தேசிய செய்திகள்

மேற்குவங்காளம்: பாதுகாவலவர் தற்கொலை வழக்கில் சுவேந்து அதிகாரி மீது வழக்குப்பதிவு + "||" + Mystery death of security guard in a shooting 3 years ago, Shuvendu Adhikari under pressure in new FIR

மேற்குவங்காளம்: பாதுகாவலவர் தற்கொலை வழக்கில் சுவேந்து அதிகாரி மீது வழக்குப்பதிவு

மேற்குவங்காளம்: பாதுகாவலவர் தற்கொலை வழக்கில் சுவேந்து அதிகாரி மீது வழக்குப்பதிவு
நந்திகிராம் தொகுதி பாஜக எம்.எல்.ஏ. சுவேந்து அதிகாரி மீது வழக்குப்பதிவு செய்யப்பட்டுள்ளது.
கொல்கத்தா,

மேற்குவங்காள பாஜக தலைவர்களில் சுவேந்து அதிகாரியும் ஒருவர். திரிணாமுல் காங்கிரசில் இருந்து விலகி பாஜகவில் இணைந்த இவர் நடந்து முடிந்த மேற்குவங்காள சட்டசபை தேர்தலில் நந்திகிராம் தொகுதியில் மம்தா பானர்ஜியை தோற்கடித்தார்.

இவர் 2018 ஆம் ஆண்டு திரிணாமுல் காங்கிரஸ் கட்சியில் இருந்த போது அம்மாநிலத்தின் போக்குவரத்து துறை மந்திரியாக பணியாற்றி வந்தார். அப்போது, சுவேந்து அதிகாரியின் பாதுகாவலராக சப்ரதா சக்ரபோத்தி என்பவர் செயல்பட்டு வந்தார்.

இதற்கிடையில், சுவேந்து அதிகாரியின் பாதுகாவலர் சப்ரதா சக்ரபோத்தி கடந்த 2018 அக்டோபர் 13-ம் தேதி தனது வீட்டில் இருந்த போது தற்கொலை செய்துகொண்டார். தான் வைத்திருந்த துப்பாக்கியால் தலையில் சுட்டு தற்கொலை செய்துகொண்டதாக தகவல்கள் வெளியானது. இது குறித்து போலீசார் விசாரணை நடத்தி வருகின்றனர். ஆனாலும், தற்போது வரை இந்த வழக்கில் எந்த முன்னேற்றமும் இல்லை.

இந்நிலையில், தனது கணவரின் உயிரிழப்பில் மர்மம் உள்ளதாகவும், இதில் பாஜக எம்.எல்.ஏ. சுவேந்து அதிகாரிக்கு தொடர்பு உள்ளதாகவும் கூறி அவர் மீது சப்ரதா சக்ரபோத்தியின் மனைவி காவல் நிலையத்தில் சமீபத்தில் புகார் அளித்தார்.

இந்த புகாரையடுத்து, பாதுகாவலர் சப்ரதா சக்ரபோத்தி உயிரிழப்பு சம்பவத்தில் சுவேந்து அதிகாரி மீது போலீசார் இன்று வழக்குப்பதிவு செய்துள்ளனர்.

தொடர்புடைய செய்திகள்

1. சுவேந்து அதிகாரிக்கு சிஐடி போலீஸ் சம்மன்
மேற்கு வங்க எதிர்க்கட்சித் தலைவர் சுவேந்து அதிகாரிக்கு அம்மாநில சிஐடி போலீஸார் சம்மன் அனுப்பியுள்ளனர்.
2. சுவேந்து அதிகாரியை சந்திக்கவில்லை: துஷார் மேத்தா மறுப்பு
மே.வங்க பாஜக தலைவரான சுவேந்து அதிகாரியை, தான் சந்திக்கவில்லை என்று சொலிசிட்டர் ஜெனரல் துஷார் மேத்தா தெரிவித்துள்ளார்.
3. சுவேந்து அதிகாரியை சந்தித்த சொலிசிட்டர் ஜெனரலை பதவி நீக்க வேண்டும்; பிரதமருக்கு திரிணாமுல் எம்.பி.க்கள் கடிதம்
மேற்கு வங்காள எதிர்க்கட்சித் தலைவரும், பா.ஜ.க. எம்.எல்.ஏ.வுமான சுவேந்து அதிகாரி, டெல்லியில் சொலிசிட்டர் ஜெனரல் துஷார் மேத்தாவை சந்தித்ததாக திரிணாமுல் காங்கிரஸ் கட்சி குற்றம்சாட்டியுள்ளது.
4. உள்துறை மந்திரி அமித்ஷாவுடன் சுவேந்து அதிகாரி சந்திப்பு
உள்துறை மந்திரி அமித்ஷாவை மே.வங்காள சட்டமன்ற எதிர்க்கட்சித்தலைவர் சுவேந்து அதிகாரி இன்று சந்தித்துப் பேசினார்.
5. சுவேந்து அதிகாரியின் தந்தை, சகோதரருக்கு ‘ஒய் பிளஸ்’ பாதுகாப்பு - மத்திய அரசு நடவடிக்கை
திரிணாமுல் காங்கிரசில் இருந்து விலகி பா.ஜனதாவில் இணைந்த சுவேந்து அதிகாரியின் தந்தை, சகோதரருக்கு ‘ஒய் பிளஸ்’ பாதுகாப்பு வழங்கி மத்திய அரசு நடவடிக்கை எடுத்துள்ளது.