தேசிய செய்திகள்

மேகதாது திட்டத்தால் தமிழகத்திற்கான காவிரி நீர் குறைக்கப்படாது - கர்நாடக சுகாதாரத்துறை மந்திரி சுதாகர் + "||" + Cauvery water will not be reduced for TN by Megha Dadu project Karnataka Health Minister Sudhakar

மேகதாது திட்டத்தால் தமிழகத்திற்கான காவிரி நீர் குறைக்கப்படாது - கர்நாடக சுகாதாரத்துறை மந்திரி சுதாகர்

மேகதாது திட்டத்தால் தமிழகத்திற்கான காவிரி நீர் குறைக்கப்படாது - கர்நாடக சுகாதாரத்துறை மந்திரி சுதாகர்
மேகதாது திட்டத்தால் தமிழகத்திற்கான காவிரி நீர் குறைக்கப்படாது என கர்நாடக சுகாதாரத்துறை மந்திரி சுதாகர் தெரிவித்துள்ளார்.
சிக்பள்ளாப்பூா்,

கர்நாடக அரசு மேகதாது அணை கட்டுவதற்கான நடவடடிக்கைகளை மேற்கொண்டு வருகிறது. இதற்கு தமிழக அரசு தொடர்ந்து எதிர்ப்பு தெரிவித்து வருகிறது. இந்த நிலையில் கர்நாடக சுகாதாரத்துறை மந்திரி சுதாகர் சிக்பள்ளாப்பூரில் நேற்று நிருபர்களுக்கு பேட்டி அளிக்கையில் கூறியதாவது;-

“தமிழ்நாட்டிற்கு காவிரி நீர் வழங்குவதில் எந்த பிரச்சினையும் இல்லை. ஆண்டுதோறும் நடுவர் மன்ற தீர்ப்பின்படி தமிழ்நாட்டிற்கு காவிரி நீர் திறக்கப்படுகிறது. மழை அதிகமாக பெய்யும் நேரத்தில் கூடுதலாகவும் தண்ணீர் திறந்து விடப்படுகிறது. மேகதாது திட்டத்தால் தமிழகத்திற்கு வழங்கப்படும் காவிரி நீர் குறைக்கப்படாது.

பெங்களூரு, ராமநகர், சிக்பள்ளாப்பூர் ஆகிய மாவட்டங்களுக்கு குடிநீர் கொடுப்பதால் தமிழகத்திற்கு எந்த சிக்கலும் கிடையாது. தமிழ்நாட்டின் முடிவுக்கு கண்டனம் தெரிவிக்கிறேன். தமிழ்நாடு அரசின் நடவடிக்கையால் இரு மாநிலங்களுக்கும் இடையேயான நல்லுறவு பாதிக்கப்படுகிறது. முதல்-அமைச்சர் மு.க.ஸ்டாலின் சகோதரத்துவ உணர்வுடன் இந்த பிரச்சினையை அணுக வேண்டும். இரு மாநிலங்களும் ஒரே நாட்டில் தான் உள்ளன. அந்த மனப்பான்மையுடன் தமிழகம் நடந்துகொள்ள வேண்டும்.”

இவ்வாறு மந்திரி சுதாகர் கூறியுள்ளார்.

தொடர்புடைய செய்திகள்

1. மேகதாது திட்டத்தை தமிழக அரசு தேவையின்றி எதிர்க்கிறது - மந்திரி கோவிந்த் கார்ஜோள்
மேகதாது திட்டத்தை தமிழக அரசு தேவையின்றி எதிர்ப்பதாக மந்திரி கோவிந்த் கார்ஜோள் தெரிவித்துள்ளார்.
2. மேகதாதுவில் ஒரு செங்கல் கூட வைக்க விட மாட்டோம் - பிரேமலதா விஜயகாந்த்
மேகதாதுவில் அணை கட்டுவதற்கு எதிராக கர்நாடக அரசைக் கண்டித்து தேமுதிகவினர் ஆர்ப்பாட்டம் நடத்தினர்.
3. மேகதாது திட்டத்தில் மத்திய அரசு நியாயத்தின் பக்கம் நிற்க வேண்டும்: சித்தராமையா
மேகதாது திட்டத்தில் மத்திய அரசு நியாயத்தின் பக்கம் நிற்க வேண்டும் என்று சித்தராமையா கூறியுள்ளார்.
4. மேகதாது திட்டத்திற்கு விரைவாக அனுமதி வழங்க கோரி கர்நாடக கவர்னரிடம் குமாரசாமி கடிதம்
ஜனதா தளம் (எஸ்) கட்சி சார்பில் மேகதாது திட்டத்திற்கு விரைவாக அனுமதி வழங்க கோரி கவர்னரிடம் குமாரசாமி கடிதம் வழங்கினார்.
5. மேகதாது திட்ட விஷயத்தில் அனைவரின் கருத்தையும் கேட்க வேண்டும்: எடியூரப்பாவுக்கு குமாரசாமி வலியுறுத்தல்
மேகதாது திட்ட விஷயத்தில் அனைவரின் கருத்தையும் கேட்க வேண்டும் என்று முதல்-மந்திரி எடியூரப்பாவுக்கு குமாரசாமி வலியுறுத்தியுள்ளார்.