேட்டர்கள் செயல்படாமல் போனது தீவிரமான பிரச்சினை என மும்பை ஐகோர்ட்டு கூறியுள்ளது.
4. அரசியல்வாதிகள், சினிமா பிரபலங்கள் அதிகளவில் ரெம்டெசிவிர் மருந்தை வாங்கி வினியோகிப்பது எப்படி? அரசு பதில் அளிக்க மும்பை ஐகோர்ட்டு உத்தரவு
அரசியல்வாதிகள், சினிமா பிரபலங்கள் எப்படி அதிகளவில் ரெம்டெசிவிரை வாங்கி பொதுமக்களுக்கு வினியோகிக்கின்றனர் என பதில் அளிக்குமாறு மத்திய, மாநில அரசுகளுக்கு மும்பை ஐகோர்ட்டு உத்தரவிட்டுள்ளது.
5. டெலிபோன் ஒட்டுகேட்பு வழக்கு; ராஷ்மி சுக்லாவை கைது செய்ய இடைக்கால தடை; மும்பை ஐகோர்ட்டு உத்தரவு
சட்டவிரோத டெலிபோன் ஒட்டுகேட்பு வழக்கில் ஐ.பி.எஸ். பெண் அதிகாரி ராஷ்மி சுக்லாவை கைது செய்ய இடைக்கால தடை விதித்து மும்பை ஐகோர்ட்டு உத்தரவிட்டது.